ಗಮನಿಸಿ : ಜಾಸ್ತಿ ಖುಷಿಯಾದರೂ, ಜಾಸ್ತಿ ದುಖಃವಾದರೂ ಸಾವು ಬರಬಹುದು!

ಬ್ರೋಕನ್ ಹಾರ್ಟ್ ಸಿಂಡ್ರೋಮ್ ಎಂದರೇನು?

ಇದು ನಿಮಗೆ ತೀವ್ರ ತರದ ಬೇಸರ, ನೋವು ಉಂಟಾದಾಗ ಸೃಷ್ಟಿಯಾಗುವ ಒತ್ತಡದಿಂದ ಬ್ರೋಕನ್ ಹಾರ್ಟ್ ಸಿಂಡ್ರೋಮ್ ಉಂಟಾಗುತ್ತದೆ. ಬ್ರ್ರೋಕನ್ ಹಾರ್ಟ್ ಸಿಂಡ್ರೋಮ್ ರೋಗಲಕ್ಷಣಗಳು ಒಂದು ರೀತಿಯಲ್ಲಿ ಹೃದಯಾಘಾತವನ್ನೇ ಹೋಲುತ್ತದೆ. ಮೊದಲು ಹೃದಯಾಘಾತಕ್ಕಿಂತ ಭಿನ್ನವಾಗಿ, ಹಠಾತ್ ದೈಹಿಕ ಅಥವಾ ಭಾವನಾತ್ಮಕ ಒತ್ತಡವು ನಿಮ್ಮ ಹೃದಯ ಸ್ನಾಯುವಿನ ದುರ್ಬಲತೆಗೆ ಕಾರಣವಾದಾಗ ಬ್ರೋಕನ್ ಹಾರ್ಟ್ ಸಿಂಡ್ರೋಮ್ ಸಂಭವಿಸುತ್ತದೆ.

ನೀವು ಹೃದಯಾಘಾತದಿಂದ ಬಳಲುತ್ತಿದ್ದೀರಿ ಎಂದು ನಿಮಗೆ ಅನಿಸುತ್ತದೆ. ಉಸಿರಾಟದ ತೊಂದರೆ ಮತ್ತು ಎದೆ ನೋವು ಮುಂತಾದ ಲಕ್ಷಣಗಳು ನಿಮಗೆ ಕಾಡುತ್ತದೆ. ಉದಾಹರಣೆಗೆ ನೀವು ಏಕಾಏಕಿ ಶಾಕಿಂಗ್ ನ್ಯೂಸ್ ಕೇಳಿದರೆ, ಅಪಘಾತ ಆಗುವಾಗ ಉಂಟಾಗುವ ಶಾಕ್, ಹಠಾತ್ ನಿಮ್ಮ ಕಣ್ಣು ಮುಂದೆ ನಿಮಗೆ ನೋವು ತರುವ ಏನಾದರು ಘಟನೆ ನಡೆದರೆ. ಇದು ಬ್ರೋಕನ್ ಹಾರ್ಟ್ ಸಿಂಡ್ರೋಮ್ ಗೆ ಕಾರಣವಾಗಲಿದೆ. ಇದರಿಂದ ಶಾಶ್ವತ ಹೃದಯ ಸಮಸ್ಯೆ ಆಗುವುದಿಲ್ಲ. ಕೆಲವರಿಗೆ ಇದು ಮಾರಕವಾಗಲೂ ಬಹುದು, ಪ್ರಾಣಕ್ಕೆ ಕುತ್ತು ತರಬಹುದು. ಆದರೆ ಅನೇಕರು ಕೂಡಲೇ ಚೇತರಿಕೆ ಹೊಂದಬಹುದು. ಇನ್ನು ಕೆಲವರು ಆಸ್ಪತ್ರೆಗೆ ತೆರಳಿದ ಮೇಲೆ ಚೇತರಿಕೆಯಾಗಬಹುದು. ಅದರ ಪ್ರಭಾವ ಮತ್ತು ವ್ಯಕ್ತಿಯ ಆರೋಗ್ಯದ ಮೇಲೆ ಇದರ ತೀವ್ರತೆ ಉಂಟಾಗುತ್ತದೆ.

ಹ್ಯಾಪಿ ಹಾರ್ಟ್ ಸಿಂಡ್ರೋಮ್ ಎಂದರೇನು?

