ಎದೆಯ ಒಂದೇ ಬದಿಯಲ್ಲಿ ಸೂಜಿ ಚುಚ್ಚಿದಂತೆ ನೋವಾಗುತ್ತಿದೆಯೇ?

ಎದೆಗೂಡಿನ ಮೂಳೆ ಮುರಿತ

ಎದೆಗೂಡಿನ ಮೂಳೆಗಳು ಕೊಂಚ ಚಪ್ಪಟೆಯಾಗಿದ್ದು ಇವುಗಳ ಮೇಲೆ ಬಿದ್ದ ಪ್ರಹಾರ ಅಥವಾ ಬಿದ್ದ ಪೆಟ್ಟಿನಿಂದಾಗಿ ಸೂಕ್ಷ್ಮವಾದ ಬಿರುಕು ಉಂಟಾಗಬಹುದು. ಕೆಲವೊಮ್ಮೆ ಆತ್ಮೀಯರನ್ನು ಕಂಡಾಗ ಉದ್ವೇಗದಲ್ಲಿ ಬಿಗಿಯಪ್ಪುಗೆಯ ಭರದಲ್ಲಿಯೂ ಈ ಮೂಳೆಯಲ್ಲಿ ಕೂದಲಿನಷ್ಟೇ ಚಿಕ್ಕ ಬಿರುಕು ಉಂಟಾಗಬಹುದು. ಕೆಲವೊಮ್ಮೆ ಶ್ವಾಸಕೋಶಕ್ಕೆ ಆದ ಗಾಯ ಅಥವಾ ಕಾಯಿಲೆಯೂ ಎದೆಯ ಒಂದು ಬದಿಯ ನೋವಿಗೆ ಕಾರಣವಾಗಬಹುದು.

ಕ್ಯಾನ್ಸರ್

ಶ್ವಾಸಕೋಶದ ಕ್ಯಾನ್ಸರ್ ಸಹಿತ ಕೆಲವು ವಿಧದ ಕ್ಯಾನ್ಸರ್ ಗಳು ಎದೆಯ ಒಂದೇ ಬದಿ ನೋವನ್ನು ನೀಡುತ್ತವೆ. ವಿಶೇಷವಾಗಿ ಧೂಮಪಾನಿಗಳಲ್ಲಿ ಈ ನೋವು ಹೆಚ್ಚಾಗಿ ಕಾಣಿಸಿಕೊಳ್ಳುತ್ತದೆ. ಆದ್ದರಿಂದ ತಕ್ಷಣವೇ ಧೂಮಪಾನವನ್ನು ತ್ಯಜಿಸಿ ವೈದ್ಯರನ್ನು ಭೇಟಿಯಾಗುವುದು ಅವಶ್ಯ. ಅಲ್ಲದೇ ಸಿಮೆಂಟ್ ಶೀಟ್ ಎಂದು ಕರೆಯಲಾಗುವ ಆಸ್ಬೆಸ್ಟಾಸ್ ನಾರನ್ನು ಬಳಸಿ ಮಾಡುವ ಸಾಮಾಗ್ರಿಗಳಿಗೆ ಒಡ್ಡಿಕೊಂಡಿರುವವರಿಗೆ ಎದುರಾಗುವ mesothelioma ಕ್ಯಾನ್ಸರ್ ಮೂಲಕವೂ ಎದೆಯ ಒಂದೇ ಬದಿಯಲ್ಲಿ ನೋವು ಬರುತ್ತದೆ. ಇದುವೇ ಕ್ಯಾನ್ಸರ್ ನಿಯಂತ್ರಿಸುವ ಪವರ್ ಫುಲ್ ಜ್ಯೂಸ್

ವೈರಲ್ ಸೋಂಕು

shingles ಎಂಬ ವೈರಸ್ಸಿನ ಮೂಲಕ ಆಗಮಿಸಿರಬಹುದಾದ ಸೋಂಕು ಸಹಾ ಎದೆಯ ಒಂದೇ ಬದಿಯಲ್ಲಿ ನೋವನ್ನು ನೀಡುತ್ತದೆ. ಅಲ್ಲದೇ ಶ್ವಾಸಕೋಶದ ಅಂಗಾಂಶಗಳಿಗೆ ರಕ್ತ ಪೂರೈಕೆ ಕಡಿಮೆಯಾದಾಗಲೂ ಈ ತೊಂದರೆ ಕಂಡುಬರುತ್ತದೆ.

