ಕುಡುಕ ಅಪ್ಪನೇ ಸೊಸೆಯಾಗುವವಳನ್ನು ಚುಂಬಿಸಿದಾಗ!! ವಿಡಿಯೋ ವೈರಲ್

ಇದು ನಡೆದದ್ದು ಚೀನಾದಲ್ಲಿ

ಮೂಲಗಳ ಪ್ರಕಾರ, ಚೀನಾದ ಒಂದು ವಿವಾಹ ಸಮಾರಂಭದಲ್ಲಿ ಎಲ್ಲರ ಎದುರಿಗೆ, ತನ್ನ ಸೊಸೆಯಾಗುವವಳನ್ನು ಮಗ ಹಾಗೂ ಇತರ ಅತಿಥಿಗಳ ಎದುರಿಗೇ ಬಲವಂತವಾಗಿ ಚುಂಬಿಸಿದ ಕುಡುಕ ಅಪ್ಪ ಈ ಸುದ್ದಿಗೆ ಕಾರಣವಾಗಿದ್ದಾನೆ.

ಇದೊಂದು ತೀರಾ ಅನಿರೀಕ್ಷಿತವಾದ ಘಟನೆ

ಈ ವೀಡಿಯೋ ನೋಡಿದವರಿಗೆ ಅಪ್ಪನ ಇರಾದೆ ಕೊನೆಯ ಕ್ಷಣದವರೆಗೂ ಏನಿತ್ತೆಂದು ಊಹಿಸಲು ಸಾಧ್ಯವಾಗಲಿಕ್ಕಿಲ್ಲ. ವೇದಿಕೆಯಲ್ಲಿ ಮದುಮಗಳಾಗಿ ಕುಳಿತಿದ್ದ ಸೊಸೆಯಾಗುವವಳನ್ನು ಥಟ್ಟನೇ ಬಲವಂತವಾಗಿ ಸೆಳೆದು ಮುತ್ತಿಕ್ಕಿದ ಅಪ್ಪನ ಈ ಕ್ರಿಯೆ ಯಾರಿಗಾದರೂ ದಿಗ್ಭ್ರಮೆ ಮೂಡಿಸುತ್ತದೆ. ಕುಡಿತದ ಅಮಲಿನಲ್ಲಿಯಾದರೂ ಸರಿ ಈ ನಡೆದ ಖಚಿತವಾಗಿಯೂ ಖಂಡನಾರ್ಹವಾಗಿದೆ.

ತಂದೆಯನ್ನೇ ಚಚ್ಚಿದ ಮಗ!

ಈ ಘಟನೆಯನ್ನು ಕಣ್ಣಾರೆ ಕಂಡ ಬಳಿಕ ಯಾರಿಗಾದರೂ ಮೈಯೆಲ್ಲಾ ಮುಳ್ಳುಗಳೇಳುವುದು ಸಹಜ. ಆ ಮಗನ ಸ್ಥಿತಿ ಏನಾಗಿರಬಾರದು? ಆತನ ಜೀವನದ ಅತ್ಯಂತ ಪ್ರಮುಖ ಮತ್ತು ಸಂತೋಷದ ಕ್ಷಣದಲ್ಲಿ ತನ್ನ ಅಪ್ಪನೇ ಹೀಗೆ ವರ್ತಿಸಿದರೆ? ಸುಮ್ಮನೇ ಸಿಟ್ಟು ತಲೆಗೇರಿದ ಮಗ ಮರುಕ್ಷಣವೇ ತಂದೆಯನ್ನು ಚೆನ್ನಾಗಿ ತದುಕಿರುವುದೂ ವೀಡಿಯೋದಲ್ಲಿ ದಾಖಲಾಗಿದೆ. ಈ ಘಟನೆ ನಡೆದೇ ಇಲ್ಲ ಎಂದು ಸಾಬೀತುಪಡಿಸಲು ಪ್ರಯತ್ನಗಳು ನಡೆದವಾದರೂ ಅಪ್ಪನೇ ಈ ಕೃತಿಗಾಗಿ ಕ್ಷಮೆಯಾಚಿಸಿದ್ದರಿಂದ ಈ ಪ್ರಯತ್ನ ನೀರಿನಲ್ಲಿ ಹೋಮವಾಗಿದೆ.

ಅಂತರ್ಜಾಲದಲ್ಲಿ ವೈರಲ್ ಆದ ವೀಡಿಯೋ

ಯಾವಾಗ ಈ ವೀಡಿಯೋ ಅಂತರ್ಜಾಲದಲ್ಲಿ ಬಿಡುಗಡೆಯಾಯ್ತೋ, ಜಗತ್ತಿನಾದ್ಯಂತ ಕ್ಷಣಮಾತ್ರದಲ್ಲಿ ಪಸರಿಸಿದೆ. ತಕ್ಷಣವೇ ಊಹಾಪೋಹಗಳ ಕಂತೆಗಳೇ ಮಾರ್ದನಿಸಿವೆ. ಅವಮಾನ ತಡೆಯಲಾರದೇ ತಂದೆ ಆತ್ಮಹತ್ಯೆ ಮಾಡಿಕೊಂಡನೆಂದೂ, ಎರಡೂ ಕುಟುಂಬದ ನಡುವೆ ಭಾರೀ ಜಗಳವಾಯ್ತೆಂದೂ ಜನರು ತಮ್ಮ ಮನಸ್ಸಿಗೆ ಬಂದಿದ್ದನ್ನು ಉಪ್ಪೂ ಕಾರ ಹಾಕಿ ಮುಂದಿನವರಿಗೆ ದಾಟಿಸುತ್ತಿದ್ದಾರೆ. ಆದರೆ ಇವೆಲ್ಲಾ ಸುಳ್ಳು ಎಂದೂ ತಂದೆ ಮಾತ್ರ ಮಗ ಪೆಟ್ಟಿನಿಂದ ಕೆನ್ನೆ ಕೆಂಪಾಗಿಸಿಕೊಂಡು ಹೋಗುತ್ತಿರುವುದು ಮಾತ್ರ ಸ್ಪಷ್ಟವಾಗಿದೆ.

ಮುಂದೇನಾಗಬಹುದು?

ಮುಂದೇನಾಗಬಹುದು? ಒಂದು ಕುಟುಂಬದ ವೈಯಕ್ತಿಕ ಘಟನೆಯನ್ನು ಹೀಗೆ ಸಾರ್ವಜನಿಕವಾಗಿಸಿ ಆ ಕುಟುಂಬದ ಮರ್ಯಾದೆ ಕಳೆಯುವುದು ಸೂಕ್ತವೇ? ಕೇವಲ ಗಾಸಿಪ್ ಗಾಗಿ ಈ ವಿಷಯವನ್ನು ಹಿಗ್ಗಾ ಮುಗ್ಗಾ ಎಳೆಯುವುದು ಸಲ್ಲುವುದೇ? ಈ ಬಗ್ಗೆ ನಿಮ್ಮ ಅಭಿಪ್ರಾಯವೇನು ಎಂಬುದನ್ನು ಕೆಳಗಿನ ಕಮೆಂಟ್ಸ್ ಭಾಗದಲ್ಲಿ ಬರೆದು ನಮಗೆ ತಿಳಿಸಿ.