ಹ್ಯಾಪಿ ಹಾರ್ಟ್ ಸಿಂಡ್ರೋಮ್ ಎಂದರೆ ಅತೀ ಹೆಚ್ಚು ಸಂತೋಷ ಅಥವಾ ಅತೀ ಹೆಚ್ಚು ಖುಷಿ ಉಂಟಾದಾಗ ಉಂಟಾಗುವಂತಹ ಹೃದಯ ಸಂಬಂಧಿ ಸಮಸ್ಯೆಯಾಗಿದೆ. ಇದು ಕೆಲವರಿಗೆ ಸಾವು ತಂದುಕೊಡಬಹುದು. ಕೆಲವರಿಗೆ ಆರೋಗ್ಯದಲ್ಲಿ ಏರುಪೇರಾಗಬಹುದು. ಕೆಲವರು ಮೂರ್ಛೆ ತಪ್ಪಿ ಬಿದ್ದು ಏಳಲುಬಹುದು. ಹೌದು, ಇದು ನೀವು ಗಮನಿಸಿರಬಹುದು.

ಲಾಟರಿಯಲ್ಲಿ ಬಂಪರ್ ಹೊಡೆದಾಗ, ಮದುವೆ ಸಮಯದಲ್ಲಿನ ತೀವ ಖುಷಿಯಿಂದ, ಮಕ್ಕಳು ಅಥವಾ ಮೊಮ್ಮಕಳು ಹುಟ್ಟಿದರು ಎಂದು ಹೇಳುವಾಗ ಹೀಗೆ ಅನೇಕ ಖುಷಿಯ ವಿಚಾರ ಕೇಳುವಾಗ ಈ ರೀತಿ ಹ್ಯಾಪಿ ಹಾರ್ಟ್ ಸಿಂಡ್ರೋಮ್ ಸಂಭವಿಸಿದಬಹುದು. ಬ್ರೋಕನ್ ಹಾರ್ಟ್ ಸಿಂಡ್ರೋಮ್ ಗೆ ಹೋಲಿಕೆ ಮಾಡಿದರೆ ಹ್ಯಾಪಿ ಹಾರ್ಟ್ ಸಿಂಡ್ರೋಮ್ ಸಂಭವಿಸುವ ಸಂಖ್ಯೆ ಅತೀ ಕಡಿಮೆ.

ಯಾಕಾಗಿ ಈ ಎರಡು ಸಮಸ್ಯೆಗಳು ಸಂಭವಿಸಬಹುದು!

ಹೆಚ್ಚು ಖುಷಿ ಪಟ್ಟರೆ ಅಥವಾ ದುಖಃಪಟ್ಟರೆ ಸಾವು ಸಂಭವಿಸುತ್ತದೆ ಎಂದು ಹೇಳಿದರೆ ನಗುವುದು ಮತ್ತು ಖುಷಿ ಪಡದೆ ಇರದೆ ಕೂರಬೇಡಿ. ಆದರೆ, ಜಾಸ್ತಿ, ಖುಷಿ ಜಾಸ್ತಿ ನೋವನ್ನು ಹೃದಯಕ್ಕೆ ತೆಗೆದುಕೊಳ್ಳಬೇಡಿ. ಹೌದು, ಹೀಗೆ ವಿಪರೀತ ಖುಷಿ, ವಿಪರೀತ ನೋವನ್ನು ಯಾವತ್ತು ಹೃದಯಕ್ಕೆ ತೆಗೆದುಕೊಳ್ಳಬೇಡಿ. ಯಾಕೆಂದರೆ ಇದು ಹೃದಯಕ್ಕೆ ಒತ್ತಡ ನೀಡುತ್ತದೆ. ಹೀಗೆ ಒತ್ತಡದಿಂದ ಹೃದಯಕ್ಕೆ ಸರಬರಾಜು ಆಗುವ ರಕ್ತದಲ್ಲಿ ಅಸಮತೋಲನ ಉಂಟಾಗುತ್ತದೆ. ಈ ರೀತಿ ಆದರೆ ಹೃದ್ರೋಗ ಸಂಭವಿಸುತ್ತದೆ. ಹೆಚ್ಚಿನವರಿಗೆ ಇದರಿಂದ ಸಮಸ್ಯ್ತೆ ಉಂಟಾಗುವುದಿಲ್ಲ. ಆಲ್ ರೆಡಿ ನಿಮಗೆ ಹೃದ್ರೋಗ ಇದ್ದರೆ ಎಚ್ಚರಿಕೆ ವಹಿಸುವುದು ಒಳ್ಳೆಯದು.