ಮದುವೆ ಮನೆಯಲ್ಲಿ ನಂಬುವ ಈ ಮೌಢ್ಯತೆಗಳ ಅರ್ಥ ನಿಮಗೆ ಗೊತ್ತೆ..!

1. ಮದುವೆಯ ದಿನ ಮಳೆ

ಮದುವೆಯ ದಿನ ಮಳೆ ಬಂದರೆ ಕೆಲವು ಸಂಸ್ಕೃತಿಗಳಲ್ಲಿ ಇದನ್ನು ಪವಿತ್ರವೆಂದು ಪರಿಗಣಿಸಲಾಗುತ್ತದೆ. ಮದುವೆಯ ದಿನದಂದು ಮಳೆಯು ಫಲವತ್ತತೆ ಮತ್ತು ಸಂಪತ್ತಿನ ಸಂಕೇತವೆಂದು ನಂಬಲಾಗಿದೆ. ಇದೊಂದು ಶುಭ ಸಂಸಾರದ ಮುನ್ಸೂಚನೆಯನ್ನು ತೋರಿಸುತ್ತದೆ.

2. ವಧುವಿನ ಮೆಹೆಂದಿಯ ಬಣ್ಣ

ವಧುವಿನ ಗೋರಂಟಿ ಬಣ್ಣವು ಗಾಢವಾಗಿ ಕಂಡರೆ, ಅವಳ ಮದುವೆಯು ಬಲವಾಗಿರುತ್ತದೆ, ಅಲ್ಲದೆ ಅವಳನ್ನು ತನ್ನ ಪತಿ ಆಗುವವನು ಅಷ್ಟು ಪ್ರೀತಿಸುತ್ತಾನೆ ಎಂದರ್ಥ.

ಇನ್ನೊಂದು ಮೂಢನಂಬಿಕೆಯೆಂದರೆ, ವಧುವಿನ ಕೈಯಲ್ಲಿ ಮೆಹೆಂದಿಯು ತನ್ನ ವರನಿಗಿಂತ ಹೆಚ್ಚು ಕಾಲ ಇದ್ದರೆ, ಅವಳು ತನ್ನ ಅತ್ತೆಯಂದಿರಿಂದ ಸಾಕಷ್ಟು ಪ್ರೀತಿಯನ್ನು ಪಡೆಯುತ್ತಾಳೆ.

3. ಮದುವೆಗೂ ಮುನ್ನ ವಧು-ವರರು ಒಬ್ಬರನ್ನೊಬ್ಬರು ನೋಡುವಂತಿಲ್ಲ

ಮದುವೆಗೂ ಮುನ್ನ ವಧು-ವರರು ಒಬ್ಬರನ್ನೊಬ್ಬರು ನೋಡುವಂತಿಲ್ಲ ಎಂಬ ಮೂಢನಂಬಿಕೆಯು ಬಹಳ ಹಿಂದಿನ ಕಾಲದ ಪದ್ಧತಿಯಾಗಿದೆ. ಸಮಾರಂಭದ ಮೊದಲು ದಂಪತಿಗಳು ಒಬ್ಬರನ್ನೊಬ್ಬರು ನೋಡಿದರೆ, ಅದು ಮದುವೆಯ ಬಗ್ಗೆ ತಮ್ಮ ಮನಸ್ಸನ್ನು ಬದಲಾಯಿಸುವ ಅವಕಾಶವನ್ನು ನೀಡುತ್ತದೆ ಎಂದು ಜನರು ನಂಬಿದ್ದರು. ಆದಾಗ್ಯೂ, ಇಂದು ಅನೇಕ ದಂಪತಿಗಳಾಗ ಬಯಸುವವರು ಭೇಟಿಯಾಗಲು ಅವಕಾಶ ಇದೆ, ಇದಕ್ಕೆ ಹಿರಿಯರೇ ಸಮ್ಮತಿ ಸಹ ಸೂಚಿಸುತ್ತಾರೆ.

4. ಮೊದಲು ಬಲಗಾಲು

ವಧು ಮೊದಲು ತನ್ನ ಎಡಗಾಲಿನಿಂದ ಹೊಸ ಮನೆಗೆ ಪ್ರವೇಶಿಸಿದರೆ ಅಶುಭ ಎಂದು ಪರಿಗಣಿಸಲಾಗುತ್ತದೆ. ಆದ್ದರಿಂದಲೇ ಹಿಂದೂ ಸಂಪ್ರದಾಯದಲ್ಲಿ ಗಂಡನ ಮನೆಗೆ ಶುಭ ಬರಲಿ ಎಂದು ಆಶಿಸಿ ಹೊಸಿಲಿಗೆ ನಮಸ್ಕರಿಸಿ, ಅಕ್ಕಿಯ ಸೇರನ್ನು ಒದ್ದು ಬಲಗಾಲಿಟ್ಟು ಮನೆ ಪ್ರವೇಶಿಸುತ್ತಾರೆ.

5. ಹಾಲು ಉಕ್ಕುವುದು

ಮದುವೆಯ ಸಮಯದಲ್ಲಿ, ಕುಟುಂಬ ಸದಸ್ಯರು ಹಾಲು ಕುದಿಸುವಾಗ ಜಾಗರೂಕರಾಗಿರಬೇಕು ಎಂದು ನಂಬಲಾಗಿದೆ. ಮದುವೆಯ ದಿನ ಅಥವಾ ಹಿಂದಿನ ಮುಂದಿನ ದಿನಗಳಲ್ಲಿ ಹಾಲು ಉಕ್ಕುವುದು ಅಥವಾ ಚೆಲ್ಲುವುದು ದುರದೃಷ್ಟವನ್ನು ಸೂಚಿಸುತ್ತದೆ ಎಂದು ಹೇಳಲಾಗುತ್ತದೆ.

6. ಗಾಜು ಒಡೆಯುವುದು

ಇಟಲಿಯಲ್ಲಿನ ಪದ್ಧತಿಯ ಪ್ರಕಾರ, ನವವಿವಾಹಿತರು ತಮ್ಮ ಮದುವೆಯಲ್ಲಿ ಹೂದಾನಿ ಅಥವಾ ಗಾಜನ್ನು ಒಡೆದು ಹಾಕುತ್ತಾರೆ. ಅಲ್ಲಿನ ಸಂಪ್ರದಾಯದ ಪ್ರಕಾರ, ಗಾಜಿನ ಸಾಮಾನುಗಳು ಎಷ್ಟು ತುಂಡುಗಳಾಗಿ ಒಡೆಯುತ್ತವೆಯೋ ದಂಪತಿಗಳು ಅಷ್ಟು ವರ್ಷಗಳ ಕಾಲ ಸಂತೋಷದಿಂದ ಜೀವನ ನಡೆಸುತ್ತಾರೆ ಎಂಬುದನ್ನು ಸಂಕೇತಿಸುತ್ತದೆ.