ಮಕ್ಕಳಲ್ಲಿ ಗ್ಯಾಸ್ ಸಮಸ್ಯೆ ನಿವಾರಣೆ ಹೇಗೆ?

Baby

oi-Reena

By Hema S

Published: Friday, May 11, 2012, 15:40 [IST]

ಮಕ್ಕಳಿಗೆ ಕೊಡುವ ಆಹಾರ ಕ್ರಮದ ಬಗ್ಗೆ ಎಚ್ಚರದಿಂದ ಇರಬೇಕು. ಏಕೆಂದರೆ ಕೆಲವೊಂದು ಆಹಾತಗಳು ಮಕ್ಕಳಲ್ಲಿ ಅಜೀರ್ಣ ಸಮಸ್ಯೆ ಉಂಟು ಮಾಡುವುದು. ಇದರಿಂದ ಮಲಬದ್ಧತೆ, ಬೇಧಿ ಮುಂತಾದವುಗಳು ಕಾಣಿಸಿಕೊಳ್ಳುವುದು. ಬರೀ ಎದೆ ಕೊಡುವುದರಿಂದ ಕೂಡ ಈ ರೀತಿ ಉಂಟಾಗುವುದು. ಮಕ್ಕಳ ಹೊಟ್ಟೆಯಲ್ಲಿ ಗ್ಯಾಸ್ ಉತ್ಪತ್ತಿಯಾಗಿ ಹೊಟ್ಟೆನೋವು ಕಾಣಿಸಿಕೊಳ್ಳುವುದು.

ಈ ರೀತಿ ಕಾಣಿಸಿಕೊಂಡಾಗ ಈ ಕೆಳಗಿನ ವಿಧಾನಗಳನ್ನು ಅನುಸರಿಸಿದರೆ ಮಕ್ಕಳಲ್ಲಿ ಗ್ಯಾಸ್ ಸಮಸ್ಯೆ ಕಡಮೆಯಾಗುವುದು.

1. ಬೆನ್ನಿಗೆ ತಟ್ಟುವುದು: ಹಾಲು ಕುಡಿಸಿದ ನಂತರ ತಾಯಿಯು ಮಗುವನ್ನು ಮಗುವನ್ನು ತೊಡೆಯ ಮೇಲೆ ಬೋರಲು ಮಲುಗಿಸಿ 1-2 ನಿಮಿಷದವರೆಗೆ ಮೆಲ್ಲನೆ ಬೆನ್ನಿಗೆ ತಟ್ಟಬೇಕು. ಈ ರೀತಿ ಮಾಡಿದರೆ ಮಗುವಿನಲ್ಲಿ ಗ್ಯಾಸ್ ಸಮಸ್ಯೆ ಕಾಣಿಸುವುದಿಲ್ಲ. ಹೀಗೆ ಮಾಡದಿದ್ದರೆ ಕೆಲವೊಮ್ಮೆ ಕುಡಿದ ಹಾಲು ವಾಪಸ್ಸು ಬರುವುದುಂಟು.

2. ಮಗುವಿನ ಹೊಟ್ಟೆ ಉಜ್ಜುವುದು: ಮಗುವಿನ ಹೊಟ್ಟೆ ಗ್ಯಾಸ್‌ನಿಂದ ಉಬ್ಬಿದರೆ ಮಗುವನ್ನು ಅಗಾಂತ ಮಲುಗಿಸಿ ಮಗುವಿನ ಹೊಟ್ಟೆಗೆ ಮೆದುವಾಗಿ ಮಸಾಜ್ ಮಾಡಬೇಕು.

3. ಬಿಸಿ ನೀರು ಕುಡಿಸುವುದು: ಮಗುವಿಗೆ ಗ್ಯಾಸ್ ಹೊಟ್ಟೆ ನೋವು ಕಾಣಿಸಿಕೊಂಡರೆ ಹದ ಬಿಸಿನೀರು ಕುಡಿಸಬೇಕು. ತುಂಬಾ ಬಿಸಿ ಕುಡಿಸಬಾರದು. ಹದ ಬಿಸಿ ನೀರು ಹೊಟ್ಟೆ ಸೇರಿದಾಗ ಗ್ಯಾಸ್ ಹೊರಬಂದು ಮಗುವಿಗೆ ಸಮಧಾನ ದೊರೆಯುತ್ತದೆ.

4. ಫಾರ್ಮುಲಾ ಹಾಲು ಕುಡಿಸಬೇಡಿ: ಈ ರೀತಿಯ ಹಾಲ ಕುಡಿಸಿದರೆ ಮಕ್ಕಳಿಗೆ ವಾಂತಿ, ಹೊಟ್ಟೆ ನೋವು ಕಾಣಿಸಿಕೊಳ್ಳಬಹುದು. ಏಕೆಂದರೆ ಈ ಹಾಲು ಕುಡಿದರೆ ಸರಿಯಾಗಿ ಜೀರ್ಣವಾಗದೆ ಈ ರೀತಿ ಉಂಟಾಗುತ್ತದೆ.

5. ವ್ಯಾಯಾಮ: ಮಗುವನ್ನು ಚಾಪೆ ಮೇಲೆ ಮಲಗಿಸಿ, ಮಗುವಿನ ಕಾಲುಗಳನ್ನು ನಿಮ್ಮ ಕೈಯಲ್ಲಿ ತೆಗೆದುಕೊಂಡು ಮೆಲ್ಲನೆ ಸೈಕಲ್ ತುಳಿಯುವಂತೆ ಮಾಡಿಸಿ, ಈ ರೀತಿ ಮಾಡಿದರೆ ನೋವು ಕಡಿಮೆಯಾಗುವುದು.