ಕನ್ನಡಕದ ಗಾಜಿನ ಗೆರೆ ಹೋಗಿಸುವ ಸುಲಭ ತಂತ್ರ

Improvement

oi-Sumalatha

By Sumalatha

Published: Saturday, December 10, 2011, 18:13 [IST]

ನಿಮ್ಮ ಹಳೆ ಕನ್ನಡಕದ ಗಾಜಿನ ಮೇಲೆ ಹೆಚ್ಚು ಗೆರೆ ಇದೆ ಎಂದು ಹೊಸತನ್ನು ಖರೀದಿಸುವ ಕುರಿತು ಯೋಚಿಸುತ್ತಿದ್ದೀರಾ? ಹಾಗಾದರೆ ಸ್ವಲ್ಪ ತಡೆಯಿರಿ. ಕನ್ನಡಕದ ಮೇಲಿನ ಗೆರೆಯನ್ನು ತೆಗೆಯುವ ಕೆಲವೊಂದಿಷ್ಟು ಸಲಹೆಗಳು ಇಲ್ಲಿವೆ.

ರಿಪೇರಿಗೆ ನೀಡುವ ಬದಲು ಅಥವಾ ಹೊಸತನ್ನು ಕೊಂಡುಕೊಳ್ಳುವ ಬದಲು ಈ ಟಿಪ್ಸ್ ಗಳನ್ನು ಟ್ರೈ ಮಾಡಿ ನೋಡಿ.

ಐ ಗ್ಲಾಸ್ ಮೇಲಿನ ಗೆರೆಗಳನ್ನು ಹೋಗಿಸುವ ವಿಧಾನ:

1. ಕನ್ನಡಕದ ಗಾಜಿನ ಮೇಲೆ ಟಾಲ್ಕಂ ಪೌಡರನ್ನು ಉದುರಿಸಿ ಹರಡಿರಿ. ಇದರಿಂದ ಗಾಜಿನ ಮೇಲೆ ಎಷ್ಟು ಗೆರೆಗಳಾಗಿವೆ ಎಂದು ನಿಖರವಾಗಿ ತಿಳಿಯುತ್ತದೆ.

2. ಟೂಥ್ ಪೇಸ್ಟ್ ಕನ್ನಡಕದ ಗ್ಲಾಸಿನ ಗೆರೆಯನ್ನು ಹೋಗಿಸುತ್ತದೆ. ಒರಟಲ್ಲದ ಟೂಥ್ ಪೇಸ್ಟನ್ನು ಮೆತ್ತಗಿನ ಬಟ್ಟೆಗೆ ಸ್ವಲ್ಪ ಹಾಕಿ ಗಾಜಿನ ಮೇಲೆ ಸವರಬೇಕು. ಇದರಿಂದ ಎಲ್ಲಿ ಗೆರೆಯಾಗಿದೆ ಎಂದು ತಿಳಿಯುತ್ತದೆ ಹಾಗೂ ಗೆರೆಗಳೂ ಹೋಗುತ್ತದೆ. ಗಾಢ ಗೆರೆಯಿದ್ದರೆ ಸ್ವಲ್ಪ ಕಡಿಮೆಯಾಗುತ್ತದೆ.

3. ಅಡುಗೆ ಸೋಡಾವನ್ನು ಸ್ವಲ್ಪ ನೀರಿನೊಂದಿಗೆ ಬೆರೆಸಿ ಪೇಸ್ಟ್ ಮಾಡಿ ಕನ್ನಡಕದ ಮೇಲೆ ಹಚ್ಚಿದರೂ ಗೆರೆಗಳು ಮಾಸುತ್ತವೆ.

4. ಐ ಗ್ಲಾಸ್ ಗಳಿಗೆಂದೇ ಲಭ್ಯವಿರುವ ಗ್ಲಾಸ್ ಎಚಿಂಗ್ ಕಾಂಪೌಂಡ್ ಅನ್ನು ಹಚ್ಚಿದರೂ ಕನ್ನಡಕ ಹೊಸದಂತೆ ಕಾಣುತ್ತದೆ. ಆದರೆ ಇದನ್ನು ಹೆಚ್ಚು ಹಚ್ಚಬಾರದು. ಇದು ಗಾಜಿನ ಮೇಲೆ ಪರಿಣಾಮ ಬೀರುತ್ತದೆ.

5. ಪ್ಲಾಸ್ಟಿಕ್ ಐ ಗ್ಲ್ಯಾಸ್ ಗೆ ಘನ ಕೊಬ್ಬರಿ ಎಣ್ಣೆ ಅಥವಾ ಮೇಣ ಸೂಕ್ತ. ಕ್ಲೀನಿಂಗ್ ವ್ಯಾಕ್ಸನ್ನು ಹಚ್ಚಿ ಸ್ವಲ್ಪ ಸಮಯದ ನಂತರ ಒರೆಸಬಹುದು.

6. ಕನ್ನಡಕವನ್ನು ಫ್ರೀಝರ್ ನಲ್ಲಿಟ್ಟು ಸ್ವಲ್ಪ ಸಮಯದ ನಂತರ ತೆಗೆದು ಅದರ ಮೇಲಿನ ಐಸ್ ಗೆಡ್ಡೆಯನ್ನು ತೆಗೆದರೂ ಕನ್ನಡಕ ಫಳ ಫಳ ಹೊಳೆಯುತ್ತೆ.