ನೈತಿಕ ಪೊಲೀಸರಿಗೆ ಮಹಿಳೆಯೇ ಟಾರ್ಗೆಟ್! ಎಲ್ಲಿದೆ ನ್ಯಾಯ?

ಭಾರತದಲ್ಲೇ ನಡೆದಿರುವುದು

ಅಸ್ಸಾಂನ ಗೋಲಪಾರ ಜಿಲ್ಲೆಯಲ್ಲಿ ವೈದ್ಯಕೀಯ ಕೇಂದ್ರದಲ್ಲಿ ತನ್ನ ಬಾಯ್ ಫ್ರೆಂಡ್ ಜತೆಗೆ ಹೋಗುತ್ತಿದ್ದ 22ರ ಹರೆಯದ ಮಹಿಳೆಗೆ ನೈತಿಕ ಪೊಲೀಸರು ಸರಿಯಾಗಿ ಹಲ್ಲೆ ನಡೆಸಿದ್ದಾರೆ. ಇದು ವೀಡಿಯೋದಲ್ಲಿ ನೀವು ಕಾಣಬಹುದಾಗಿದೆ.

ವೀಡಿಯೋದ ವಿವರಣೆ

ಈ ವೀಡಿಯೋದಲ್ಲಿ ಕಂಡುಬರುವಂತೆ ನೈತಿಕ ಪೊಲೀಸರೆಂದು ಹೇಳಿಕೊಂಡವರು ಮಹಿಳೆಯ ಕೆನ್ನೆಗೆ ಬಾರಿಸಿ, ಆಕೆಗೆ ಸರಿಯಾಗಿ ಒದೆ ನೀಡಿದ್ದಾರೆ. ಮಹಿಳೆಯು ತನ್ನ ಬಾಯ್ ಫ್ರೆಂಡ್ ಜತೆಗೆ ಹೋಗುವುದು ಇವರಿಗೆ ಇಷ್ಟವಿಲ್ಲದೆ ಇದ್ದ ಕಾರಣದಿಂದ ಹಲ್ಲೆ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಹಲ್ಲೆಕೋರರು ಹೇಳುವಂತೆ….

ಈ ಪುರುಷ ಮತ್ತು ಮಹಿಳೆ ಅನೈತಿಕ ಸಂಬಂಧದಲ್ಲಿದ್ದಾರೆಂದು ಯೋಚಿಸಿ ಹಲ್ಲೆ ಮಾಡಲಾಗಿದೆ ಎನ್ನುವುದು ಹಲ್ಲೆಕೋರರ ಮಾತು. ಮಹಿಳೆಗೆ ಈಗಾಗಲೇ ಮದುವೆ ನಿಶ್ಚಯವಾಗಿತ್ತು. ಆದರೆ ಆಕೆ ಇನ್ನೊಬ್ಬ ಪುರುಷನ ಜತೆಗೆ ಹೋಗುವುದನ್ನು ನೋಡಿ ಹಲ್ಲೆ ಮಾಡಲಾಗಿದೆ.

ಹಲ್ಲೆಕೋರರನ್ನು ಬಂಧಿಸಲಾಯಿತು…

ಘಟನೆಗೆ ಸಂಬಂಧಿಸಿದಂತೆ ಪೊಲೀಸರು ಎಲ್ಲರನ್ನು ಬಂಧಿಸಿದ್ದಾರೆ. ಹಲ್ಲೆಕೋರರನ್ನು ಬಂಧಿಸಲಾಗಿದ್ದರೂ ವೀಡಿಯೊ ಮಾತ್ರ ಸಾಮಾಜಿಕ ಜಾಲತಾಣಗಳಲ್ಲಿ ತುಂಬಾ ವೈರಲ್ ಆಗುತ್ತಲಿದೆ. ಮಹಿಳೆ ಕೆನ್ನೆಗೆ ಬಾರಿಸಿರುವುದು ಮತ್ತು ಕಾಲಿನಿಂದ ತುಳಿದಿರುವುದು ತುಂಬಾ ಜನರನ್ನು ಕೆರಳಿಸಿದೆ. ಆಕೆ ನೋವಿನಿಂದ ನರಳುತ್ತಿದ್ದರೂ ಹಲ್ಲೆಕೋರರು ಆಕೆಯನ್ನು ಕೂದಲಿನಲ್ಲಿ ಹಿಡಿದು ಎಳೆದುಕೊಂಡು ಹೋಗುತ್ತಿದ್ದಾರೆ.