ಕೈತೋಟದ ಅಂದ ಹೆಚ್ಚಿಸುವ ಕ್ಯಾಕ್ಟಸ್ ಗಿಡ

Gardening

oi-Reena

By Hema S

Published: Thursday, April 5, 2012, 12:29 [IST]

ಕ್ಯಾಕ್ಟಸ್ ಅಥವಾ ಪಾಪಸ್ ಕಳ್ಳಿಗಿಡವನ್ನು ಬೆಳೆದರೆ ಕೈ ತೋಟ ಮತ್ತಷ್ಟು ಆಕರ್ಷಕವಾಗಿ ಕಾಣುತ್ತದೆ. ಈ ಗಿಡದ ಅಂದ ನೋಡಿದರೆ ನಮ್ಮ ಮನೆಯಲ್ಲೂ ತಂದು ನೆಡಬೇಕು ಅನಿಸುವುದು ಸಹಜ. ಈ ಕ್ಯಾಕ್ಟಸ್ ಗಿಡಬೆಳೆಸುವ ಮುನ್ನ ಈ ಕೆಳಗಿನ ಪ್ರಮುಖ ಅಂಶಗಳ ಬಗ್ಗೆ ತಿಳಿದಿರುವುದು ಒಳ್ಳೆಯದು.

ಸೂರ್ಯನ ಕಿರಣ: ಕ್ಯಾಕ್ಟಸ್ ಗಿಡದ ಮೇಲೆ ಸೂರ್ಯನ ಕಿರಣಗಳು ನೇರವಾಗಿ ಬೀಳುವ ಜಾಗದಲ್ಲಿ ಗಿಡವನ್ನು ನೆಡಬೇಕು. ಕಡಿಮೆ ಅಂದರೂ 6 ಗಂಟೆ ಬಿಸಿಲು ಅದರ ಮೇಲೆ ಬೀಳಬೇಕು.

ನೀರು: ಕ್ಯಾಕ್ಟಸ್ ಗಿಡ ನೆಟ್ಟಿರುವ ಹೂವಿನ ಕುಂಡದಲ್ಲಿ ನೀರು ನಿಲ್ಲವಂತೆ ಇರಬಾರದು. ಅಧಿಕ ನೀರು ಕುಂಡದಿಂದ ಹರೆಯುವಂತೆ ಇರಬೇಕು. ಅಧಿಕ ತೇವಾಂಶವಿದ್ದರೆ ಈ ಗಿಡ ನಾಶವಾಗುವುದು.

ಮಣ್ಣು: ಇದನ್ನು ನೆಡುವ ಮಣ್ಣಿನಸಲ್ಲಿ ಕಲ್ಲು, ಖನಿಜಾಂಶ, ಉಪ್ಪಿನಂಶ ಮತ್ತು ಮರಳಿನಂಶವಿರಬೇಕು. ಮಣ್ಣಿನಲ್ಲಿ ಈ ಎಲ್ಲಾ ಅಂಶಗಳಿದ್ದರೆ ಗಿಡ ಬೇಗನೆ ಬೆಳೆಯುತ್ತದೆ.

ಉಷ್ಣತೆ: ತುಂಬಾ ತಂಪು ಪ್ರದೇಶದಲ್ಲಿ ಕ್ಯಾಕ್ಟಸ್ ಗಿಡ ಬೆಳೆಸದಿರುವುದು ಒಳ್ಳೆಯದು. ಏಕೆಂದರೆ ಉಷ್ಣತೆ ಕಡಿಮೆ ಇದ್ದರೆ ಈ ಪ್ರದೇಶದಲ್ಲಿ ಈ ಗಿಡ ಉತ್ತಮವಾಗಿ ಬೆಳೆಯುವುದಿಲ್ಲ.

ಈ ಗಿಡವನ್ನು ನೆಡುವಾಗ ಅದರ ಬೇರುಗಳಿಗೆ ಯಾವುದೇ ಹಾನಿಯಾಗದಂತೆ ನೆಡಬೇಕು. ಹೂಕುಂಡದಲ್ಲಿ ಬೇರುಗಳು ಸ್ವಲ್ಪ ಆಳಕ್ಕೆ ಇಳಿಯುವಂತೆ ಸ್ಥಳಾವಕಾಶ ಸ್ವಲ್ಪ ಹೆಚ್ಚಿರುವ ಕುಂಡದಲ್ಲಿ ನೆಡಬೇಕು. ಇದನ್ನು ನೆಲದಲ್ಲಿ ನೆಟ್ಟರೆ ಗುಂಪಾಗಿ ಬೆಳೆದು ಆಕರ್ಷಕವಾಗಿ ಕಾಣುವುದು.

ಈ ಗಿಡವನ್ನು ನೆಡ ಬಯಸುವವರು ಇನ್ನೂ 2 ತಿಂಗಳು ಕಾಯುವುದು ಒಳ್ಳೆಯದು. ಏಕೆಂದರೆ ಜೂನ್‌ನಿಂದ ಆಗಸ್ಟ್‌ಈ ಗಿಡ ನೆಡುವುದಕ್ಕೆ ತುಂಬಾ ಸೂಕ್ತವಾದ ಸಮಯವಾಗಿದೆ.