For Quick Alerts
ALLOW NOTIFICATIONS  
For Daily Alerts

ಮಹಿಳೆಯರಿಗೆ ಕಾಡುವ ಪಿಸಿಒಎಸ್‌ ಸಮಸ್ಯೆಗೆ ನೈಸರ್ಗಿಕ ಪರಿಹಾರಗಳು

|

ಮಹಿಳೆಯರಲ್ಲಿ ಹಲವಾರು ರೀತಿಯ ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಳ್ಳಬಹುದು. ಇದರಲ್ಲಿ ಮುಖ್ಯವಾಗಿ ಗರ್ಭಕೋಶಕ್ಕೆ ಸಂಬಂಧಿಸಿದ ಸಮಸ್ಯೆಗಳ ಬಗ್ಗೆ ನಿಗಾ ವಹಿಸಬೇಕು. ಇದರಿಂದ ಹಲವಾರು ರೀತಿಯ ಸಮಸ್ಯೆಗಳು ಕಾಣಿಸಬಹುದು. ಮಹಿಳೆಯರಲ್ಲಿ ಕಾಣಿಸಿಕೊಳ್ಳುವ ಗರ್ಭಕೋಶದ ಸಮಸ್ಯೆಗಳಲ್ಲಿ ಪಾಲಿಸಿಸ್ಟಿಕ್ ಓವೆರಿಯನ್ ಸಿಂಡ್ರೋಮ್(ಪಿಸಿಒಎಸ್) ಕೂಡ ಒಂದಾಗಿದೆ.

ಇದು ಮಹಿಳೆಯರಲ್ಲಿ ವಿಶ್ವದಾದ್ಯಂತ ಅತಿಯಾಗಿ ಕಾಡುವ ಹಾರ್ಮೋನು ಸಮಸ್ಯೆಯಾಗಿದೆ. ಗರ್ಭಕೋಶದಲ್ಲಿ ಕಿರುಚೀಲಗಳು ನಿರ್ಮಾಣಗೊಂಡು, ಇದು ಮಹಿಳಾ ಹಾರ್ಮೋನಿನ ಬದಲು ಪುರುಷರ ಹಾರ್ಮೋನು ನಿರ್ಮಾಣ ಮಾಡುವುದು. ಇದರಿಂದಾಗಿ ಅನಿಯಮಿತ ಋತುಚಕ್ರ ಮತ್ತು ಗರ್ಭಧಾರಣೆ ಸಮಸ್ಯೆಗಳು ಕಾಣಿಸಬಹುದು.

ಪಿಸಿಒಎಸ್‌ನ ಲಕ್ಷಣಗಳು

ಪಿಸಿಒಎಸ್‌ನ ಲಕ್ಷಣಗಳು

ಮಹಿಳೆಯರಲ್ಲಿ ಈ ಪಿಸಿಒಎಸ್ ಒಂದು ಮಟ್ಟಕ್ಕೆ ತಲುಪಿದ ಬಳಿಕ ಅದರ ಲಕ್ಷಣಗಳು ಕಾಣಿಸಿಕೊಳ್ಳುವುದು. ಪಿಸಿಒಎಸ್ ಲಕ್ಷಣಗಳು ಈ ರೀತಿಯಲ್ಲಿದೆ. ಮೊಡವೆ-ಈ ಪರಿಸ್ಥಿತಿಯಲ್ಲಿ ಟೆಸ್ಟೋಸ್ಟೆರಾನ್ ಮಟ್ಟವು ಅಧಿಕವಾಗಿರುವುದು, ಇದರಿಂದ ಚರ್ಮವು ತುಂಬಾ ಎಣ್ಣೆಯಂಶದಿಂದ ಕೂಡಿರುವುದು ಮತ್ತು ಮೊಡವೆ ಉಂಟು ಮಾಡುವುದು.