ಇತರ ಸೋಂಕುಗಳು

pulmonary tuberculosis ಅಥವಾ ಕ್ಷಯ, ನ್ಯುಮೋನಿಯಾ ಜ್ವರ ಮೊದಲಾದವೂ ಎದೆಯ ಒಂದೇ ಬದಿಯಲ್ಲಿ ನೋವನ್ನುಂಟುಮಾಡುತ್ತವೆ. ಈ ಸೋಂಕುಗಳ ಮೂಲಕ ವಿಶೇಷವಾಗಿ ಶ್ವಾಸಕೋಶದಲ್ಲಿ ಸೋಂಕುಕಾರಕ ದ್ರವ ಅಥವಾ ಕೀವು ಉಂಟಾಗಿ ನೋವು ಕಾಣಿಸಿಕೊಳ್ಳುತ್ತದೆ. ಅಲ್ಲದೇ ಸೋಂಕುಗಳ ಮೂಲಕ ಕೆಂಪಗಾಗುವ ಶ್ವಾಸನಾಳಗಳು (bronchiectasis) ಸಹಾ ಎದೆಯ ಒಂದೇ ಭಾಗದಲ್ಲಿ ನೋವು ನೀಡಬಲ್ಲವು.

ಎದೆಯುರಿ

ಎದೆಯುರಿಗೆ ಅಜೀರ್ಣತೆ ಪ್ರಮುಖ ಕಾರಣವಾಗಿದೆ. ಅಜೀರ್ಣತೆಯಿಂದ ಹೊಟ್ಟೆಯಲ್ಲಿ ಉತ್ಪತ್ತಿಯಾಗುವ ಕೆಲವು ಅನಿಲಗಳು ಅನ್ನನಾಳದ ಮೂಲಕ ಹೊರಬರಲು ಯತ್ನಿಸುವುದರಿಂದ ಉರಿ ಕಾಣಿಸಿಕೊಳ್ಳುತ್ತದೆ. ಈ ಉರಿ ವಪೆಯನ್ನು ಬಾಧಿಸುವುದರಿಂದ ರೋಗಿಗೆ ಎದೆಯಲ್ಲಿಯೇ ಉರಿಯಾದಂತಹ ಭಾವನೆ ಮೂಡುತ್ತದೆ.ನರಕಯಾತನೆ ನೀಡುವ ಎದೆಯುರಿ ಸಮಸ್ಯೆಗೆ ಫಲಪ್ರದ ಮನೆಮದ್ದು

ತಕ್ಷಣವೇ ವೈದ್ಯರ ಸಲಹೆ ಪಡೆಯಿರಿ

ಕಾರಣವೇನೇ ಇರಲಿ, ನೋವು ಅಥವಾ ಉರಿ ಕಾಣಿಸಿಕೊಂಡ ತಕ್ಷಣವೇ ವೈದ್ಯರನ್ನು ಕಂಡು ಅಗತ್ಯವಿರುವ ಪರೀಕ್ಷೆಗಳನ್ನು ಮಾಡಿಸಿಕೊಂಡು ಸೂಕ್ತ ಚಿಕಿತ್ಸೆಯನ್ನು ಪಡೆದುಕೊಳ್ಳಬೇಕು. ಪರೀಕ್ಷೆಗಳ ಮೂಲಕ ಮಾತ್ರವೇ ಈ ನೋವಿಗೆ ನಿಜವಾದ ಕಾರಣವೇನು ಎಂದು ಕಂಡುಕೊಳ್ಳಬಹುದು.