ಅಚ್ಚರಿ ಜಗತ್ತು: ಕಣ್ಣಗುಡ್ಡೆಗಳಿಗೂ ಟ್ಯಾಟೂ ಹಾಕಿಸಿಕೊಂಡ!

ಬಾಲ್ಯದಲ್ಲೇ ಆತನಿಗೆ ಈ ಹುಚ್ಚು ಹಿಡಿಯಿತು!

ಇಂಗ್ಲೆಂಡಿನ ಬ್ರಿಗ್ಟನ್ ನಿಂದ ಟ್ಯಾಟೂ ಕಲಾವಿದನಾಗಿರುವ ಎಲಿ, ಬಾಲ್ಯದಲ್ಲಿ ತನ್ನ ಚಿಕ್ಕಪ್ಪ ಸ್ಪೇನ್ ನಿಂದ ಬರುವಾಗ ದೊಡ್ಡ ಟ್ಯಾಟೂ ಹಾಕಿಕೊಂಡು ಬಂದಿರುವುದನ್ನು ನೋಡಿದ್ದ. ಇದರ ಬಳಿಕ ಆತ ತನ್ನ ದೇಹದಲ್ಲಿ ಮಾರ್ಪಾಡು ಮಾಡಲು ಬಯಸಿದ.

ಹತ್ತು ವರ್ಷಗಳ ಮೊದಲು ಮಾರ್ಪಾಡು ಆರಂಭ

ಹತ್ತು ವರ್ಷಗಳ ಮೊದಲು ಎಲಿ ಇಂಕ್ ತನ್ನ ದೇಹ ಮಾರ್ಪಾಡು ಮಾಡಲು ಆರಂಭಿಸಿದ. ತನ್ನಷ್ಟು ದೇಹ ಮಾರ್ಪಾಡು ಮಾಡುವುದನ್ನು ಬೇರೆ ಯಾರು ಕೂಡ ಅರ್ಥ ಮಾಡಿಕೊಳ್ಳಲು ಸಾಧ್ಯವಿಲ್ಲವೆಂದು ಆತ ಹೇಳಿದ್ದ.

ತನ್ನದೇ ದೇಹದೊಂದಿಗೆ....

ಕಳೆದ ಹತ್ತು ವರ್ಷಗಳಿಂದ ಆತ ತನ್ನ ದೇಹವನ್ನು ಮಾರ್ಪಾಡು ಮಾಡಿಕೊಂಡು ಒಂದು ಮೇರುಕೃತಿಯನ್ನಾಗಿಸಲು ಪ್ರಯತ್ನಿಸುತ್ತಿದ್ದಾನೆ ಎಂದು ವರದಿಗಳು ಹೇಳಿವೆ. ಸಂಪೂರ್ಣವಾಗಿ ದೇಹಕ್ಕೆ ಟ್ಯಾಟೂ ಹಾಕಿಸಿಕೊಳ್ಳುವ ಕೆಲಸ ಮುಗಿದಿದೆ. ಇದರ ಫಲಿತಾಂಶ ಕಣ್ಣ ಮುಂದಿದೆ.

ಆತನೇ ಟ್ಯಾಟೂ ಹಾಕಿಕೊಂಡ....

ಆತ ತನ್ನ ದೇಹದ ಹೆಚ್ಚಿನ ಭಾಗಕ್ಕೆ ಕಪ್ಪು ಬಣ್ಣವನ್ನು ಹಾಕಿಕೊಂಡಿದ್ದಾನೆ ಮತ್ತು ಕಣ್ಣಗುಡ್ಡೆಗಳನ್ನು ಸಂಪೂರ್ಣ ಕಪ್ಪಾಗಿಸಿದ್ದಾನೆ. ಮೂಗು ಮತ್ತು ಕೆಳತುಟಿಯ ಅಗಲವನ್ನು ಹೆಚ್ಚಿಸಿದ್ದಾನೆ.

ಪಿಕಾಸೋನ ದೊಡ್ಡ ಅಭಿಮಾನಿ

ತಾನು ಪಿಕಾಸೋನ ದೊಡ್ಡ ಅಭಿಮಾನಿ ಮತ್ತು ತನ್ನ ದೇಹದಲ್ಲಿ ಮಾಡಿರುವಂತಹ ಎಲ್ಲಾ ಕಲಾಕೃತಿಗಳು ಬಾಲ್ಯದಲ್ಲಿ ಪಿಕಾಸೋನ ನೋಡಿ ಬಂದ ಪ್ರೇರಣೆಯಾಗಿದೆ ಎಂದು ಆತ ಹೇಳಿದ್ದಾನೆ.

ಕಣ್ಣಿಗೆ ಟ್ಯಾಟೂ ತುಂಬಾ ಅಪಾಯಕಾರಿ

ಎಲಿ ಇಂಕ್ ತನ್ನ ಕಣ್ಣಗುಡ್ಡೆಗಳು ಮತ್ತು ಬಾಯಿಯೊಳಗಡೆ ಕಪ್ಪು ಬಣ್ಣ ಟ್ಯಾಟೂ ಹಾಕಿಸಿದ್ದಾನೆ. ಆದರೆ ತಜ್ಞರ ಪ್ರಕಾರ ಕಣ್ಣಗುಡ್ಡೆಗಳಿಗೆ ಟ್ಯಾಟೂ ಹಾಕಿಸಿಕೊಳ್ಳುವುದು ಭಾರೀ ಅಪಾಯಕಾರಿ. ಇದಕ್ಕೆ ಬಿಳಿಯ ಕಣ್ಣಪೊರೆಯ ಎರಡು ಪದರಗಳ ಮಧ್ಯೆ ಶಾಯಿಯನ್ನು ಇಂಜೆಕ್ಷನ್ ಮೂಲಕ ಹಾಕಬೇಕು. ಇದರ ಬಳಿಕ ಹರಡಲು ಬಿಡಬೇಕು. ಇದು ಅಪಾಯಕಾರಿ ಮತ್ತು ದೃಷ್ಟಿ ಕಳೆದುಕೊಳ್ಳುವ ಸಾಧ್ಯತೆಯಿದೆ ಎನ್ನುತ್ತಾರೆ ತಜ್ಞರು.