ಗೀಮಾ ಅವಾರ್ಡ್ಸ್ 2014 ರಲ್ಲಿ ಮೋಹಕಿ ಸೋನಾಕ್ಷಿ ಸಿನ್ಹಾ

ಅವಾರ್ಡ್ಸ್ ಕಾರ್ಯಕ್ರಮದಲ್ಲಿ ಎಲ್ಲರ ನೋಟವೂ ಸೆಲೆಬ್ರಿಟಿಗಳ ಮೇಲೆಯೇ ಏಕೆಂದರೆ ಅವರು ಈ ಸಮಯದಲ್ಲಿ ಮಾಡುವ ಅಲಂಕಾರ ತೊಡುವ ಧಿರಿಸು ಅದ್ಭುತವಾಗಿರುತ್ತದೆ. ಜನಸಾಮಾನ್ಯರಿಗಿಂತಲೂ ಬೇರೆಯಾಗಿಯೇ ಕಂಡುಬರುವ ತಾರಾಮಣಿಗಳು ಅಪ್ಸರ ಕಿನ್ನರರೋ ಎಂಬಂತೆ ಕಣ್ಮನ ತಣಿಸುತ್ತಾರೆ.

ಇಂದು ನಾವಿಲ್ಲಿ ಮಾತನಾಡುತ್ತಿರುವ ಅವಾರ್ಡ್ ಫಂಕ್ಷನ್ ಗೀಮಾ ಅವಾರ್ಡ್ಸ್ ಆಗಿದೆ. ಈ ಸಮಾರಂಭಕ್ಕೆ ಹಲವಾರು ಸೆಲೆಬ್ರಿಟಿಗಳು, ನಟೀ ಮಣಿಯರು, ತಾರಾದಿಗ್ಗಜರು ವೈಭವೋಪೇತ ಧಿರಿಸುಗಳಲ್ಲಿ ಸೊಗಸಾದ ಅಲಂಕಾರಗಳಲ್ಲಿ ಮನಮೋಹಕವಾಗಿ ಕಂಡುಬಂದರು.

ಈ ಸಮಾರಂಭದಲ್ಲಿ ನಮ್ಮನ್ನು ಕಣ್ಣರಳಿ ಉಸಿರುಬಿಗಿಹಿಡಿದು ನೆಟ್ಟ ನೋಟದಿಂದ ನೋಡುವಂತೆ ಮಾಡಿದ್ದು ಅದ್ಭುತ ನಟಿ ಸೌಂದರ್ಯವತಿ ಸೋನಾಕ್ಷಿ ಸಿನ್ಹಾ. ಇವರು ಗೀಮಾ ಅವಾರ್ಡ್ಸ್‌ನಲ್ಲಿ ಕಂಗೊಳಿಸಿದ ರೀತಿ ಅತ್ಯಾನಂದಮಯವಾಗಿತ್ತು. ಕಾರ್ಯಕ್ರಮದಲ್ಲಿ ನೆರೆದಿದ್ದ ಹೃದಯವನ್ನೇ ಕದ್ದ ಸೋನಾಕ್ಷಿ ಸರಳ ಸುಂದರ ಉಡುಗೆಯಲ್ಲಿ ಅಪ್ಸರೆಯಾಗಿದ್ದರು.

ಇನ್ನಷ್ಟು ಮಾಹಿತಿಗಾಗಿ ಈ ಲಿಂಕ್ ಅನ್ನು ಕ್ಲಿಕ್ ಮಾಡಿ: ಗೀಮಾ 2014: ಸೀರೆಯಲ್ಲಿ ಕಣ್ಸೆಳೆದ ಸನ್ನಿ ಲಿಯೋನ್

ರಾಜವೈಭವದ ನೇರಳೆ ಬಣ್ಣದ ಉದ್ದನೆಯ ನಿಲುವಂಗಿಯಲ್ಲಿ ಸೋನಾಕ್ಷಿ ರಾಜಕುಮಾರಿಯೇ ಆಗಿದ್ದರು. ಗೌರಿ ನೈನಿಕ ವಿನ್ಯಾಸದ ಈ ಗೌನ್ ಸೋನಾಕ್ಷಿಯ ನೀಳಕಾಯಕ್ಕೆ ಹೇಳಿ ಮಾಡಿಸಿದಂತಿದೆ. ಇಷ್ಟರವರೆಗೆ ಸೋನಾಕ್ಷಿ ಧರಿಸಿದ ಗೌನ್‌ಗಳಲ್ಲೆಲ್ಲಾ ಇದು ಅದ್ಭುತ ಮತ್ತು ಸುಂದರ ಗೌನ್ ಎಂಬುದು ಬೋಲ್ಡ್‌ ಸ್ಕೈ ಅಭಿಪ್ರಾಯವಾಗಿದೆ. ಏಕೆಂದರೆ ಸೋನಾಕ್ಷಿಯ ಸುಂದರ ಬಳ್ಳಿಯಂತಿರುವ ದೇಹಕ್ಕೆ ಸುಂದರವಾಗಿ ಕಂಗೊಳಿಸಿದೆ ಗೌರಿ ನೈನಿಕ ವಿನ್ಯಾಸದ ಗೌನ್.

