ಬೆಳಿಗ್ಗೆ ಮಲಬದ್ಧತೆ ಸಮಸ್ಯೆ ಕಾಣಿಸಿಕೊಂಡರೆ-'ಆಹಾರ ಪಥ್ಯೆ' ಹೀಗಿರಲಿ

ಕೊತ್ತಂಬರಿ ಬೀಜ

*ಎರಡು ಚಮಚ ಕೊತ್ತಂಬರಿ ಬೀಜ

*ಒಂದು ಲೋಟ ನೀರು. ಇದಕ್ಕೆ ಕರಿಮೆಣಸು ಹಾಕಬಹುದು(ಆಯ್ಕೆ ನಿಮ್ಮದು)

ಹೇಳಿದ ಸಾಮಗ್ರಿಗಳನ್ನು ಒಂದು ಸಣ್ಣ ಬಾಣಲೆಗೆ ಹಾಕಿಕೊಂಡು ಅದನ್ನು ಕೆಲವು ನಿಮಿಷ ಕುದಿಯಲು ಬಿಡಿ.

*ಕುದಿದ ಬಳಿಕ ತಣ್ಣಗಾಗಲು ಬಿಡಿ ಮತ್ತು ನೀರನ್ನು ಸೋಸಿಕೊಳ್ಳಿ.

*ದಿನದಲ್ಲಿ 1-2 ಸಲ ಈ ನೀರನ್ನು ಕುಡಿಯಿರಿ.

ಫ್ಲ್ಯಾಕ್ಸ್ ಸೀಡ್ ಅಥವಾ ಅಗಸೆ ಬೀಜಗಳು

*ಎರಡು ಚಮಚ ತಾಜಾ ಫ್ಲ್ಯಾಕ್ಸ್ ಸೀಡ್ ತೆಗೆದುಕೊಂದು ಹುಡಿ ಮಾಡಿ.

ಒಂದು ಕಪ್ ಮೊಸರು ತೆಗೆದುಕೊಳ್ಳಿ.

*ಎರಡನ್ನು ಸರಿಯಾಗಿ ಮಿಶ್ರಣ ಮಾಡಿಕೊಂಡು ಬೆಳಿಗ್ಗೆ ಅಥವಾ ರಾತ್ರಿ ಮಲಗುವ ಮೊದಲು ಸೇವಿಸಿ.

*ಸಮಸ್ಯೆ ಕಡಿಮೆಯಾಗುವ ತನಕ ಸೇವಿಸಿ.

ಬಿಸಿನೀರಿನೊಂದಿಗೆ ಜೇನು

*ಒಂದು ಚಮಚ ಜೇನು ತೆಗೆದುಕೊಳ್ಳಿ.

*ಒಂದು ಲೋಟ ಬಿಸಿ ನೀರು.

*ಇದಕ್ಕೆ ಒಂದು ಚಮಚ ಲಿಂಬೆರಸ ಸೇರಿಸಿಕೊಳ್ಳಿ.

*ಎಲ್ಲಾ ಸಾಮಗ್ರಿಗಳನ್ನು ಸರಿಯಾಗಿ ಬೆರೆಸಿಕೊಂಡು ಅದನ್ನು ಬೆಳಿಗ್ಗೆ ಸೇವಿಸಿ.

ಬೀಜಗಳು

ಒಮೆಗಾ-3 ಕೊಬ್ಬಿನಾಮ್ಲಗಳಿಂದ ಸಮೃದ್ಧವಾಗಿರುವಂತಹ ಬಾದಾಮಿ, ಆಕ್ರೋಟ್ ಮತ್ತು ಪಿಸ್ತಾ ಸೇವಿಸಿದರೆ ಅದರಿಂದ ಕರುಳಿನ ಕ್ರಿಯೆಗಳು ಸರಿಯಾಗಿ ಆಗಿ ಮಲಬದ್ಧತೆ ನಿವಾರಣೆಯಾಗುವುದು. ಈ ಎಲ್ಲಾ ಬೀಜಗಳನ್ನು ಜತೆಯಾಗಿ ಸೇವಿಸುವುದರಿಂದ ಮಲಬದ್ಧತೆಯು ಬೇಗನೆ ನಿವಾರಣೆಯಾಗುವುದು.

ನೀರು

ಮಲಬದ್ಧತೆಗೆ ನಿರ್ಜಲೀಕರಣವು ಪ್ರಮುಖ ಕಾರಣವಾಗಿದೆ. ಹೆಚ್ಚೆಚ್ಚು ನೀರು ಕುಡಿದರೆ ಅದರಿಂದ ಕರುಳಿನ ಕ್ರಿಯೆಯು ಸರಾಗವಾಗಿ ಆಗುವುದು ಮತ್ತು ಮಲಬದ್ಧತೆ ಸಮಸ್ಯೆ ನಿವಾರಣೆಯಾಗುವುದು. ಪ್ರತೀದಿನ ಸುಮಾರು 8-10 ಲೋಟ ನೀರು ಕುಡಿದರೆ ಮಲಬದ್ಧತೆ ಸಮಸ್ಯೆ ಕಡಿಮೆಯಾಗುವುದು.

ದಿನನಿತ್ಯ ಗಂಜಿ ಊಟ ಮಾಡಿರಿ

ಗಂಜಿಯಲ್ಲಿರುವ ಪಿಷ್ಟದಲ್ಲಿ ನಮ್ಮ ಜೀರ್ಣಕ್ರಿಯೆಗೆ ನೆರವಾಗುವ ಬ್ಯಾಕ್ಟೀರಿಯಾಗಳು ಇರುವ ಕಾರಣ ಜೀರ್ಣಕ್ರಿಯೆ ಆರಾಮವಾಗಿ ನಡೆಯುತ್ತದೆ. ಅಲ್ಲದೇ ಉತ್ತಮ ಪ್ರಮಾಣದ ಕರಗಿದ ನಾರು ಇರುವುದರಿಂದ ಆಹಾರ ಸುಲಭವಾಗಿ ಚಲಿಸಲು ಮತ್ತು ವಿಸರ್ಜನೆ ಸುಲಭವಾಗಲು ನೆರವಾಗುತ್ತದೆ.