Most Read: ಗರ್ಭಿಣಿಯರ ಬೆನ್ನೇರಿ ಕಾಡುವ ಪಿಸಿಓಎಸ್ ಎಂಬ ಪೆಡಂಭೂತ

ಪಿಸಿಒಎಸ್ ನ ಲಕ್ಷಣಗಳು

ಪಿಸಿಒಎಸ್ ನ ಲಕ್ಷಣಗಳು

ಅನಗತ್ಯ ಕೂದಲು-ಪಿಸಿಒಎಸ್ ಸಮಸ್ಯೆ ಇರುವಂತಹ ಮಹಿಳೆಯ ಮುಖ ಹಾಗೂ ದೇಹದ ಇತರ ಭಾಗಗಳಲ್ಲಿ ಕೂದಲು ಬೆಳೆಯಲು ಆರಂಭವಾಘುವುದು. ಇದನ್ನು ಹಿರ್ಸುಟಿಸಮ್ ಎಂದು ಕರೆಯಲಾಗುತ್ತದೆ. ತೂಕ ಹೆಚ್ಚಳ-ಪಿಸಿಒಎಸ್ ದಿಂದಾಗಿ ಶೇ.80ರಷ್ಟು ಮಹಿಳೆಯರು ಅತಿಯಾದ ತೂಕದಿಂದ ಬಳಲುತ್ತಾರೆ. ಅನಿಯಮಿತ ಋತುಚಕ್ರ-ಪಿಸಿಒಎಸ್ ನ ಸಾಮಾನ್ಯ ಲಕ್ಷಣವೆಂದರೆ ಅದು ಅನಿಯಮಿತವಾಗಿ ಋತುಚಕ್ರವಾಗುವುದು. ತಲೆನೋವು-ತಲೆನೋವು ಸಾಮಾನ್ಯ ಲಕ್ಷಣವಾಗಿದೆ. ಇದು ಕೆಲವು ಮಹಿಳೆಯರಲ್ಲಿ ಕಾಣಿಸಿಕೊಳ್ಳಬಹುದು.

ಕೂದಲು ತೆಳ್ಳಗಾಗುವುದು-ಈ ಪರಿಸ್ಥಿತಿಯು ಮುಂದುವರಿದಂತೆ ಕೂದಲು ತೆಳ್ಳಗಾಗುವುದು ಮತ್ತು ಉದುರಲು ಆರಂಭವಾಗುವುದು.

ಪಿಸಿಒಎಸ್ ಚಿಕಿತ್ಸೆಗೆ ನೈಸರ್ಗಿಕ ವಿಧಾನಗಳು

ಅರಿಶಿನ

ಅರಿಶಿನ

ಉರಿಯೂತದಿಂದಾಗಿ ಹಾರ್ಮೋನ್ ಗಳಲ್ಲಿ ಏರುಪೇರು ಆಗಿ ಕಿರುಚೀಲಗಳು ನಿರ್ಮಾಣವಾಗುತ್ತದೆ. ಅರಿಶಿನವು ಉರಿಯೂತ ಶಮನಕಾರಿ ಎಂದು ಹೇಳಲಾಗುತ್ತದೆ ಮತ್ತು ಇದು ತುಂಬಾ ಲಾಭಕಾರಿ ಮತ್ತು ಸಂಧಿವಾತ ಹಾಗೂ ಅಲ್ಸರ್ ನಂತಹ ಉರಿಯೂತ ಕಡಿಮೆ ಮಾಡಲು ಇದು ತುಂಬಾ ಪರಿಣಾಮಕಾರಿಯಾಗಿದೆ.