ಗೌನ್‌ನ ಹಿಂಭಾಗದ ಆಳವಾದ 'ವಿ' ಕಟ್ ಸೋನಾಕ್ಷಿಯ ಹಾಲುಬಣ್ಣದ ತ್ವಚೆಯ ದರುಶನ ಮಾಡಿಸಿದೆ. ವಿನ್ಯಾಸಕಾರರ ಅದ್ಭುತ ಕೈ ಚಳಕದಲ್ಲಿ ಮೂಡಿ ಬಂದಿರುವ ಈ ಗೌನ್ ದೋಷಗಳಿಲ್ಲದ ಅದ್ಭುತ ಕಲಾಸಾಮರ್ಥ್ಯವಾಗಿದೆ. ಗೌನ್ ಕೆಳಭಾಗದಲ್ಲಿ ಹೊಂದಿರುವ ಫ್ರಿಲ್‌ಗಳು ಅದಕ್ಕೆ ಸುಂದರತೆಯನ್ನು ನೀಡಿದೆ. ಒಟ್ಟಾರೆ ಗೌನ್ ಸರಳ ಹಾಗೂ ಸುಂದರವಾಗಿದೆ.

ಇನ್ನಷ್ಟು ಮಾಹಿತಿಗಾಗಿ ಈ ಲಿಂಕ್ ಅನ್ನು ಕ್ಲಿಕ್ ಮಾಡಿ: ಗೀಮಾ ಅವಾರ್ಡ್ಸ್ 2014: ಕಣ್ಮನ ಸೆಳೆದ ಶ್ರೇಯಾ

ಈ ಧಿರಿಸಿಗೆ ಮನಮೋಹಕವಾಗಿರುವ ಆಭರಣಗಳನ್ನೇ ಸೋನಾಕ್ಷಿ ಧರಿಸಿದ್ದಾರೆ. ವಿನೇಜ್ ವಿಂಟೇಜ್ ಕಿವಿಯಾಭರಣಗಳು ಹಾಗೂ ಉಂಗುರ ಗೀಮಾ ಅವಾರ್ಡ್ಸ್‌ನಲ್ಲಿ ಪ್ರತಿಯೊಬ್ಬರ ಮಾತಿಗೆ ಕಾರಣವಾಗಿದೆ. ಸೋನಾಕ್ಷಿ ಇಷ್ಟು ಸುಂದರವಾಗಿ ಹೇಗೆ ಕಂಡುಬಂದಿದ್ದಾರೆ ಎಂಬುದೇ ಎಲ್ಲರ ಕುತೂಹಲವಾಗಿದೆ. ಅದೇ ರೀತಿ ಗೌನ್‌ಗೆ ಸರಿಹೊಂದುವ ಶಂತನಿ ನಿಕಿಲ್ ವಿನ್ಯಾಸದ ಪರ್ಸ್ ಅನ್ನು ಸೋನಾಕ್ಷಿ ಹಿಡಿದುಕೊಂಡಿದ್ದಾರೆ. ಇದು ಕೂಡ ಅದ್ಭುತವಾಗಿದೆ.

ಸೋನಾಕ್ಷಿಯ ಹಿಂದಿನ ಸಮಾರಂಭದ ಸ್ಟೈಲ್, ಲುಕ್‌ಗೆ ಹೋಲಿಸಿದಾಗ ಗೀಮಾ ಅವಾರ್ಡ್ಸ್‌ 2014 ರ ಸೋನಾಕ್ಷಿಯ ಝಲಕ್ ಅತ್ಯದ್ಭುತ. ಗೌರಿ ನೈನಿಕ ವಿನ್ಯಾಸದ ಗೌನ್ ಅನ್ನು ಬೋಲ್ಡ್ ಸ್ಕೈ ಅಪಾರವಾಗಿ ಮೆಚ್ಚಿಕೊಂಡಿದ್ದು ಸೋನಾಕ್ಷಿಯ ಸೌಂದರ್ಯವನ್ನು ಇನ್ನಷ್ಟು ಮಿಂಚುವಂತೆ ಮಾಡಿದೆ. ಸೋನಾಕ್ಷಿಯ ಸೌಂದರ್ಯದ ಪ್ರತೀಕದಂತಿರುವ ಆಕೆಯ ರೂಪದ ಬಗ್ಗೆ ನಿಮಗೇನನ್ನಿಸುತ್ತಿದೆ?