191 ಹುಟ್ಟುಹಬ್ಬ ಆಚರಿಸಿದ ಆಮೆ: ಈ ಭೂಮಿಯಲ್ಲಿರುವ ಪ್ರಾಣಿಗಳಲ್ಲಿಯೇ ಅತ್ಯಂತ ವಯಸ್ಸಾದ ಪ್ರಾಣಿಯಿದು

ಮನುಷ್ಯನ ಸ್ವಾರ್ಥದಿಂದಾಗಿ ಎಷ್ಟೋ ಜೀವಿಗಳು ಅದರ ಆಯುಸ್ಸು ತುಂಬುವುದಕ್ಕೆ ಮೊದಲೇ ಸಾವನ್ನಪ್ಪುತ್ತದೆ, ಆದರೆ ಕೆಲವೊಂದು ಪ್ರಾಣಿಗಳು ತುಂಬಾ ಕಾಲ ಬದುಕುತ್ತವೆ, ಅದಕ್ಕೆ ಸಾಕ್ಷಿ ಜೋನಾಥಾನ್ ಎಂಬ ಆಮೆ. ಆ ಆಮೆಗೆ ಈ ತಿಂಗಳಿನಲ್ಲಿ 191ನೇ ವರ್ಷದ ಹುಟ್ಟುಹಬ್ಬ ಮಾಡಲಾಯಿತು.

ವಿಶ್ವದಲ್ಲಿಯೇ ಅತೀ ಹೆಚ್ಚು ಕಾಲ ಬದುಕಿರುವ ಪ್ರಾಣಿ
ಈ ಆಮೆ ವಿಶ್ವದಲ್ಲಿಯೇ ಅತೀ ಹೆಚ್ಚು ಕಾಲ ಬದುಕಿರುವ ಪ್ರಾಣಿ ಎಂದು ಗುರುತಿಸಿಕೊಂಡಿದೆ. ಜನರು ಈ ಆಮೆಯ ಹುಟ್ಟುಹಬ್ಬವನ್ನು ತುಂಬಾ ಸುಂದರವಾಗಿ ಆಚರಿಸಿದ್ದಾರೆ.

ವರದಿಗಳ ಪ್ರಕಾರ ಜೋನಾಥಾನ್ 1832ಕ್ಕೆ ಮುನ್ನ ಜನಿಸಿದೆ ಎಂದು ಹೇಳಲಾಗುತ್ತಿದೆ, 50 ವರ್ಷಗಳ ನಂತರ ಸೇಂಟ್ ಹೆಲೆನಾ ಸ್ಥಳಕ್ಕೆ ತರಲಾಯಿತು. 2022ರಲ್ಲಿ ಬ್ರಿಟನ್‌ನ ಗರ್ವನರ್ ನಿಗೆಲ್ ಫಿಲಿಪ್ಸ್ ಈ ಆಮೆಯು ಡಿಸೆಂಬರ್ 4, 1832ಕ್ಕೆ ಜನಿಸಿದೆ ಎಂದು ಅಧಿಕೃತವಾಗಿ ಹೇಳಿದರು, ಅಲ್ಲಿಂದ ಡಿಸೆಂಬರ್ 4ಕ್ಕೆ ಇದರ ಹುಟ್ಟುಹಬ್ಬವನ್ನು ಆಚರಿಸಲಾಗುವುದು. ಆ ಲೆಕ್ಕಚಾರದ ಪ್ರಕಾರ ಈ ಆಮೆಗೆ ಈಗ 191 ವರ್ಷ.

ಜನರಲ್ಲಿ ಅಚ್ಚರಿ ಮೂಡಿಸಿದ ಜೋನಾಥಾನ್ ವಯಸ್ಸು
ಈ ಆಮೆಯ ವಯಸ್ಸು ಕೇಳಿ ಜನರು ಅಚ್ಚರಿ ಪಡುತ್ತಿದ್ದಾರೆ. ಒಂದು ಆಮೆ ಇಷ್ಟೊಂದು ವರ್ಷ ಬದುಕಬಹುದೇ ಎಂಬ ಅಚ್ಚರಿ ಜನರಿಗಾಗಿದೆ. ಈ ಆಮೆ ಈ ಜಗತ್ತಿನಲ್ಲಿ ಆದ ಅನೇಕ ಬದಲಾವಣೆಗಳ ನಡುವೆ ಈ ಆಮೆ ಬದುಕಿದೆ, 191 ವರ್ಷ ಎಂಬುವುದು ಕಡಿಮೆ ಅಲ್ವೇ ಅಲ್ಲ.

ಜೋನಾಥಾನ್‌ನಲ್ಲಿ ವಯಸ್ಸಾದ ಲಕ್ಷಣಗಳು ಕಂಡು ಬಂದಿಲ್ಲ ಎನ್ನುತ್ತಾರೆ ಅದನ್ನು ತುಂಬಾ ವರ್ಷಗಳಿಂದ ನೋಡಿಕೊಳ್ಳುತ್ತಿರುವ ಪಶು ವೈದ್ಯೆ
ಈ ಆಮೆಯ ವಾಸನೆಯ ಸಾಮರ್ಥ್ಯ ಕಡಿಮೆಯಾಗಿದೆ, ಕಣ್ಣುಗಳು ಸ್ವಲ್ಪ ಕಾಣಿಸುತ್ತಿಲ್ಲ, ಅದು ಬಿಟ್ಟು ಮತ್ತೇನೂ ಸಮಸ್ಯೆಯಿಲ್ಲ, ಚೆನ್ನಾಗಿಯೇ ಆಹಾರ ಸೇವಿಸುತ್ತಿದೆ ಎಂದು ಹೇಳಿದ್ದಾರೆ. ಈ ಆಮೆಗೆ ಪೋಷಕಾಂಶಗಳ ಆಹಾರವನ್ನು ನಿಡಲಾಗುವುದು, ಇದರ ಆರೈಕೆ ಕಡೆಗೆ ಹೆಚ್ಚಿನ ಗಮನಹರಿಸಲಾಗುತ್ತಿದೆ. ಈ ಆಮೆ 2 ಶತಕಗಳನ್ನು ನೋಡುವಂತಾಗಲಿ ಅಲ್ವೇ?