ಹೆರಿಗೆಯ ನಂತರ ತ್ವಚೆಯ ಸಮಸ್ಯೆಗಳು

Post Natal

oi-Reena

By Hema S

Published: Saturday, September 24, 2011, 15:11 [IST]

ಹೆರಿಗೆಯ ನಂತರ ಹೆಚ್ಚಿನ ಮಹಿಳೆಯರು ತಮ್ಮ ದೇಹ ಸೌಂದರ್ಯದ ಬಗ್ಗೆ ಹೆಚ್ಚಿನ ಗಮನಕೊಡಲು ಸಮಯವಿರುವುದಿಲ್ಲ. ಆದರೆ ತ್ವಚೆಯ ರಕ್ಷಣೆಯ ಬಗ್ಗೆ ಗಮನ ಹರಿಸದಿದ್ದರೆ ಅದು ತ್ವಚೆ ಕಾಂತಿಯನ್ನು ಕಡಿಮೆಗೊಳಿಸುತ್ತದೆ. ಆದರೆ ಕೆಲವು ಸೂಕ್ತ ಕ್ರಮಗಳನ್ನು ಅನುಸರಿಸುವುದರಿಂದ ನಿಮ್ಮ ತ್ವಚೆಯ ಕಾಂತಿಯನ್ನು ಮರಳಿ ಪಡೆಯಬಹುದಾಗಿದೆ. ಏಕೆ ಮತ್ತು ಹೇಗೆ ಎಂದು ತಿಳಿಯ ಬೇಕೆ ಮುಂದಕ್ಕೆ ಓದಿ.

ಹೆರಿಗೆಯ ನಂತರ ಶರೀರದಲ್ಲಿ ಹಾರ್ಮೋನ್ ಗಳ ವ್ಯತ್ಯಾಸದಿಂದ ಚರ್ಮದ ಸಮಸ್ಯೆಗಳು ಉಂಟಾಗುತ್ತವೆ. ದೇಹದ ಮೇಲೆ ಕಪ್ಪು ಕಲೆಗಳು ಉಂಟಾಗುವುದು, ಮೊಡವೆ, ತುರಿಕೆ, ಚರ್ಮದ ಮೇಲೆ ಗೆರೆಗಳು ಬೀಳುವುದು ಇವುಗಳಿಂದಾಗಿ ದೇಹದ ಸೌಂದರ್ಯದ ಮೇಲೆ ಪರಿಣಾಮವನ್ನು ಬೀರುತ್ತದೆ.

ಹೆರಿಗೆಯ ನಂತರ ಸಾಮಾನ್ಯವಾಗಿ ಬರುವ ಈ ಚರ್ಮ ಕಾಯಿಲೆ ಹಾಗೂ ಗುಣಪಡಿಸುವ ರೀತಿಯನ್ನು ಕುರಿತು ತಿಳಿಯಿರಿ.

1. ಹೆರಿಗೆಯ ನಂತರ ದೇಹದಲ್ಲಿ ಹಾರ್ಮೋನ್ ಗಳ ವ್ಯತ್ಯಾಸದಿಂದಾಗಿ ಚರ್ಮದ ಮೇಲೆ ಗೆರೆಗಳು ಮುಡುತ್ತವೆ. ಪೌಷ್ಠಿಕ ಆಹಾರಗಳ ಸೇವನೆ ಹಾಗೂ ದೇಹಕ್ಕೆ ಆಲೀವ್ ಅಥವಾ ಬಾದಮಿ ಎಣ್ಣೆಗಳಿಂದ ಮಸಾಜ್ ಮಾಡುತ್ತಾ ಬದರೆ ಆ ಗೆರೆಗಳು ಮಾಯವಾಗುತ್ತದೆ.

2. ಹೆರಿಗೆಯ ನಂತರ ಚರ್ಮದ ಬಗ್ಗೆ ಹೆಚ್ಚು ಗಮನಕೊಡಲು ಸಾಧ್ಯವಾಗುವುದಿಲ್ಲ. ಇದರಿಂದಾಗಿ ಮುಖದ ಮೇಲೆ ಮೊಡವೆಗಳು ಬಿದ್ದು ತ್ವಚೆಯ ಅಂದ ಕೆಡುತ್ತದೆ. ಆದರೆ ಒಳ್ಳೆಯ ಆಹಾರ ಕ್ರಮ ಹಾಗೂ ನೀರನ್ನು ಅತೀ ಹೆಚ್ಚು ಸೇವಿಸುವುದರಿಂದ ಈ ರೀತಿಯ ಸಮಸ್ಯೆಗಳಿಂದ ಮುಕ್ತಿ ಹೊಂದ ಬಹುದಾಗಿದೆ.

3. ಹೆರಿಗೆಯ ನಂತರ ಕೆಲವೊಮ್ಮೆ ಮುಖದಲ್ಲಿ, ಕತ್ತಿನ ಹತ್ತಿರ, ಹಣೆಯಲ್ಲಿ ಕಪ್ಪು ಕಲೆಗಳು ಉಂಟಾಗುತ್ತವೆ. ಇದು ದೇಹದಲ್ಲಿ ಅಧಿಕ ಮೆಲನಿನ್ ಉತ್ಫತ್ತಿ ಹಾಗೂ ಈಸ್ಟ್ರೋಜನ್, ಪ್ರೊಗೆಸ್ಟ್ರೋನ್ ವ್ಯತ್ಯಾಸದಿಂದಾಗಿ ಈ ರೀತಿ ಉಂಟಾಗುತ್ತದೆ. ಸ್ವಲ್ಪ ತಿಂಗಳುಗಳಲ್ಲಿ ಅದು ಅದರಷ್ಟಕ್ಕೆ ಕಡಿಮೆಯಾಗುವುದು. ಬಿಸಿಲುಗೆ ಹೆಚ್ಚಾಗಿ ಹೋಗಬೇಡಿ.

4. ಅಧಿಕ ಸೊಪ್ಪು ತರಕಾರಿಗಳ ಸೇವನೆಯು ದೇಹವನ್ನು ಆರೋಗ್ಯವಾಗಿ ಇಡುವುದರೊಂದಿಗೆ ಹೆರಿಗೆ ನಂತರ ಖಿನ್ನತೆಗೆ ಒಳಗಾಗದಂತೆ ತಡೆಯುತ್ತದೆ.

5 ಹೆರಿಗೆಯ ನಂತರ ದೇಹದಲ್ಲಿ ಈಸ್ಟ್ರೋಜನ್ ಅಂಶ ಕಡಿಮೆಯಾಗುವುದರಿಂದ ಗುಳ್ಳೆಗಳು ಉಂಟಾಗುತ್ತವೆ. ಆದ್ದರಿಂದ ದಿನಕ್ಕೆ ಎರಡು ಭಾರಿ ಬಾಡಿಲೋಷನ್ ಉಪಯೋಗಿಸಿ, ಸ್ನಾನಕ್ಕೆ ಹರ್ಬಲ್ ಸೋಪುಗಳನ್ನು ಬಳಸಿ.

ಈ ರೀತಿ ಮಾಡುವುದರಿಂದ ಕಾಂತಿಯುಕ್ತವಾದ ತ್ವಚೆಯು ನಿಮ್ಮದಾಗುವುದು.