ಮನೆಮದ್ದು: ಹಣ್ಣಿನ ರಸದ, ಔಷಧೀಯ ಗುಣಗಳು.....

ಸೈನಸ್ ಅಥವಾ ಕುಹರದ ಸೋಂಕು

ಮಿಕ್ಸಿಯ ಬ್ಲೆಂಡರಿನಲ್ಲಿ ಅರ್ಧ ಕಪ್ ಸೆಲೆರಿ ಎಲೆಗಳು, ತುರಿದ ಎರಡು ಕ್ಯಾರೆಟ್, ಒಂದು ಚಕ್ಕೋತ, ಒಂದು ಕಿತ್ತಳೆ ಅರ್ಧ ಭಾಗ ನೀರುಳ್ಳಿ ಮತ್ತು ಎರಡು ಚಿಕ್ಕ ಚಮಚ ಲಿಂಬೆರಸವನ್ನು ಮಿಶ್ರಣ ಮಾಡಿ ಇದಕ್ಕೆ ಎರಡು ಲೋಟ ನಿರು ಬೆರೆಸಿ ಕಡೆಯಿರಿ. ಈ ಪೇಯವನ್ನು ತಕ್ಷಣವೇ ಕುಡಿಯುವ ಮೂಲಕ ಸೈನಸ್ ಸೋಂಕಿನಿಂದ ಮುಕ್ತಿ ಪಡೆಯಬಹುದು....ಸೈನಸ್ ಸೋಂಕಿನಿಂದ ಬಳಲುತ್ತಿದ್ದೀರಾ? ಇನ್ನು ಚಿಂತೆ ಬಿಡಿ!

ತಲೆನೋವು

ಮಿಕ್ಸಿಯ ಬ್ಲೆಂಡರಿನಲ್ಲಿ ಒಂದು ಬೆಣ್ಣೆಹಣ್ಣಿನ ತಿರುಳು, ಒಂದು ತುರಿದ ಕ್ಯಾರೆಟ್ ಮತ್ತು ಕೆಲವು ಬೀಜರಹಿತ ಚೆರ್ರಿ ಹಣ್ಣುಗಳನ್ನು ಸೇರಿಸಿ ಕಡೆಯಿರಿ. ಇದಕ್ಕೆ ಕೊಂಚ ಕೊತ್ತಂಬರಿ ಎಲೆಗಳನ್ನೂ ಸೇರಿಸಬಹುದು. ಒಂದು ಲೋಟ ನೀರು ಸೇರಿಸಿ ಮಿಶ್ರಣ ಮಾಡಿ ಸೇವಿಸುವ ಮೂಲಕ ತಲೆನೋವು ಕಡಿಮೆಯಾಗುತ್ತದೆ.ಕ್ಷಣಾರ್ಧದಲ್ಲಿ ತಲೆನೋವು ನಿವಾರಿಸುವ ಮನೆಮದ್ದುಗಳು

ಮಲಬದ್ಧತೆ

ಒಂದು ಬೀಟ್ರೂಟ್, ಒಂದು ಬಾಳೆಹಣ್ಣು ಒಂದು ಸೇಬಿನ ಬೀಜ ನಿವಾರಿಸಿ ಬ್ಲೆಂಡರಿನಲ್ಲಿ ಹಾಕಿ. ಇದಕ್ಕೆ ಎರಡು ದೊಡ್ಡ ಚಮಚ ಲಿಂಬೆರಸ ಮತ್ತು ಒಂದು ಲೋಟ ನೀರು ಬೆರೆಸಿ ಬೆಳಗ್ಗೆ ಕುಡಿಯುವ ಮೂಲಕ ಮಲಬದ್ಧತೆಯ ತೊಂದರೆ ಇಲ್ಲವಾಗುತ್ತದೆ. ಮಲಬದ್ಧತೆ ನಿವಾರಣೆಗೆ ಇಲ್ಲಿದೆ ನೋಡಿ ನೈಸರ್ಗಿಕ ಜ್ಯೂಸ್

ಅಮಲಿನಿಂದ ಮುಕ್ತಿ ಪಡೆಯಲು

ಒಂದು ಚಕ್ಕೋತದ ತಿರುಳು, ಒಂದು ಚಿಕ್ಕ ತುಂಡು ಹಸಿಶುಂಠಿ, ಒಂದು ಲೋಟದಷ್ಟು ಕಲ್ಲಂಗಡಿ ಹಣ್ಣಿನ ರಸ ಇಷ್ಟನ್ನೂ ಬ್ಲೆಂಡರಿನಲ್ಲಿ ಕಡೆದು ಬೆಳಿಗ್ಗೆ ಕುಡಿಯುವ ಮೂಲಕ ರಾತ್ರಿಯ ನಶೆಯ ಅಮಲು ತಕ್ಷಣ ಇಳಿಯುತ್ತದೆ.