ಸಿಒಡಿ ಲಿವರ್ ಆಯಿಲ್

ಸಿಒಡಿ ಲಿವರ್ ಆಯಿಲ್

ಸಿಒಡಿ ಲಿವರ್ ತೈಲವನ್ನು ಸೇವನೆ ಮಾಡುವ ಕಾರಣದಿಂದಾಗಿ ಗರ್ಭಕೋಶದ ಕಾರ್ಯಗಳು ಸುಧಾರಣೆ ಆಗುವುದು ಮತ್ತು ಪಿಸಿಒಎಸ್ ನಿಂದ ಬಳಲುತ್ತಿರುವ ಮಹಿಳೆಯರಲ್ಲಿ ಆಂಡ್ರೋಜನ್ ಮಟ್ಟ ಕಡಿಮೆ ಮಾಡುವುದು. ಇದು ಮಹಿಳಾ ಹಾರ್ಮೋನ್ ನ್ನು ನಿಯಂತ್ರಿಸುವುದು. ಸಿಒಡಿ ಲಿವರ್ ತೈಲವು ಪಿಸಿಒಎಸ್ ನಿಂದಾಗಿ ಕಾಣಿಸಿಕೊಳ್ಳುವಂತಹ ಅಸಾಮಾನ್ಯ ಕೂದಲು ಬೆಳವಣಿಗೆ ಮತ್ತು ಅನಿಯಮಿತ ಋತುಚಕ್ರ ಸಮಸ್ಯೆ ನಿವಾರಿಸುವುದು.

ಗ್ರೀನ್ ಟೀ

ಗ್ರೀನ್ ಟೀ

ಗ್ರೀನ್ ಟೀ ಇನ್ಸುಲಿನ್ ಸೂಕ್ಷ್ಮತೆ ಹಾಗೂ ರಕ್ತದಲ್ಲಿ ಗ್ಲೂಕೋಸ್ ಮಟ್ಟವನ್ನು ಸುಧಾರಣೆ ಮಾಡುವಲ್ಲಿ ತುಂಬಾ ಸಹಕಾರಿ. ಇನ್ಸುಲಿನ್ ಮಟ್ಟವು ಅಧೀಕವಾಗಿದ್ದರೆ ಆಗ ಟೆಸ್ಟೊಸ್ಟೆರಾನ್ ಮಟ್ಟವು ಹೆಚ್ಚಾಗುವುದು ಮತ್ತು ಪಿಸಿಒಎಸ್ ನ ಅಸಾಮಾನ್ಯ ಲಕ್ಷಣಕ್ಕೆ ಕಾರಣವಾಗುವುದು. ಪ್ರತಿನಿತ್ಯ ಎರಡರಿಂದ ಮೂರು ಕಪ್ ಗ್ರೀನ್ ಟೀ ಕುಡಿದರೆ ಅದರಿಂದ ಹೆಚ್ಚಿನ ಆರೋಗ್ಯ ಲಾಭಗಳು ಸಿಗುವುದು.

ತುಳಸಿ

ತುಳಸಿ

ತುಳಸಿ ಸೇವನೆ ಮಾಡುವ ಕಾರಣದಿಂದ ಅದು ಇನ್ಸುಲಿನ್ ಮಟ್ಟವನ್ನು ನಿಯಂತ್ರಿಸುವುದು. ಇದರಿಂದ ಟೆಸ್ಟೋಸ್ಟೆರಾನ್ ಉತ್ಪತ್ತಿ ತಡೆಯುವುದು. ತುಳಸಿ ಎಲೆಗಳನ್ನು ಚಹಾಗೆ ಹಾಕಿ ಕುಡಿಯಿರಿ. ಇದನ್ನು ಸ್ಮೂಥಿ ಮತ್ತು ಸಲಾಡ್ ಗೆ ಕೂಡ ಹಾಕಿಕೊಳ್ಳಬಹುದು. ತುಳಸಿಯು ಕಾರ್ಟಿಸಾಲ್ ಮಟ್ಟವನ್ನು ತಗ್ಗಿಸುವುದು ಮತ್ತು ತೂಕ ಹೆಚ್ಚಳವಾಗದಂತೆ ತಡೆಯುವುದು.

