ಮಗುವಿನ ಸವಿನಿದ್ದೆಗೆ ಕೆಲವು ಟಿಪ್ಸ್

ವಿಶೇಷ ಸಮಯ

ಮಗು ಮಲಗುವ ಸಮಯವನ್ನು ನಿರ್ಧರಿಸಲು ಬೇಕಾಗುವ ಪ್ರಮುಖ ಅಂಶ, ಮಕ್ಕಳು ಮಲಗಲು ವಿಶೇಷ ಸಮಯವನ್ನು ಆಯ್ಕೆ ಮಾಡುವುದು. ಇದು ನಿಮಗೆ ಅವರ ಮಲಗುವ ಸಮಯವನ್ನು ಅವರ ದಿನದ ಚಟುವಟಿಕೆಯ ಭಾಗವಾಗಿ ಮಾಡಲು ಸಹಾಯಕವಾಗುತ್ತದೆ.

ರಾತ್ರಿ ಊಟ

ನಿಮ್ಮ ಮಗು ರಾತ್ರಿ ನಿದ್ರೆ ಮಾಡುವ ಮುನ್ನ ಊಟ ಮಾಡದೇ ಮಲಗಲು ಬಿಡಬೇಡಿ. ಊಟ ಮಾಡದೆ ಮಲಗಿದರೆ ಅವರು ರಾತ್ರಿ ಮತ್ತೆ ಮತ್ತೆ ಎಚ್ಚರಾಗುವ ಸಾಧ್ಯತೆಗಳಿರುತ್ತವೆ. ಆದ್ದರಿಂದ ರಾತ್ರಿ ಮಲಗುವ ಮುನ್ನ ನಿಮ್ಮ ಕಂದಮ್ಮಗಳಿಗೆ ಆರೋಗ್ಯಕರವಾದ ಊಟವನ್ನು ನೀಡಿ ಅವರ ನಿದ್ದೆಯನ್ನು ಸುಖಕರವಾಗಿಸಿ.

ಉಡುಪು ತೊಡಿಸಿ

ಬಿಸಿ ನೀರಿನ ಸ್ನಾನವನ್ನು ಮಾಡಿಸಿದ ನಂತರ ಸಡಿಲವಾದ ಆರಾಮದಾಯಕವಾದ (ನೈಟ್ ಡ್ರೆಸ್) ಉಡುಗೆಗಳನ್ನು ತೊಡಿಸಿ. ಇದು ನಿಮ್ಮ ಮುದ್ದು ಮಗುವಿನ ನಿಶ್ಚಿಂತ ನಿದ್ರೆಗೆ ಸಹಕಾರಿಯಾಗುತ್ತದೆ.

ಆರೋಗ್ಯಕರವಾದ ಅಭ್ಯಾಸಗಳು

ಆರೋಗ್ಯಕರವಾದ ಅಭ್ಯಾಸಗಳು ನಿಮ್ಮ ಮಗುವಿನ ನಿದ್ರೆಗೆ ಸಹಾಯಕವಾಗಬಹುದು. ಮಲಗುವ ಮುನ್ನ ಅವರ ಮುಖವನ್ನು ತೊಳೆಯುವುದು, ನ್ಯಾಪಿ ಬದಲಾಯಿಸುವುದು, ಹಲ್ಲು ಉಜ್ಜುವುದು ಈ ಅಭ್ಯಾಸಗಳನ್ನು ದಿನವೂ ರೂಢಿಸಿಕೊಂಡರೆ ಮಗುವಿನ ಆರೋಗ್ಯಕ್ಕೂ ಒಳ್ಳೆಯದು.

