ಕನ್ನಡ ಬಿಗ್‌ಬಾಸ್‌ 10: ಈ ಸುಂದರಿ ಈ ಬಾರಿಯ ಪ್ರಮುಖ ಅಟ್ರಾಕ್ಷನ್

ಕನ್ನಡ ಬಿಗ್‌ಬಾಸ್‌ ಈ ಅಕ್ಟೋಬರ್‌ 8ರಿಂದ ಶುರುವಾಗಲಿದೆ. ಈ ಬಾರಿ ಕಂಟೆಸ್ಟೆಂಟ್‌ ಆಗಿ ಯಾರೆಲ್ಲಾ ಬರಲಿದ್ದಾರೆ ಎಂಬ ಬಗ್ಗೆ ಚರ್ಚೆ ಬಲು ಜೋರಾಗಿಯೇ ನಡೆಯುತ್ತಿದೆ.

ಕನ್ನಡ ಕಿರುತೆರೆಯ ಅತ್ಯಂತ ಜನಪ್ರಿಯ ಶೋ ಬಿಗ್‌ಬಾಸ್. ಇತರ ಭಾಷೆಗಳಲ್ಲಿ ಕೂಡ ಈ ಶೋ ನಡೆಯುತ್ತದೆ, ಆದರೆ ಕನ್ನಡದಲ್ಲಿ ಈ ಶೋ ಪ್ರಮುಖ ಆಕರ್ಷಣೆಯೆಂದರೆ ಸುದೀಪ್ ನಿರೂಪಣೆ. ವೀಕೆಂಡ್‌ನಲ್ಲಿ ಸುದೀಪ್‌ರವರ ಮಾತು ಕೇಳಲೆಂದೇ ವೀಕ್ಷಕರು ಕಾಯುತ್ತಿರುತ್ತಾರೆ. ಅವರ ನಿರೂಪಣಿಯ ಶೈಲಿಯೇ ಸಾಕು ವೀಕ್ಷರಕರನ್ನು ಸೂಜಿಗಲ್ಲಿನಂತೆ ಸೆಳೆಯಲು.

ಅದರಲ್ಲೂ ಈ ಬಾರಿ ಸೀಸನ್ 10. ಸೀಸನ್‌ 10 ಇನ್ನಷ್ಟು ಆಕರ್ಷಕವಾಗಿರಬಹುದೇ? ಎಂಬ ಕುತೂಹಲ ವೀಕ್ಷಕರದಲ್ಲಿದೆ. ಈ ಸೀಸನ್‌ 10ರ ಕಂಟೆಸ್ಟೆಂಟ್‌ ಆಗಿ ಈ ಬಾರಿ ವಿಶೇಷ ಸ್ಪರ್ಧಿಯೊಬ್ಬರು ಇದ್ದಾರೆ, ಆ ಸ್ಪರ್ಧಿ ಬೇರೆ ಯಾರೂ ಅಲ್ಲ, ಚಾರ್ಲಿ. ಈ ಬಾರಿಯ ಸ್ಪರ್ಧಿಗಳಲ್ಲಿ ಚಾರ್ಲಿ ಸೆಂಟರ್ ಆಫ್‌ ಅಟ್ರಾಕ್ಷನ್ ಆಗುವುದರಲ್ಲಿ ನೋ ಡೌಟ್. ಚಾರ್ಲಿ ಪ್ರಮುಖ ಸ್ಪರ್ಧಿಯಾಗಿ ಇರಲಿದೆ ಎಂಬುವುದನ್ನು ಕಲರ್ಸ್ ಕನ್ನಡ ವಾಹಿನಿಯವರೇ ದೃಢಪಡಿಸಿದ್ದಾರೆ. ಈ ಮೂಲಕ ಒಂದು ಹೊಸ ಪ್ರಯತ್ನಕ್ಕೆ ಕೈ ಹಾಕಿದ್ದಾರೆ.