ಆರೋಗ್ಯಕಾರಿ ತೂಕ

ಆರೋಗ್ಯಕಾರಿ ತೂಕ

ಆರೋಗ್ಯಕಾರಿ ತೂಕ ನಿರ್ವಹಣೆ ಮಾಡಿದರೆ ಅದರಿಂದ ಇನ್ಸುಲಿನ್ ಮಟ್ಟವನ್ನು ಕಾಪಾಡಬಹುದು ಮತ್ತು ಪಿಸಿಒಎಸ್ ನ ಅಪಾಯವನ್ನು ತಡೆಯಬಹುದು. ಅತ್ಯಧಿಕ ದೇಹತೂಕವಿದ್ದರೆ ಆಗ ಅದರಿಂದ ದೊಡ್ಡ ಮಟ್ಟದಲ್ಲಿ ಪಿಸಿಒಎಸ್ ಕಾಣಿಸುವುದು. ಕಡಿಮೆ ಕ್ಯಾಲರಿ ಇರುವ ಆಹಾರ ಮತ್ತು ನಿಯಮಿತವಾಗಿ ವ್ಯಾಯಾಮ ಮಾಡಿದರೆ ಪಿಸಿಒಎಸ್ ಲಕ್ಷಣಗಳನ್ನು ತಡೆಯಬಹುದು.

ಒತ್ತಡ ಕಡಿಮೆ ಮಾಡಿ

ಒತ್ತಡ ಕಡಿಮೆ ಮಾಡಿ

ಆಧುನಿಕ ಯುಗದಲ್ಲಿ ಪ್ರತಿಯೊಬ್ಬರಿಗೂ ಒತ್ತಡವಿರುತ್ತದೆ. ಅದರಲ್ಲೂ ಮಹಿಳೆಯರಿಗೆ ಹೆಚ್ಚು. ಒತ್ತಡದಿಂದ ದೇಹದಲ್ಲಿ ಕಾರ್ಟಿಸಾಲ್ ಮಟ್ಟವು ಹೆಚ್ಚಾಗುವುದು. ಇದರಿಂದಾಗಿ ಅತಿಯಾಗಿ ತಿನ್ನುವುದು ಮತ್ತು ದೇಹದಲ್ಲಿ ಕೊಬ್ಬು ಶೇಖರಣೆ ಆಗಬಹುದು. ಸರಿಯಾಗಿ ನಿದ್ರಿಸುವುದು, ಕೆಫಿನ್ ಸೇವನೆ ಕಡಿಮೆ ಮಾಡುವುದು, ಯೋಗ ಮತ್ತು ಧಾನ್ಯದಿಂದ ಒತ್ತಡದ ಮಟ್ಟ ಕಡಿಮೆ ಮಾಡಿಕೊಳ್ಳಬಹುದು.

ನಿದ್ರೆಯು ಸರಿಯಾಗಿರಲಿ

ನಿದ್ರೆಯು ಸರಿಯಾಗಿರಲಿ

ನಿದ್ರಾಹೀನತೆಯಿಂದಾಗಿ ಒತ್ತಡದ ಮಟ್ಟವು ಕಾಡುವುದು ಮತ್ತು ಹಾರ್ಮೋನು ಅಸಮತೋಲನ ಕಂಡುಬರುವುದು. ನಿದ್ರೆಯಲ್ಲಿ ವ್ಯತ್ಯಯವಾದರೆ ಆಗ ಮಹಿಳೆಯರಲ್ಲಿ ಪಿಸಿಒಎಸ್ ಕಾಡುವುದು ಹೆಚ್ಚು. ಇದನ್ನು ಕಡಿಮೆ ಮಾಡಿಕೊಳ್ಳಲು 6-8 ಗಂಟೆಗಳ ಕಾಲ ನಿದ್ರೆ ಮಾಡಬೇಕು. ಸರಿಯಾದ ಸಮಯಕ್ಕೆ ನಿದ್ರೆ ಮಾಡಬೇಕು ಮತ್ತು ಕೊಬ್ಬಿನ ಆಹಾರ ಕಡಿಮೆ ಸೇವಿಸಬೇಕು.

English summary

PCOS:Natural Ways to Heal Properly

Polycystic Ovarian Syndrome (PCOS) is a common hormonal imbalance which affects millions of women worldwide. It is a condition in which small cysts are formed in the ovaries that produce male hormones instead of female hormones, leading to problems like irregular periods and complicated pregnancies.
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more