ಚೈತ್ರ ನವರಾತ್ರಿ: ಈ ಸಮಯದಲ್ಲಿ ಈರುಳ್ಳಿ, ಬೆಳ್ಳುಳ್ಳಿ ತಿನ್ನಬಾರದು ಏಕೆ?

ಮಾರ್ಚ್‌ 22ರಿಂದ ಚೈತ್ರ ನವರಾತ್ರಿ ಪ್ರಾರಂಭ. ವರ್ಷದಲ್ಲಿ ಎರಡು ನವರಾತ್ರಿಯನ್ನು ಅದ್ಧೂರಿಯಾಗಿ ಆಚರಿಸಲಾಗುವುದು.

ಒಂದು ಚೈತ್ರ ಮಾಸದಲ್ಲಿ ಬರುವ ಚೈತ್ರ ನವರಾತ್ರಿ ಮತ್ತೊಂದು ಶಾರದೀಯ ನವರಾತ್ರಿ. ಕರ್ನಾಟಕದಲ್ಲಿ ಶಾರದೀಯ ನವರಾತ್ರಿ ಕಳೆದು 10ನೇ ದಿನ ದಸರಾ ಹಬ್ಬವನ್ನು ಅದ್ಧೂರಿಯಾಗಿ ಆಚರಿಸಲಾಗುವುದು.

ನವರಾತ್ರಿ ಸಮಯದಲ್ಲಿ ಅದರದ್ದೇ ಆಚರಣೆಗಳಿವೆ, ಪೂಜಾ ವಿಧಿಗಳಿವೆ, ಆಹಾರ ಪದ್ಧತಿಗಳಿವೆ. ನವರಾತ್ರಿಯ ಸಮಯದಲ್ಲಿ ದುರ್ಗೆಯ ಒಂಭತ್ತು ಅವತಾರಗಳನ್ನು ಆಚರಿಸಲಾಗುವುದು. ಈ 9 ದಿನ ಸಾತ್ವಿಕ ಆಹಾರವನ್ನಷ್ಟೇ ಸೇವಿಸುತ್ತಾರೆ. ಕೆಲವರು 9 ದಿನ ಉಪವಾಸ ನಿಯಮ ಪಾಲಿಸುತ್ತಾರೆ. ಹಣ್ಣು-ಹಂಪಲು, ಹಾಲು ಇವುಗಳನ್ನಷ್ಟೇ ಸೇವಿಸಿ ದೇವಿಯ ಆರಾಧನೆ ಮಾಡುತ್ತಾರೆ.

ಇನ್ನು ಕೆಲವರು ಕಠಿಣ ಉಪವಾಸ ನಿಯಮ ಪಾಲಿಸದಿದ್ದರೂ ಈ ಸಮಯದಲ್ಲಿ ಅಡುಗೆಯಲ್ಲಿ ಈರುಳ್ಳಿ-ಬೆಳ್ಳುಳ್ಳಿ ಬಳಸುವುದಿಲ್ಲ. ನವರಾತ್ರಿ ಸಮಯದಲ್ಲಿ ಈರುಳ್ಳಿ-ಬೆಳ್ಳುಳ್ಳಿ ಏಕೆ ಬಳಸಬಾರದು, ಅದರ ಹಿಂದಿನ ಕಾರಣವೇನು ಎಂದು ನೋಡೋಣ ಬನ್ನಿ:

ನವರಾತ್ರಿ ಸಮಯದಲ್ಲಿ ಸಾತ್ವಿಕ ಆಹಾರವನ್ನೇ ಸೇವಿಸಬೇಕು
ಈ ಸಮಯದಲ್ಲಿ ಮೊಟ್ಟೆ, ಮಾಂಸ, ಮದ್ಯ ಇವುಗಳನ್ನು ಸೇವಿಸುವುದಿಲ್ಲ. ಅಲ್ಲದೆ ಈ ಸಮಯದಲ್ಲಿ ಈರುಳ್ಳಿ, ಬೆಳ್ಳುಳ್ಳಿ ಹಾಕಿರುವ ಆಹಾರಗಳನ್ನು ಕೂಡ ಸೇವಿಸುವುದಿಲ್ಲ. ಈರುಳ್ಳಿ-ಬೆಳ್ಳುಳ್ಳಿ ಸೇವಿಸಿದರೆ ಬೆಳ್ಳುಳ್ಳಿ ನಮ್ಮ ಗಮನವನ್ನು ಕಡಿಮೆ ಮಾಡದರೆ ಈರುಳ್ಳಿ ಮೈ ಉಷ್ಣತೆ ಹೆಚ್ಚಿಸುತ್ತದೆ. ಆದ್ದರಿಂದ ಈರುಳ್ಳಿ ಬೆಳ್ಳುಳ್ಳಿ ಸೇವಿಸಬಾರದು ಎಂದು ಹೇಳಲಾಗುವುದು.

ಆಯುರ್ವೇದ ಏನು ಹೇಳುತ್ತದೆ?
ಆಯುರ್ವೇದ ಪ್ರಕಾರ ಸಾತ್ವಿಕ ಆಹಾರಗಳನ್ನು ಸೇವಿಸುವುದರಿಂದ ಜೀರ್ಣಕ್ರಿಯೆಗೆ ತುಂಬಾ ಒಳ್ಳೆಯದು. ಸಾತ್ವಿಕ ಆಹಾರದಲ್ಲಿ ಎಣ್ಣೆಯಲ್ಲಿ ಕರಿದ ಪದಾರ್ಥಗಳು ಇರುವುದಿಲ್ಲ. ಅದೇ ಸ್ವಾತಿಕ ಆಹಾರಗಳೆಂದರೆ ಹಣ್ಣುಗಳು, ತರಕಾರಿಗಳನ್ನು ತಿನ್ನುತ್ತೇವೆ. ಇದರಿಂದ ಜೀರ್ಣಕ್ರಿಯೆಗೆ ತುಂಬಾ ಒಳ್ಳೆಯದು.

ಆಯುರ್ವೇದ ಆಹಾರವನ್ನು ಮೂರು ವಿಧಗಳಾಗಿ ವಿಂಗಡಿಸಿದೆ. 1. ಸಾತ್ವಿಕ 2. ರಾಜಸ 3. ತಾಮಸ.
ಸಾತ್ವಿಕ ಆಹಾರಗಳೆಂದರೆ ಶುದ್ಧವಾದದ್ದು, ಶಕ್ತಿ ನೀಡುವಂಥದ್ದು, ನೈಸರ್ಗಿಕವಾದದ್ದು . ಅದೇ ಈರುಳ್ಳಿ ಮತ್ತು ಬೆಳ್ಳುಳ್ಳಿಯನ್ನು ರಾಜಸ ಗುಣದ ಜೊತೆಗೆ ಸೇರಿಸಿದ ಕಾರಣ ನವರಾತ್ರಿ ಸಮಯದಲ್ಲಿ ಸೇವಿಸಬಾರದು. ಈ ಆಹಾರ ಸೇವಿಸುವುದರಿಂದ ಪೂಜೆಯ ಕಡೆಗೆ ಏಕಾಗ್ರತೆ ಕಡಿಮೆಯಾಗುವುದು ಅಂದರೆ ಬೇರೆ ಕಡೆಗೆ ಆಸಕ್ತಿ ಹೆಚ್ಚಿಸುವುದು ಈ ಕಾರಣದಿಂದ ತಿನ್ನಬಾರದು ಎಂದು ಹೇಳಲಾಗುವುದು.