ಮಲಗುವಾಗ ಕಥೆಗಳು

ನಿಮ್ಮ ಮಗು ರಾತ್ರಿ ನೀವು ಹೇಳುವ ಕಥೆಗಳನ್ನು ಅರ್ಥ ಮಾಡಿಕೊಳ್ಳದೇ ಇರಬಹುದು. ಆದರೂ ಅವರು ಮಲಗುವ ವರಗೆ ಅವರಿಗೆ ಉತ್ತಮವಾದ ಕಥೆಗಳನ್ನು ಹೇಳಿ. ಮಗು ಕಥೆಯನ್ನು ಅರ್ಥ ಮಾಡಿಕೊಳ್ಳದಿದ್ದರೂ ದಿನವೂ ಕೇಳುವ ಕಥೆ ಮಗು ಸುಂದರ ನಿದ್ರೆಗೆ ಜಾರುವಂತೆ ಮಾಡಬಹುದು.

ಮೃದು ಸಂಗೀತವನ್ನು ಕೇಳಿಸಿ

ಶಾಂತಿಯತ ಮನಸ್ಸಿಗಿಂತ ಮಿಗಿಲಾದುದು ಯಾವುದೂ ಇಲ್ಲ. ಇದು ಮಕ್ಕಳಿಗೂ ಕೂಡ ಅನ್ವಯಸುತ್ತದೆ. ಆದ್ದರಿಂದ ಮೃದುವಾದ ಸಂಗೀತವನ್ನು ಆಲಿಸಿದರೆ ಮನಸ್ಸಿಗೆ ಶಾಂತಿ ದೊರೆಯುತ್ತದೆ. ನಿಮ್ಮ ಮಗು ಆರಾಮವಾಗಿ ಮಲಗಲು ಅವರಿಗೆ ಬೇರೆ ಯಾವುದೇ ಸದ್ದು ಕೇಳಿಸದಂತೆ ಮೃದುವಾಗಿ ಸಂಗೀತವನ್ನು ಕೇಳಿಸಿ. ಇದರಿಂದ ಮಗು ರಗಳೆ ಮಾಡದೆ ಶೀಘ್ರ ಮಲಗಬಹುದು.

ಶುಭರಾತ್ರಿಯ ಶುಭಾಷಯ ತಿಳಿಸಿ

ನಿಮ್ಮ ಮಗುವಿಗೆ ಶುಭ ರಾತ್ರಿಯನ್ನು ಹೇಳಿವ ಮೂಲಕ ಅವರ ಮಲಗುವ ಸಮಯವನ್ನು ಅವರಿಗೆ ನೆನಪಿಸಿ. ಜೊತೆಗೆ ಮೃದುವಾಗಿ ನಿಮ್ಮ ಮಗುವನ್ನು ಚುಂಬಿಸಿ ಪ್ರೀತಿಯಿಂದ ಅಪ್ಪಿಕೊಂಡು ಮಲಗಿಸಿ. ಇದರಿಂದ ಮಗು ಯಾವುದೇ ಭೀತಿಯಿಲ್ಲದೇ ಮಲಗಬಹುದು.

ಮಲಗುವ ಪರಿಸರ

ನಿಮ್ಮ ಮಗುವಿಗೆ ಸುರಕ್ಷಿತತೆಯ ಭಾವನೆಯನ್ನು ಮೂಡಿಸದಿದ್ದರೆ ನಿಮ್ಮ ಮಗುವನ್ನು ಮಲಗಿಸುವ ಪ್ರಯತ್ನ ವಿಫಲವಾದಂತೆ! ಆದ್ದರಿಂದ ಮಗು ಮಲಗುವ ಹಾಸಿಗೆಯಲ್ಲಿ ದಿಂಬು ಅಥವಾ ಗೊಂಬೆಯಂತಹ ವಸ್ತುಗಳನ್ನಿಟ್ಟು ಅವರಿಗೆ ಜೊತೆಯಲ್ಲಿ ಯಾರಾದರೂ ಇದ್ದಾರೆ ಎನ್ನುವ ಭರವಸೆಯನ್ನು ನೀಡಿ. ಯಾವುದೇ ಭಯವಿಲ್ಲದೇ ನಿಮ್ಮ ಮಗು ಆರಾಮವಾಗಿ ಮಲಗಲು ಸಹಾಯಮಾಡಿ.