ಕ್ಯಾನ್ಸರ್ ಪೀಡಿತ ಶಿಕ್ಷಕನಿಗೆ 400 ವಿದ್ಯಾರ್ಥಿಗಳ ಹೃದಯಸ್ಪರ್ಶಿ ಕೃತಜ್ಞತೆ: ವೀಡಿಯೋ ವೈರಲ್

ಇಂಟರ್‌ನೆಟ್‌ ನೋಡುಗರ ಕಣ್ಣಂಚಿನಲ್ಲಿ ನೀರು ತರಿಸುವ ವೀಡಿಯೋ ವೈರಲ್ ಆಗುತ್ತಿದೆ. ತಮ್ಮ ನೆಚ್ಚಿನ ಸಾವಿನ ದವಡೆಯಲ್ಲಿರುವ ಶಿಕ್ಷಕನಿಗೆ 400 ವಿದ್ಯಾರ್ಥಿಗಳು ಹಾಡಿನ ಮೂಲಕ ಕೃತಜ್ಞತೆ ಹೇಳಿರುವ ಹಾಡು ಇಂಟರ್‌ನೆಟ್‌ನಲ್ಲಿ ತುಂಬಾನೇ ಗಮನ ಸೆಳೆದಿದೆ.

ಕ್ಯಾನ್ಸರ್‌ ಎಂಬುವುದು ಮಹಾಮಾರಿ, ಇದರ ಕರಾಳ ಬಂಧನದಲ್ಲಿ ಸಿಲುಕಿದರೆ ಬದುಕಿಳಿಯುವವರು ಕೆಲವೇ ಕೆಲವು ಮಂದಿಯಷ್ಟೇ. ಈ ಶಿಕ್ಷಕನಿಗೆ ಅನ್ನನಾಳದ ಕ್ಯಾನ್ಸರ್‌ ಬಂದಿತ್ತು. ಕ್ಯಾನ್ಸರ್ ವಿರುದ್ಧ ಹೋರಾಡುತ್ತಿದ್ದ ತಮ್ಮ ಶಿಕ್ಷಕನಿಗೆ ಹಾಡು ಹೇಳುವ ಮೂಲಕ ತಮ್ಮ ಶಿಕ್ಷಕನಿಗೆ ಕೃತಜ್ಞತೆ ಸಲ್ಲಿಸಿದರು, ಇದನ್ನು ನೀಡಿ ಆ ಶಿಕ್ಷಕನಿಗೆ ಖಂಡಿತ ಬದುಕು ಸಾರ್ಥಕವಾಯಿತು ಎಂದು ಅನಿಸಿರಬಹುದು. ಇಂಥ ಹೃದಯಸ್ಪರ್ಶಿ ಕ್ಷಣದ ವೀಡಿಯೋ ಇದೀಘ ಎಲ್ಲಡೆ ವೈರಲ್ ಆಗುತ್ತಿದೆ.

ಬೆನ್‌ ಎಲಿಸ್ ಇವರು Christ Presbyterian ಅಕಾಡೆಮಿಯಲ್ಲಿ ಲ್ಯಾಟಿನ್ ಭಾಷೆ ಬೋಧಿಸುವ ಶಿಕ್ಷಕರಾಗಿದ್ದರು. ಅವರು ಅನ್ನನಾಳದ ಕ್ಯಾನ್ಸರ್ ಬಂದ ವಿಷಯ ಅವರ ವಿದ್ಯಾರ್ಥಿಗಳಿಗೆ ಗೊತ್ತಾಯ್ತು, 400 ವಿದ್ಯಾರ್ಥಿಗಳು ಅವರ ಮನೆಗೆ ಬಂದು ಎಲ್ಲರೂ ಹಾಡು ಹೇಳುತ್ತಾರೆ. ಆ ದೃಶ್ಯವನ್ನು ಎಲಿಸ್‌ ತಮ್ ಕಿಟಕಿಗಳ ಮೂಲಕ ವೀಕ್ಷಿಸುತ್ತಾರೆ. ಶಾಲೆಯ ಪ್ರಿನ್ಸಿಪಾಲ್‌ ಕೂಡ ಮಕ್ಕಳ ಜೊತೆಗೆ ಭಾಗವಹಿಸಿದ್ದರು.

