ಉತ್ತಮ ಆರೋಗ್ಯಕ್ಕೆ ವ್ಯಾಯಾಮ ಅಗತ್ಯವಾಗಿದ್ದರೂ, ಈ ಸಂದರ್ಭಗಳಲ್ಲಿ ವ್ಯಾಯಾಮ ಬೇಡ

ನೀವು ನಿದ್ರೆ ಮಾಡಿರದಿದ್ದರೆ:

ಹಿಂದಿನ ರಾತ್ರಿ ನಿಮಗೆ ಸರಿಯಾಗಿ ನಿದ್ದೆ ಮಾಡಲು ಸಾಧ್ಯವಾಗದಿದ್ದರೆ ಅಥವಾ ಬೆಳಿಗ್ಗೆ ನಿಮಗೆ ಸಾಕಷ್ಟು ನಿದ್ರೆ ಮಾಡಲು ಸಾಧ್ಯವಾಗದಿದ್ದರೆ, ಆಗ ವ್ಯಾಯಾಮ ತಪ್ಪಿಸುವುದು ಒಳ್ಳೆಯದು. ಜೊತೆಗೆ ಬೆಳಿಗ್ಗೆ ವ್ಯಾಯಾಮ ಮಾಡುವಾಗ ದಣಿವು ಕಂಡುಬಂದರೆ ಸಹ ಆ ದಿನ ವ್ಯಾಯಾಮಕ್ಕೆ ವಿರಾಮ ನೀಡುವುದು ಉತ್ತಮ. ಏಕೆಂದರೆ, ಸರಿಯಾಗಿ ನಿದ್ರೆ ಬಾರದೇ, ಅದೇ ಮಂಪರಿನಲ್ಲಿ ಅವಘಡಗಳಾಗುವ ಸಂದರ್ಭ ಹೆಚ್ಚಾಗಿರುತ್ತದೆ.

ದಣಿದಿದ್ದರೆ:

ವ್ಯಾಯಮ ಆರೋಗ್ಯಕ್ಕೆ ಬೇಕು, ಹಾಗಂತ, ದಣಿದಿರುವ ದೇಹವನ್ನು ಮತ್ತಷ್ಟು ದಂಡಿಸುವುದು ಸರಿಯಲ್ಲ. ಸಂಜೆಯ ವೇಳೆ, ನಿಸ್ಸಂಶಯವಾಗಿ, ದಣಿದಿರುತ್ತೀರಿ. ಆಗ ದೇಹದ ಶಕ್ತಿಯು ಕಡಿಮೆಯಾಗಿರುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಯಾವುದಾದರೂ ಸಣ್ಣ ತಪ್ಪಿನಿಂದ ಕೂಡ ಗಾಯಗಳಾಬಹುದು. ಆದ್ದರಿಂದ ಸುಸ್ತು, ದಣಿವಾಗಿದ್ದರೆ, ವ್ಯಾಯಾಮ ಬೇಡ.

ಯಾವುದಾದರೂ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರೆ:

ನೀವು ಯಾವುದಾದರೂ ಪ್ರಮುಖ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರೆ, ವೈದ್ಯರು ಸಹಜವಾಗಿ ಕೆಲವು ದಿನಗಳವರೆಗೆ ಬೆಡ್ ರೆಸ್ಟ್ ಅನ್ನು ಶಿಫಾರಸು ಮಾಡುತ್ತಾರೆ. ಆದರೆ ಯಾವುದೇ ದೊಡ್ಡ ಶಸ್ತ್ರಚಿಕಿತ್ಸೆ ಇಲ್ಲದಿದ್ದರೂ, ಕೆಲವು ದಿನಗಳವರೆಗೆ ಜಿಮ್‌ನಿಂದ ವಿರಾಮ ತೆಗೆದುಕೊಳ್ಳಬೇಕು. ಹೀಗೆ ಮಾಡುವುದರಿಂದ ದೇಹವು ಸಂಪೂರ್ಣವಾಗಿ ಚೇತರಿಸಿಕೊಳ್ಳುತ್ತದೆ. ವ್ಯಾಯಾಮದ ಸಮಯದಲ್ಲಿ, ದೇಹದಲ್ಲಿನ ರಕ್ತದ ಹರಿವು ಗಮನಾರ್ಹವಾಗಿ ಹೆಚ್ಚಾಗುತ್ತದೆ, ಇದು ರಕ್ತಸ್ರಾವಕ್ಕೆ ಕಾರಣವಾಗಬಹುದು. ಇದರ ಜೊತೆಗೆ, ವ್ಯಾಯಾಮದ ಸಮಯದಲ್ಲಿ ಬೆವರುವುದು ಸೋಂಕಿಗೆ ಕಾರಣವಾಗಬಹುದು.

ಜ್ವರವಿದ್ದರೆ:

ಹವಾಮಾನ ಬದಲಾವಣೆಯಿಂದ ಅನೇಕ ಬಾರಿ ಜ್ವರ ಮತ್ತು ಸೋಂಕು ಉಂಟಾಗುತ್ತದೆ. ಇದರಿಂದಾಗಿ ಶೀತದ ಸಮಸ್ಯೆ ಇರುತ್ತದೆ. ಜ್ವರವು ಸಾಮಾನ್ಯ ಸಮಸ್ಯೆಯಾಗಿದ್ದು, ಅನೇಕ ಜನರು ತಮ್ಮ ವ್ಯಾಯಾಮ ದಿನಚರಿಯನ್ನು ಹಾಳುಮಾಡಲು ಬಯಸುವುದಿಲ್ಲ, ಆದರೆ ನಿಮಗೆ ಜ್ವರವಿದ್ದಾಗ ವ್ಯಾಯಾಮ ಮಾಡುವುದು ಹೆಚ್ಚು ಅನಾರೋಗ್ಯಕ್ಕೆ ಕಾರಣವಾಗಬಹುದು. ವಾಸ್ತವವಾಗಿ, ಜ್ವರ ಎಂಬುದು ದೇಹಕ್ಕೆ ವಿಶ್ರಾಂತಿ ಬೇಕು ಎಂಬ ಸಂಕೇತವಾಗಿದೆ. ಹಾಗಿದ್ದಾಗ, ನೀವು ಮತ್ತಷ್ಟು ದೇಹ ದಂಡಿಸಿದರೆ, ಅನಾರೋಗ್ಯ ಇನ್ನಷ್ಟು ಕೈಕೊಡಬಹುದು.