ಚಾಣಕ್ಯ ಹೇಳಿದ ಈ 3 ಸೂತ್ರ ಪಾಲಿಸಿದರೆ ಸಾಕು, ಬೇರೆಯವರ ಮುಂದೆ ತಲೆಬಾಗುವ ಪ್ರಸಂಗವೇ ಬರಲ್ಲ

ಮಾಡಿದ ತಪ್ಪನ್ನು ಮತ್ತೆ ಮಾಡದಿರಿ

ಚಾಣಕ್ಯನ ಪ್ರಕಾರ ನೀವೇನಾದರೂ ಹಿಂದೆ ಮಾಡಿದ ತಪ್ಪಿಗೆ ಪ್ರತಿನಿತ್ಯ ಕಣ್ಣೀರಿಡುತ್ತಾ, ಕೊರಗುತ್ತಿದ್ದರೆ ಅದು ನಿರರ್ಥಕ. ಮನುಷ್ಯ ಮಾತ್ರ ತಪ್ಪು ಮಾಡಲು ಸಾಧ್ಯ. ಹಾಗೆಂದ ಮಾತ್ರ ಕೊರಗುವುದು ಸರಿಯಲ್ಲ. ಆದ್ರೆ ಹಳೆಯ ತಪ್ಪುಗಳಿಂದ ಪಾಠ ಕಲಿಯಬೇಕು ಹಾಗೂ ಮತ್ತೆಂದಿಗೂ ಅದು ರಿಪೀಟ್ ಆಗದಂತೆ ನೋಡಿಕೊಳ್ಳಬೇಕು. ಅಷ್ಟೇ ಅಲ್ಲ, ಹಳೆಯ ತಪ್ಪುಗಳನ್ನೇ ಬಂಡವಾಳವಾಗಿಟ್ಟುಕೊಂಡು ಭವಿಷ್ಯದ ತಂತ್ರಗಳನ್ನು ಹೆಣೆಯಬೇಕು.

ಸ್ನೇಹಿತನ ಆಯ್ಕೆ ಉತ್ತಮವಾಗಿರಲಿ

ಚಾಣಕ್ಯನ ಪ್ರಕಾರ ನಿಮ್ಮ ಮುಂದೆ ಚೆನ್ನಾಗಿ ಮಾತಾಡಿ ನಿಮ್ಮ ಹಿಂದೆ ನಿಮ್ಮ ಬಗ್ಗೆ ಕೆಟ್ಟದಾಗಿ ಮಾತನಾಡುವ ವ್ಯಕ್ತಿ ನಿಮ್ಮ ಸ್ನೇಹಕ್ಕೆ ಆರ್ಹನಲ್ಲ. ನಿಜವಾದ ಸ್ನೇಹಿತನಾದವನೂ ಎಂತಹ ಪರಿಸ್ಥಿತಿಯಲ್ಲೂ, ಯಾರ ಮುಂದೆಯೂ ನಿಮ್ಮನ್ನು ಬಿಟ್ಟುಕೊಡುವುದಿಲ್ಲ. ಕೆಲವು ಜನ ನಿಮ್ಮಲ್ಲಿ ಏನೂ ಇಲ್ಲದಾಗ, ನೀವು ಸಂಕಷ್ಟದ ಪರಿಸ್ಥಿತಿಗೆ ಸಿಕ್ಕಾಗ ನಿಮ್ಮನ್ನು ಬಿಟ್ಟು ತೆರಳುತ್ತಾರೆ. ಆದರೆ ಯಾರು ನಿಮ್ಮ ತಪ್ಪುಗಳ ಬಗ್ಗೆ ಪದೇ ಪದೇ ಎಚ್ಚರಿಸುತ್ತಿರುತ್ತಾನೋ ಅವನೇ ನಿಮ್ಮ ನಿಜವಾದ ಸ್ನೇಹಿತ. ಚಾಣಕ್ಯರ ಪ್ರಕಾರ ಅಂಥವರನ್ನು ಎಂದಿಗೂ ನೀವೂ ಕಡೆಗಣಿಸಲೇಬಾರದು.

ಶತ್ರುಗಳ ವಿರುದ್ಧ ಹೋರಾಡುವಾಗ ಎಚ್ಚರ

ಚಾಣಕ್ಯನ ಪ್ರಕಾರ ನಿಮ್ಮ ಶತ್ರುಗಳನ್ನು ಎಂದಿಗೂ ದುರ್ಬಲರು ಅಂತ ಭಾವಿಸಬೇಡಿ. ನಿಮ್ಮ ಬಳಿ ಸೂಕ್ತ ಯೋಜನೆ ಮತ್ತು ಸಾಮರ್ಥ್ಯವಿದ್ದಾಗ ಮಾತ್ರ ಶತ್ರುವಿನ ವಿರುದ್ಧ ನಿಲ್ಲುವ ನಿರ್ಧಾರ ಮಾಡಿ. ಆಗ ಮಾತ್ರ ನಿಮಗೆ ಗೆಲುವು ದಕ್ಕೋದಕ್ಕೆ ಸಾಧ್ಯ. ಒಮ್ಮಿಂದೊಮ್ಮೆಲೇ ಶತ್ರುವಿನ ವಿರುದ್ಧ ಸೆಣಸಾಡಲು ಹೋದರೆ ಅದರ ಪರಿಣಾಮನ್ನು ಎದುರಿಸಲು ಸಿದ್ಧರಾಗಿರಿ. ಒಂದು ವೇಳೆ ಶತ್ರುವನ್ನ ಗೆಲ್ಲಬೇಕಾದರೆ ಒಟ್ಟಾಗಿ ಕೆಲಸ ಮಾಡಿ. ನಮ್ಮ ಶತ್ರು ದುರ್ಬಲವಾಗಿದ್ದಾನೆ ಎಂದು ತಿಳಿದಾಗ ಆತನ ಮೇಲೆ ಯುದ್ಧಕ್ಕೆ ಸಿದ್ಧರಾಗಿ.

ಈ ಮೂರು ಸೂತ್ರಗಳನ್ನು ಯಾರು ತಲೆಯಲ್ಲಿ ಇಟ್ಟುಕೊಳ್ಳುತ್ತಾರೆ ಅವರು ಎಂದಿಗೂ ಬೇರೆಯವರ ಮುಂದೆ ತಲೆಬಾಗಿ ಕ್ಷಮೆ ಕೇಳಬೇಕಾದ ಪರಿಸ್ಥಿತಿ ಎದುರಾಗೋದಿಲ್ಲ.