ಮದುಮಗಳಿಗೆ ಕತ್ತೆ ಗಿಫ್ಟ್ ನೀಡಿದ ಮದುಮಗ, ಇದಕ್ಕೆ ಕಾರಣವೂ ಇದೆ: ವೈರಲ್ ವೀಡಿಯೋ ಮದುಮಗಳಿಗೆ ಕತ್ತೆ ಗಿಫ್ಟ್ ನೀಡಿದ ಮದುಮಗ,

ನಮ್ಮ ಸಂಬಂಧಿಕರ ಅಥವಾ ಸ್ನೇಹಿತರ ಮದುವೆಗೆ ಹೋಗುವಾಗ ಅವರಿಗೆ ಏನಾದರು ಉಡುಗೊರೆ ತಗೊಂಡು ಹೋಗುತ್ತೇವೆ. ಆಶೀರ್ವಾದವೇ ಉಡುಗೊರೆ ಅಂತ ಬರೆದಿರುವ ಮದುವೆಗೆ ಹೋಗುವಾಗಲೂ ಒಂದು ಹೂ ಗುಚ್ಛವಾದರೂ ತಗೊಂಡು ಹೋಗಿ ವಿಶ್‌ ಮಾಡುತ್ತೇವೆ, ಆದರೆ ಪಾಕಿಸ್ತಾನದಲ್ಲಿ ನಡೆದಿರುವ ಮದುವೆಯೊಂದರಲ್ಲಿ ಮದುಮಗಳು ವಾರೇಶಾಳಿಗೆ ಮದುಮಗ ಅಜ್ಲಾನ್ ಕತ್ತೆಯನ್ನು ಉಡುಗೊರೆಯಾಗಿ ನೀಡಿದ್ದು ಆ ವೀಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗಿದೆ.

ಕೆಲವರು ತಮಾಷೆ ಮಾಡಲು ವಿಚಿತ್ರವಾದ ಗಿಫ್ಟ್‌ಗಳನ್ನು ನೀಡುತ್ತಾರೆ, ಆದರೆ ಈ ಮದುಮಗ ಮದುಮಗಳಿಗೆ ಕತ್ತೆಯನ್ನು ಗಿಫ್ಟ್ ನೀಡಿರುವುದು ತಮಾಷೆಗಲ್ಲ, ಅದರ ಹಿಂದೆ ಬಲವಾದ ಕಾರಣವೂ ಇದೆ.

ಅಜ್ಲಾನ್ ತನ್ನ ಹುಡುಗಿಗೆ ಕತ್ತೆಯನ್ನು ಗಿಫ್ಟ್‌ ಮಾಡಲು ಕಾರಣ ಆಕೆಗೆ ಕತ್ತೆಯೆಂದರೆ ತುಂಬಾನೇ ಇಷ್ಟ. ಕತ್ತೆ ತುಂಬಾನೇ ಶ್ರಮಜೀವಿ ಎಂಬ ಕಾರಣಕ್ಕೆ ಕತ್ತೆಯನ್ನು ತುಂಬಾ ಇಷ್ಟಪಡುತ್ತಾಳೆ, ಹಾಗಾಗಿ ಅವಳು ತುಂಬಾ ಇಷ್ಟಪಡುವ ಕತ್ತೆಯನ್ನು ಗಿಫ್ಟ್ ಆಗಿ ನೀಡಿದ್ದಾನೆ.

ಏನೋ ಒಂದು ಗಿಫ್ಟ್‌ ನೀಡುವ ಬದಲು ತನ್ನ ಹುಡುಗಿಯ ಮನಸ್ಸು ಅರಿತು ಕತ್ತೆಯನ್ನು ಗಿಫ್ಟ್ ನೀಡಿದ್ದಾನೆ, ಅಂದ ಹಾಗೆ ಈ ಗಿಫ್ಟ್ ಬಗ್ಗೆ ನಿಮ್ಮ ಅನಿಸಿಕೆ ಏನು?

ಇನ್ನು ಮತ್ತೊಂದು ವೀಡಿಯೋದಲ್ಲಿ ಪಾತ್ರೆ-ಪಗಡೆ ತೆಗೆದುಕೊಂಡು ಯುವಕರು ಟ್ಯಾನ್ಸ್‌ ಮಾಡಿರುವ ವೀಡಿಯೋ ವೈರಲ್ ಆಗಿದೆ. ಮದುವೆ ಸಮಾರಂಭದಲ್ಲಿ ಎಲ್ಲರೂ ಊಟವಾದ ಮೇಲೆ ಯುವಕರು ತಟ್ಟೆ-ಪಾತ್ರೆ, ವಾಟರ್ ಕ್ಯಾನ್ ತೆಗೆದು ಹಾಡಿಗೆ ಹೆಜ್ಜೆ ಹಾಕಿರುವ ವೀಡಿಯೋ ನೆಟ್ಟಿಗರಿಗೆ ತುಂಬಾ ಖುಷಿಕೊಟ್ಟಿದೆ, ತುಂಬಾ ಜನ ಈ ವೀಡಿಯೋ ಶೇರ್ ಮಾಡುತ್ತಿದ್ದಾರೆ.