ಅಜೀರ್ಣತೆಯ ತೊಂದರೆಗೆ

ಅರ್ಧ ಕಪ್ ಪಾಲಕ್ ಸೊಪ್ಪು, ಒಂದು ಬಾಳೆಹಣ್ಣು, ಒಂದು ಸೇಬು ಮತ್ತು ಒಂದು ಬೆಣ್ಣೆಹಣ್ಣಿನ ತಿರುಳನ್ನು ಬ್ಲೆಂಡರಿನಲ್ಲಿ ಒಂದೊ ಲೋಟ ನೀರನ್ನು ಬೆರೆಸಿ ಕುಡಿಯುವ ಮೂಲಕ ಅಜೀರ್ಣತೆ ಇಲ್ಲವಾಗುತ್ತದೆ. ಅಜೀರ್ಣ ಸಮಸ್ಯೆಗೆ ಒಂದಿಷ್ಟು ಸರಳೋಪಾಯಗಳು

ಶೀತದಿಂದ ಮುಕ್ತಿ ಪಡೆಯಲು

ಒಂದು ಹಸಿರು ಸೇಬು, ಒಂದು ಚಿಕ್ಕ ತುಂಡು ಹಸಿಶುಂಠಿ, ಕೊಂಚ ಸೆಲೆರಿ ಎಲೆಗಳು, ಎರಡು ದೊಡ್ಡ ಚಮಚ ತೆಂಗಿನ ತುರಿ ಇಷ್ಟನ್ನೂ ಬ್ಲೆಂಡರಿನಲ್ಲಿ ಹಾಕಿ ಚಿಟಿಕೆಯಷ್ಟು ಅರಿಶಿನಪುಡಿ ಬೆರೆಸಿ ಕಡೆಯಿರಿ. ಈ ಪೇಯವನ್ನು ದಿನಕ್ಕೆ ಮೂರು ಬಾರಿ ಕುಡಿಯುವ ಮೂಲಕ ಶೀತ ಶೀಘ್ರವಾಗಿ ಗುಣವಾಗುತ್ತದೆ.

ಕಣ್ಣಿನ ತೊಂದರೆಗಳು

ಒಂದು ಲೋಟ ನೀರಿಗೆ ಕೊಂಚ ಪಾರ್ಸ್ಲೆ ಎಲೆಗಳು, ಒಂದು ಟೊಮೇಟೊ ಮತ್ತು ಒಂದು ಆಪ್ರಿಕಾಟ್ ಹಣ್ಣಿನ ತಿರುಳನ್ನು ಹಾಕಿ ಬ್ಲೆಂಡರಿನಲ್ಲಿ ಕಡೆಯಿರಿ. ಈ ಪೇಯವನ್ನು ಕುಡಿಯುವ ಮೂಲಕ ಕಣ್ಣಿನ ಉರಿ ಹಾಗೂ ಇತರ ತೊಂದರೆಗಳು ಇಲ್ಲವಾಗುತ್ತವೆ.

ವಿಷಕಾರಿ ವಸ್ತುಗಳನ್ನು ವಿಸರ್ಜಿಸಲು

ಒಂದು ಸೇಬು, ಒಂದು ಕಪ್ ಕೇಲ್ ಎಲೆಗಳು, ಒಂಚು ಚಿಟಿಕೆ ಕಾಳುಮೆಣಸಿನ ಪುಡಿ, ಮೂರು ಚಿಕ್ಕ ಚಮಚ ಲಿಂಬೆರಸ ಇಷ್ಟನ್ನೂ ಬ್ಲೆಂಡರಿನಲ್ಲಿ ಹಾಕಿ ಕಡೆದು ಬೆಳಗ್ಗಿನ ಪ್ರಥಮ ಆಹಾರವಾಗಿ ಸೇವಿಸಿ. ಒಂದು ವೇಳೆ ಇದು ಸಾಧ್ಯವಾಗದಿದ್ದರೆ ಒಂದು ಸೇಬು, ಕೆಲವು ಪುದಿನಾ ಎಲೆಗಳು ಮತ್ತು ಒಂದು ಎಳೆ ಸೌತೆಕಾಯಿಯನ್ನು ಬ್ಲೆಂಡರಿನಲ್ಲಿ ಹಾಕಿ ಕುಡಿಯುವ ಮೂಲಕ ಹೊಟ್ಟೆಯಲ್ಲಿರುವ ಕಲ್ಮಶಗಳು ಸುಲಭವಾಗಿ ವಿಸರ್ಜಿಸಲ್ಪಡುತ್ತವೆ.