777 ಚಾರ್ಲಿ ಚಿತ್ರ ನೋಡಿ ಚಾರ್ಲಿ ಅಭಿನಯಕ್ಕೆ ಮನ ಸೋಲದವರೇ ಇಲ್ಲ. ಅದರ ಬುದ್ಧಿವಂತಿಕೆ, ಸ್ನೇಹ, ಸಹಜ ನಟನೆ ಎಲ್ಲವೂ ತುಂಬಾನೇ ಗಮನ ಸೆಳೆದಿತ್ತು. ಈ ಚಾರ್ಲಿಗೆ ಫಿದಾ ಆಗಿ ತುಂಬಾ ಜನ ನಾಯಿ ಸಾಕಲಾರಂಭಿಸಿದರು, ಅಷ್ಟರ ಮಟ್ಟಿಗೆ ಮೋಡಿ ಮಾಡಿದ್ದಾಳೆ. ಚಾರ್ಲಿ ತನ್ನ ಅಭಿನಯದ ಮೂಲಕ ರಾಷ್ಟ್ರೀಯ ಸಿನಿ ಲೋಕದ ಗಮನವನ್ನೂ ಸೆಳೆದಳು. ಇದೀಗ ಬಿಗ್‌ಬಾಸ್‌ ಮನೆಯಲ್ಲಿ ಚಾರ್ಲಿ ಹೇಗಿರಲಿದ್ದಾಳೆ ಎಂಬುವುದೇ ದೊಡ್ಡ ಕುತೂಹಲಕ್ಕೆ ಕಾರಣವಾಗಿದೆ. ಸಿನಿಮಾವನ್ನು ದೊಡ್ಡ ಮಟ್ಟಕ್ಕೆ ಗೆಲ್ಲಿಸಿಕೊಟ್ಟ ಚಾರ್ಲಿ ಬಿಗ್‌ಬಾಸ್‌ನ ಟಿಆರ್‌ಪಿ ಹೆಚ್ಚಿಸಬಹುದು ಎಂಬ ನಿರೀಕ್ಷೆಯಲ್ಲಿ ವಾಹಿನಿಯವರು ಚಾರ್ಲಿಯನ್ನು ಕರೆಸಿದ್ದಾರೆ, ಬಿಗ್‌ಬಾಸ್‌ ಮನೆಯೊಳಗೆ ಚಾರ್ಲಿ ಹೇಗೆ ಮೋಡಿ ಮಾಡಲಿದ್ದಾಳೆ ಎಂಬುವುದನ್ನು ಕಾದು ನೋಡಬೇಕಷ್ಟೇ...

ಕನ್ನಡ ಬಿಗ್‌ಬಾಸ್‌ ಸೀಸನ್ 10 ಈ ಬಾರಿ 24 ಗಂಟೆ ಲೈವ್‌ಸ್ಟ್ರೀಮ್ ಆಗಲಿದೆ. ಇದನ್ನು ಜಿಯೋ ಸಿನಿಮಾದಲ್ಲಿ ನೋಡಬಹುದು. ಅದರ ಜೊತೆಗೆ ಅನ್‌ಸೀನ್‌ ಸ್ಟೋರಿ, ಬಿಗ್‌ನ್ಯೂಸ್‌, ಜಿಯೋ ಸಿನಿಮಾ ಫನ್ ಪ್ರೈಡೇ, ಡೀಪ್ ಆಗಿ ನೋಡಿ ಹೀಗೆ ಹಲವಾರು ರೂಪದಲ್ಲಿ ಪ್ರಸಾರವಾಗಲಿದೆ.

ಹಲವಾರು ಹೊಸತನಗಳೊಂದಿಗೆ ಈ ಬಾರಿ ಬಿಗ್‌ ಬಾಸ್‌ ಕಿರುತೆರೆಯ ವೀಕ್ಷಕರನ್ನು ರಂಜಿಸಲು ಬರುತ್ತಿದೆ. ಇದೇ ಮೊದಲ ಬಾರಿಗೆ ಹ್ಯಾಪಿ ಬಿಗ್‌ಬಾಸ್‌ ಎಂಬ ಥೀಮ್ ಕೂಡ ಹೊಂದಿದೆ.

ಬಿಗ್‌ಬಾಸ್‌ ಶಬ್ದ, ಆ ಮ್ಯೂಸಿಕ್‌, ಸುದೀಪ್‌ ಡ್ರೆಸ್ಸಿಂಗ್ ಸ್ಟೈಲ್ ಇವೆಲ್ಲಾ ವೀಕ್ಷಕರಿಗೆ ತುಂಬಾನೇ ಇಷ್ಟವಾಗಿದೆ. ಈ ಹೊಸ ಸೀಸನ್‌ನಲ್ಲಿ ಹಲವಾರು ಸ್ಪರ್ಧಿಗಳ ಹೆಸರು ಕೇಳಿ ಬರುತ್ತದೆ, ಈ ಬಾರಿ ಬಿಗ್‌ಬಾಸ್‌ ಹೇಗೆಲ್ಲಾ ನಮ್ಮನ್ನು ರಂಜಿಸಲಿದೆ ಕಾದು ನೋಡೋಣ....