2013ರ ಆಸ್ಕರ್ ಸ್ಪರ್ಧೆಯಲ್ಲಿರುವ ಭಾರತದ ಚಿತ್ರಗಳು

ಇಂದು ಇಡೀ ವಿಶ್ವದ ದೃಷ್ಟಿ ಆಸ್ಕರ್ ಮೇಲೆ ನಿಟ್ಟಿದೆ. ಆಸ್ಕರ್ ಪ್ರಶಸ್ತಿಯನ್ನು ಪಡೆದರೆ ಆ ಸಿನಿಮಾಕ್ಕೆ ಮಾತ್ರವಲ್ಲ ಆ ದೇಶಕ್ಕೆ ಹೆಮ್ಮೆಯ ಸಂಗತಿ. ಇಂದು ಬೆಳಗ್ಗೆ 5.30ರಿಂದ 9.30ರವರೆಗೆ ಈ ಆಸ್ಕರ್ ಪ್ರಶಸ್ತಿಯನ್ನು ಪ್ರಧಾನಮಾಡಲಾಗುವುದು.

ಈ ಬಾರಿಯ ಆಸ್ಕರ್ ಪ್ರಶಸ್ತಿಗೆ ಆಯ್ಕೆಯಾದ ಭಾರತದ ಸಿನಿಮಾದ ಬಗ್ಗೆ ಇದುವರೆಗೆ ಯಾವುದೇ ಮಾಹಿತಿ ತಿಳಿದು ಬಂದಿಲ್ಲ. ಆದರೆ ಲೈಫ್ ಆಫ್ ಪೈಗೆ ಸಿಗಬಹುದೆಂಬ ನಿರೀಕ್ಷೆ ಭಾರತೀಯರಿಗಿದೆ, ಕಾದು ನೋಡಬೇಕಷ್ಟೆ.

'ಲೈಫ್ ಆಫ್ ಪೈ' ಚಿತ್ರದಲ್ಲಿನ ಜೋಗುಳ ಗೀತೆಗಾಗಿ, ಪ್ರಖ್ಯಾತ ಕರ್ನಾಟಕ ಸಂಗೀತ ಕಲಾವಿದೆ, ಬಾಂಬೆ ಜಯಶ್ರೀ ಹೆಸರು ಮೂಲ ಗೀತೆ ವಿಭಾಗದಲ್ಲಿ ಪ್ರಶಸ್ತಿಗೆ ನಾಮಾಂಕಿತಗೊಂಡಿದೆ. ಇನ್ನು ಲೈಫ್ ಆಫ್ ಪೈ ಒಟ್ಟು 11 ಪ್ರಶಸ್ತಿಯ ಸ್ಪರ್ಧೆಗೆ ನಾಮಾಂಕಿತಗೊಂಡಿದೆ.

ಇನ್ನು ಅನಿಲ್‌ ಅಂಬಾನಿ ಮತ್ತು ಸ್ಟೀವನ್‌ ಸ್ಪಿಲ್‌ಬರ್ಗ್‌ ಒಡೆತನದ ಕಂಪನಿ ನಿರ್ಮಿಸಿರುವ 'ಲಿಂಕನ್‌' ಚಿತ್ರ 12 ವಿಭಾಗಗಳಲ್ಲಿ ಸ್ಪರ್ಧಾ ಹಂತಕ್ಕೆ ಪ್ರವೇಶ ಪಡೆದಿದೆ. ಈ ಭಾರಿ 3 ಅನಿಮೇಷನ್ ಚಿತ್ರಗಳಿಗೆ ಸೀಮಿತವಾಗಿದ್ದ ಆನಿಮೇಷನ್ ಚಿತ್ರಗಳನ್ನು 5ಕ್ಕೆ ಏರಿಸಿದ್ದು, ಆನಿಮೇಷನ್ ಸಿನಿಮ ನಿರ್ದೇಶಕರಿಗೆ ಸಂತಸವನ್ನು ತಂದಿದೆ.

ಅಲ್ಲದೆ 2013ರ ಆಸ್ಕರ್ ಪ್ರಶಸ್ತಿಯ ಮತ್ತೊಂದು ವಿಶೇಷವೆಂದರೆ ಅತೀ ಕಡಿಮೆ ಅವಧಿಯ ಸಿನಿಮಾ ಅಂದರೆ 45 ಸೆಕೆಂಡ್ ಗಳಲ್ಲಿ ನೋಡಿ ಮುಗಿಸಬಹುದಾದ ಸಿನಿಮಾ ಫ್ರಷ್ ಗೂಕಮೊಲ್' ಕೂಡ ಆಸ್ಕರ್ ರೇಸ್ ನಲ್ಲಿದೆ.