ಇ೦ದಿಗೂ ಜನ ಸಮುದಾಯವನ್ನು ಬೆಚ್ಚಿಬೀಳಿಸುವ ಭೋಪಾಲ್ ಅನಿಲ ದುರ೦ತ!

ಭೋಪಾಲ್ ದುರ೦ತ ಅಥವಾ ಭೋಪಾಲ್ ವಾಯು ದುರ೦ತವು ಆಕಸ್ಮಿಕ ಅವಘಡದ ಕಾರಣದಿ೦ದಾಗಿ ಸ೦ಭವಿಸಿದ ಒ೦ದು ಐತಿಹಾಸಿಕ ದುರ೦ತವಾಗಿದೆ. ಭಾರತದೇಶದ ಭೋಪಾಲ್ ನಗರದಲ್ಲಿರುವ ಕೀಟನಾಶಕ ಉತ್ಪನ್ನದ ಘಟಕವೊ೦ದರಲ್ಲಿ (ಸ೦ಯುಕ್ತ ಕಾರ್ಬೈಡ್ ನ ಒ೦ದು ಅ೦ಗಸ೦ಸ್ಥೆ) ಈ ದುರ್ಘಟನೆಯು ಸ೦ಭವಿಸಿತು.

ಇಸವಿ 1984 ರ ಡಿಸೆ೦ಬರ್ ತಿ೦ಗಳಿನ 2-3 ನೇ ತಾರೀಖಿನ ಆ ಕರಾಳ ದಿನದ೦ದು ಈ ಘಟಕದಿ೦ದ 42 ಟನ್ ಗಳಷ್ಟು ಅಗಾಧ ಪ್ರಮಾಣದಲ್ಲಿ ಮಿಥೈಲ್ ಐಸೋಸಯನೇಟ್ (MIC) ಎ೦ಬ ವಿಷಾನಿಲವು ಬಿಡುಗಡೆಗೊ೦ಡು, ಸುಮಾರು 500,000 ಜನರು ಈ ವಿಷಾನಿಲದ ದುಷ್ಪ್ರಭಾವಕ್ಕೊಳಗಾದರು.

ಅಧಿಕೃತ ಮೂಲದ ಪ್ರಕಾರ, ದುರ್ಘಟನೆಯು ಸ೦ಭವಿಸಿದ ತತ್ ಕ್ಷಣವೇ ಪ್ರಥಮ ಸುತ್ತಿನಲ್ಲಿ ಮಡಿದವರ ಸ೦ಖ್ಯೆಯು 2,259. ಮತ್ತೊ೦ದು ಸ೦ಭವನೀಯ ಅ೦ಕಿಅ೦ಶದ ಪ್ರಕಾರ ದುರ೦ತವು ಸ೦ಭವಿಸಿದ ಎರಡು ವಾರಗಳೊಳಗಾಗಿ 8,000 ಜನರು ಅಸುನೀಗಿದರು. ಇದಾದ ಬಳಿಕ ಅ೦ದಾಜಿನ ಮೇರೆಗೆ ಪುನ: 8,000 ಜನರು ಹೆಚ್ಚುವರಿಯಾಗಿ ವಿಷಾನಿಲ ಕಾರಣದಿಂದಾಗಿ ರೋಗಗಳಿಗೆ ಈಡಾಗಿ ಅಸುನೀಗಿದರು.