ಶಾಲೆಯ ಪ್ರಿನ್ಸಿಪಾಲ್ ಪೋಷಕರಿಗೆ ಈ ಬಗ್ಗೆ ಮಾಹಿತಿ ನೀಡಿದ್ದರು, ಪೋಷಕರು ಕೂಡ ಇದಕ್ಕೆ ಅನುಮತಿ ನೀಡಿದ್ದರು. ವಿದ್ಯಾರ್ಥಿಗಳು ಪೋಷಕರ ಈ ಸಪೋರ್ಟ್‌ಗೆ ಎಲ್ಸ್ ತಂದೆ ಕೃತಜ್ಞತೆ ಸಲ್ಲಿಸಿದ್ದಾರೆ.

ಯಾವಾಗ ಸಾಯುತ್ತೇವೆ ಎಂದು ಯಾರಿಗೂ ಗೊತ್ತಿರುವುದಿಲ್ಲ, ಆದರೆ ಕ್ಯಾನ್ಸರ್ ಎಂಬ ಮಹಾಮಾರಿ ಬಂದರೆ ಸಾವಿನ ನೆರಳು ಹಿಂಬಾಲಿಸುತ್ತಲೇ ಇರುತ್ತದೆ, ಈ ಅನುಭವವೇ ಭಯಾನಕ, ಈ ಸಮಯದಲ್ಲಿ ಆ ರೋಗಿಗಳಿಗೆ ಬರೀ ಚಿಕಿತ್ಸೆ ನೀಡಿದರೆ ಅವರಿಗೆ ಮಾನಸಿಕ ಬೆಂಬಲ ನೀಡಬೇಕಾಗುತ್ತದೆ, ಅವರ ಸುತ್ತ ಇರುವವರು ಅವರನ್ನು ಖುಷಿಯಾಗಿ ಇಟ್ಟುಕೊಳ್ಳಲು ನೋಡಬೇಕು. ಈ ವಿದ್ಯಾರ್ಥಿಗಳು ತಮ್ಮ ಶಿಕ್ಷಕನ ಖುಷಿಗಾಗಿ ಮಾಡಿದ ಈ ಕಾರ್ಯಕ್ಕೆ ಎಲ್ಲರು ಮೆಚ್ಚುಗೆ ಸೂಚಿಸುತ್ತಿದ್ದಾರೆ.

ಮತ್ತೊಂದು ಹೃದಯಸ್ಪರ್ಶಿ ವೀಡಿಯೋ
ಆ ವೀಡಿಯೋ ಕೂಡ ಮನಸ್ಸಿಗೆ ತುಂಬಾನೇ ನೋವಾಗುತ್ತೆ, ಆದರೆ ಆ ಬಾರ್ಬರ್‌ನ ಕಾರ್ಯ ನೋಡಿ ಹೆಮ್ಮೆ ಅನಿಸುತ್ತೆ. ಕ್ಯಾನ್ಸರ್‌ ರೋಗಿಯೊಬ್ಬರು ಅವರ ಬಳಿ ತಲೆಯನ್ನು ಬೋಳು ಮಾಡಿಸಲು ಬರುತ್ತಾರೆ. ಆ ರೋಗಿ ಕೂದಲನ್ನು ತೆಗೆಯುವಾಗ ತುಂಬಾನೇ ಅಳುತ್ತಿರುತ್ತಾರೆ, ಇವರಿಗೂ ಅದು ಬೇಸರವಾಗುತ್ತದೆ, ಅವರನ್ನು ಸಮಧಾನಿಸುತ್ತಾರೆ, ನಂತರ ಅವರನ್ನು ಒಂದು ಕೈಯಲ್ಲಿ ಅಪ್ಪಿಕೊಂಡು ಮತ್ತೊಂದು ಕೈಯಲ್ಲಿ ತಮ್ಮ ಕೂದಲಿನ ಮೇಲೆ ಟ್ರಿಮ್ಮರ್ ಇಡುತ್ತಾರೆ, ರೋಗಿ ಸಮಧಾನ ಪಡಿಸಲು ತಮ್ಮ ಕೂದಲನ್ನು ತೆಗೆಯುತ್ತಾರೆ. '
ಕ್ಯಾನ್ಸರ್‌ ರೋಗಿಗಳಿಗೆ ಬೇಕಾಗಿರುವುದು ಕನಿಕರವಲ್ಲ ಬೆಂಬಲ.