ಬಾಳೆ ಹಣ್ಣಿನ ಆಯ್ಕೆಯ ಗೊಂದಲದಲ್ಲಿದ್ದೀರಾ? ಹಾಗಾದರೆ ಇದನ್ನು ಓದಿ...

ಬಲಿಯದ ಬಾಳೆಹಣ್ಣು

ಇದು ದೇಹಕ್ಕೆ ಸೂಕ್ತವಾದ ಕ್ಯಾಲ್ಸಿಯಂ ನೀಡುತ್ತದೆ. ಅತಿಸಾರದಿಂದ ಬಳಲುತಿದ್ದರೆ ಬಲಿಯದ ಬಾಳೆಹಣ್ಣನ್ನು ಸೇವಿಸಬೇಕು. ಇದು ದೇಹಕ್ಕೆ ಹೆಚ್ಚು ಪೋಷಕಾಂಶಗಳನ್ನು ನೀಡುವುದು. ಇದರಿಂದ ದೇಹದ ಕೊಲೊನ್ ಆರೋಗ್ಯವನ್ನು ಹೆಚ್ಚಿಸುತ್ತದೆ.

ತುಂಬಾ ಹಣ್ಣಾಗದ ಬಾಳೆಹಣ್ಣು ಮಧುಮೇಹಿಗಳಿಗೆ ಒಳ್ಳೆಯದು

ಹಣ್ಣಾಗದ ಬಾಳೆಹಣ್ಣು ಎರಡನೇ ಬಗೆಯ ಮಧುಮೇಹಿಗಳಿಗೆ ಉತ್ತಮವಾದದ್ದು. ಇದರಲ್ಲಿ ರೆಸಿಸ್ಟೆಂಟ್ ಸ್ಟಾರ್ಚ್ ಗುಣ ಅಧಿಕವಾಗಿರುತ್ತದೆ.

ಸಿಪ್ಪೆಯ ಮೇಲೆ ಚುಕ್ಕೆ ಬಿದ್ದ ಬಾಳೆಹಣ್ಣಿನ ಅದ್ಭುತ ಪವರ್....

ಬಲಿತ ಬಾಳೆ ಹಣ್ಣು ಅಥವಾ ಹಣ್ಣಾದ ಬಾಳೆಹಣ್ಣು

ಬಲಿಯದ ಬಾಳೆ ಹಣ್ಣಿಗೆ ಹೋಲಿಸಿದರೆ ಬಲಿತ ಬಾಳೆಹಣ್ಣು (ಹಳದಿ ಬಣ್ಣದ ಬಾಳೆ ಹಣ್ಣು) ಹೆಚ್ಚಿನ ಪ್ರಮಾಣದ ಉತ್ಕರ್ಷಣ ನಿರೋಧಕ ಶಕ್ತಿಯನ್ನು ಒಳಗೊಂಡಿರುತ್ತದೆ.

ಗ್ಯಾಸ್ ಉಂಟಾಗದು

ಬಲಿತ ಬಾಳೆ ಹಣ್ಣಿನ ಸೇವನೆಯಿಂದ ಹೊಟ್ಟೆ ಉಬ್ಬುವುದು ಅಥವಾ ಗ್ಯಾಸ್ ಸಮಸ್ಯೆ ಉಂಟಾಗದು. ಹಸಿರು ಬಾಳೆ ಹಣ್ಣಿನಿಂದ ಹೊಟ್ಟೆಯಲ್ಲಿ ಗ್ಯಾಸ್ ಮತ್ತು ಹೊಟ್ಟೆ ಉಬ್ಬರ ಉಂಟಾಗುವ ಸಾಧ್ಯತೆ ಇರುತ್ತದೆ.

ಜೀರ್ಣವಾಗುವುದು

ಬಲಿತ ಮತ್ತು ಹಸಿರಾದ ಬಾಳೆ ಹಣ್ಣಿನ ಉಪಯೋಗಗಳನ್ನು ಲೆಕ್ಕ ಹಾಕಿದರೆ ಬಲಿತ ಬಾಳೆ ಹಣ್ಣು ಬಹು ಬೇಗ ಜೀರ್ಣವಾಗುವುದು.

ಮಧುಮೇಹಿಗಳಿಗಲ್ಲ

ಬಲಿತ ಬಾಳೆಹಣ್ಣಿನಲ್ಲಿ ಗ್ಲೈಸೆಮಿಕ್ ಸೂಚಿಯು ಅಧಿಕವಾಗಿರುತ್ತವೆ. ಇವು ಮಧುಮೇಹಿಗಳಿಗೆ ಒಳ್ಳೆಯದಲ್ಲ.

ಸೂಕ್ಷ್ಮ ಪೋಷಕಾಂಶಗಳು

ಬಾಳೆ ಹಣ್ಣಿನಲ್ಲಿ ಸೂಕ್ಷ್ಮ ಪೋಷಕಾಂಶಗಳು ಇರುತ್ತದೆ. ಕೆಲವು ಅಧ್ಯಯನಗಳ ಪ್ರಕಾರ ಹಣ್ಣು ಹೆಚ್ಚು ಬಲಿತಂತೆ ಸೂಕ್ಷ್ಮ ಪೋಷಕಾಂಶಗಳು ಕಡಿಮೆಯಾಗುತ್ತವೆ.

ಸಣ್ಣ ಕರುಳಿಗೆ ಒಳ್ಳೆಯದು

ಹಸಿರು ಬಾಳೆ ಹಣ್ಣಿನಲ್ಲಿ ಫ್ಯಾಟಿ ಆಸಿಡ್ಸ್ ಹೆಚ್ಚಿರುತ್ತವೆ. ಇವು ಸಣ್ಣ ಕರುಳಿಗೆ ಉತ್ತಮವಾದದ್ದು. ಬಲಿತ ಹಣ್ಣಿನಲ್ಲಿ ಕಡಿಮೆ ಪ್ರಮಾಣದಲ್ಲಿರುತ್ತದೆ.

ಈ ರೀತಿಯಲ್ಲಿ ಬಲಿತ ಮತ್ತು ಕಾಯಾಗಿರುವ ಬಾಳೆ ಹಣ್ಣಿನ ಪ್ರಯೋಜನಗಳಿವೆ. ಇವುಗಳಲ್ಲಿ ಯಾವುದು ನಿಮಗೆ ಅಗತ್ಯ ಎನ್ನುವುದನ್ನು ನಿರ್ಧರಿಸಿ ಬಾಳೆ ಹಣ್ಣನ್ನು ಸವಿಯಿರಿ.

ಅಚ್ಚರಿಯಾದರೂ ನಿಜ-ತೂಕ ಇಳಿಸಲು 'ಬಾಳೆಹಣ್ಣಿನ ಡಯಟ್'!