ಮಕ್ಕಳ ಕೆಮ್ಮು ನಿವಾರಣೆಗೆ ಮನೆ ಮದ್ದು

Baby

oi-Staff

By Super

Updated: Saturday, September 13, 2014, 15:00 [IST]

ಚಿಕ್ಕ ಮಕ್ಕಳ ಆರೋಗ್ಯದ ಬಗ್ಗೆ ಎಷ್ಟು ಎಚ್ಚರವಹಿಸಿದರೂ ಸಣ್ಣ ಪುಟ್ಟ ಕಾಯಿಲೆಗಳೂ ಕಾಣಿಸಿಕೊಳ್ಳುತ್ತವೆ. ಅದರಲ್ಲೂ ಶೀತ ಮತ್ತು ಕೆಮ್ಮು ಹಿಡಿದರೆ ಸರಿಯಾಗಿ ನಿದ್ದೆ ಮಾಡಲಾಗದೆ ತುಂಬಾ ರಂಪಾಟ ಮಾಡುತ್ತವೆ. ಈ ರೀತಿ ಕೆಮ್ಮು ಅಥವಾ ಶೀತಕ್ಕೆ ಮನೆಯಲ್ಲಿ ಹಿರಿಯರಿದ್ದರೆ ಮನೆ ಮದ್ದು ಮಾಡುತ್ತಾರೆ. ಮನೆ ಮದ್ದು ಮಾಡುವುದರಿಂದ ಯಾವುದೇ ರೀತಿಯ ಅಡ್ಡ ಪರಿಣಾಮ ಉಂಟಾಗುವುದಿಲ್ಲ.

ಆದ್ದರಿಂದ ಚಿಕ್ಕ ಮಕ್ಕಳ ಕೆಮ್ಮು ನಿವಾರಣೆಗೆ ಈ ಕೆಳಗಿನ ಮನೆ ಮದ್ದು ಬಳಸುವುದು ಒಳ್ಳೆಯದು.

1. ಆವಿ ಕೊಡುವುದು: ನೀರನ್ನು ಕುದಿಬೇಕು. ನೀರಿನಿಂದ ಆವಿ ಬರುವಾಗ, ಆವಿಗೆ ಟವಲ್ ಹಿಡಿದು ಅದರಿಂದ ಮಗುವಿನ ಮೈಯನ್ನು ಮೆಲ್ಲನೆ ಒತ್ತಬೇಕು. ನೀರಿಗೆ ಅಮೃತಾಂಜನ ಹಾಕಿ ಕುದಿಸಿದಾಗ ಬರುವ ಆವಿಗೆ ಬಟ್ಟೆಯನ್ನು ಹಿಡಿದು ಮಗುವಿನ ಮೈಗೆ ಮೆಲ್ಲನೆ ಒತ್ತಬೇಕು, ಎದೆ, ಬೆನ್ನಿನ ಭಾಗಕ್ಕೆ ಮೆಲ್ಲನೆ ಒತ್ತಬೇಕು. ಆಗ ಮೂಗು ಕಟ್ಟಿದ್ದರೆ ಮಗುವಿಗೆ ಸ್ವಲ್ಪ ಸಮಧಾನ ಸಿಗುತ್ತದೆ.

2. ಜೇನು, ಕರಿಮೆಣಸಿನ ಪುಡಿ ಮತ್ತು ತುಳಸಿ: ಅರ್ಧ ಚಮಚ ಜೇನಿಗೆ 1-2 ಕರಿ ಮೆಣಸಿನ ಪುಡಿ ( 6 ತಿಂಗಳ ಮೇಲಿನ ಮಕ್ಕಳಿಗಾದರೆ 3-4 ಕರಿಮೆಣಸಿನ ಪುಡಿ ಹಾಕಬಹುದು) ಮತ್ತು ತುಳಸಿ ರಸ ಇವುಗಳನ್ನು ಮಿಶ್ರ ಮಾಡಿ ಕುಡಿಸಿದರೆ ಕೆಮ್ಮು ಕಮ್ಮಿಯಾಗುವುದು.

3. ಅರಿಶಿಣ: ಅರಿಶಿಣ ಪುಡಿಯನ್ನು ಬಿಸಿ ಮಾಡಿ ಅದನ್ನು ಎದೆಗೆ ಉಜ್ಜಿ ಹಾಲು ಕುಡಿಸಬೇಕು ಅಥವಾ ಹಾಲಿನ ಬಾಟಲಿಯ ನಿಪ್ಪಲ್‌ಗೆ ಉಜ್ಜಿ ಹಾಲು ಕುಡಿಸಬೇಕು. ಈ ರೀತಿ ದಿನಕ್ಕೆ 2 ಬಾರಿ ಮಾಡಿದರೆ ಕೆಮ್ಮು ಕಡಿಮೆಯಾಗುವುದು.

4. ಎಣ್ಣೆ ಮಸಾಜ್: ನೀಲಿಗಿರಿ , ರೋಸ್ ಬೆರಿ ಎಣ್ಣೆ, ಪುದೀನಾ ಎಣ್ಣೆ (ಪೆಪ್ಪರ್ ಮಿಂಟ್ ಆಯಿಲ್ ) ಇವುಗಳಿಂದ ಮಸಾಜ್ ಮಾಡಿದರೆ ಶೀತ ಮತ್ತು ಕೆಮ್ಮಿನಿಂದ ಮೂಗು ಕಟ್ಟುವ ಸಮದ್ಯೆ ನಿವಾರಣೆಯಾಗುವುದು. ನಂತರ ಮಗುವಿಗೆ ಉಣ್ಣೆಯ ಬಟ್ಟೆ ಧರಿಸಬೇಕು. ಈ ರೀತಿ ಮಾಡಿದರೆ ಕೆಮ್ಮು ಕಮ್ಮಿಯಾಗುವುದು.