ಆಹಾರ+ನೀರು ಅಗತ್ಯಕ್ಕೂ ಹೆಚ್ಚಾದರೆ ಪ್ರಾಣಾಪಾಯ ಖಚಿತ!

ನೀರಿನ ಅತಿಯಾದ ಸೇವನೆ

ಆರೋಗ್ಯವಂತ ವ್ಯಕ್ತಿಗೆ ದಿನಕ್ಕೆ ಸುಮಾರು ಎರಡೂವರೆ ಲೀಟರುಗಳಷ್ಟು ನೀರಿನ ಅಗತ್ಯವಿದೆ. ಆದರೆ ಬಲವಂತವಾಗಿ ಇನ್ನೂ ಹೆಚ್ಚಿನ ನೀರು ಕುಡಿದರೆ? ಆಗಲೂ ಸುಮಾರು ಏಳು ಲೀಟರುಗಳಷ್ಟು ಪ್ರಮಾಣವನ್ನು ನಮ್ಮ ಮೂತ್ರಪಿಂಡಗಳು ಶೋಧಿಸುತ್ತವೆ. ಆದರೆ ವ್ಯಕ್ತಿಯ ದೇಹದ ಗಾತ್ರವನ್ನು ಅನುಸರಿಸಿ ಏಳರಿಂದ ಹತ್ತು ಲೀಟರ್‪ವರೆಗೂ ಈ ಮಿತಿಯಲ್ಲಿ ವ್ಯತ್ಯಾಸ ಕಂಡುಬರಬಹುದು. ಆದರೆ ಈ ಮಿತಿ ಮೀರಿದರೆ ನಮ್ಮ ಮೂತ್ರಪಿಂಡಗಳು ಈ ಆಗಾಧ ಪ್ರಮಾಣವನ್ನು ಶೋಧಿಸಲು ಸಾಧ್ಯವಾಗದೇ ಕುಸಿಯುತ್ತವೆ. ಪರಿಣಾಮವಾಗಿ ಉಸಿರಾಟವೇ ನಿಂತು ಹೋಗುವುದು ಅಥವಾ ಮೆದುಳು ಸ್ತಬ್ಧವಾಗುವುದು (brain edema) ಮೊದಲಾದವೂ ಕಾಣಬರುತ್ತವೆ. ಇದರ ಪರಿಣಾಮದಿಂದ ಸಾವೂ ಎದುರಾಗಬಹುದು.

ಅತಿ ಹೆಚ್ಚಿನ ಕೆಫೀನ್ ಸೇವನೆ

ಅತಿ ಹೆಚ್ಚು ಎಂದರೆ ಎಷ್ಟು? ತಜ್ಞರ ಪ್ರಕಾರ ದಿನಕ್ಕೆ ನೂರು ಮಿಲಿಗ್ರಾಂ (ಸಾಧಾರಣ ತೂಕದ ವ್ಯಕ್ತಿಗೆ) ಸಾಕು. ಆರೋಗ್ಯ ಉತ್ತಮವಿದ್ದರೆ ಇದನ್ನು ಗರಿಷ್ಠ ಮುನ್ನೂರು ಅಥವಾ ನಾನ್ನೂರು ಮಿ ಲಿಗ್ರಾಂ ಗೆ ಹೆಚ್ಚಿಸಬಹುದು. ಒಂದು ಎನರ್ಜಿ ಡ್ರಿಂಕ್‌ನಲ್ಲಿ ಸುಮಾರು ಮೂವತ್ತ್ಗೈದು ಮಿಲಿಗ್ರಾಂ ಇರುತ್ತದೆ. ಆ ಪ್ರಕಾರ ದಿನಕ್ಕೆ ಹತ್ತು ಎನರ್ಜಿಡ್ರಿಂಕ್ ಕುಡಿದವರು ಬದುಕುಳಿಯುವ ಸಾಧ್ಯತೆ ಕಡಿಮೆ. ಅಂತೆಯೇ ದಿನಕ್ಕೆ ನೂರುಕಪ್ ಕಾಫಿ ಕುಡಿಯುವವರೂ ಉಳಿಯುವ ಸಾಧ್ಯತೆ ಇಲ್ಲ.

ಅತಿ ಹೆಚ್ಚು ಚಾಕಲೇಟು

ಒಂದು ವೇಳೆ ಒಂದು ದಿನದ ಅವಧಿಯಲ್ಲಿ ವ್ಯಕ್ತಿಯೊಬ್ಬರು ಹತ್ತು ಕೇಜಿ ಚಾಕಲೇಟು ತಿಂದರೆ ಇವರ ದೇಹ ಎದುರಿಸಬೇಕಾದ ಕ್ಲಿಷ್ಟತೆಗಳಲ್ಲಿ ಆಂತರಿಕ ರಕ್ತಸ್ರಾವ, ಮೂರ್ಛೆರೋಗ (epileptic fits), ಅತಿಸಾರ, ವಾಕರಿಕೆ ಹಾಗೂ ಸಾವು ಸಹಾ ಸಂಭವಿಸಬಹುದು.

ಅತಿಯಾದ ಮದ್ಯಪಾನ

ಮಾದಕ ಪಾನೀಯದ ಮಾದಕತೆ ಅದರಲ್ಲಿರುವ ಶೇಖಡಾವಾರು ಆಲ್ಕೋಹಾಲ್ ಪ್ರಮಾಣವನ್ನು ಅವಲಂಬಿಸಿದೆ. ಒಂದು ವೇಳೆ ನಲವತ್ತು ಶೇಖಡಾ ಆಲ್ಕೋಹಾಲ್ ಇರುವ ಮದ್ಯವನ್ನು ವ್ಯಕ್ತಿಯೊಬ್ಬರು ಒಂದು ಘಂಟೆಯ ಅವಧಿಯಲ್ಲಿ ಸುಮಾರು ಒಂದೂವರೆ ಲೀಟರಿನಷ್ಟು ಕುಡಿದರೆ ಇವರಿಗೆ ಸಾವು ನಿಶ್ಚಿತ!.

ಅತಿಯಾದ ಸಿಗರೇಟು

ಒಂದರ ಹಿಂದೊಂದರಂತೆ ಎಪ್ಪತ್ತೈದು ಸಿಗರೇಟು ಸೇದಿದರೆ ಅದೇ ಧೂಮಪಾನಿಯ ಅಂತಿಮ ದಿನ. ಪ್ರತಿ ಸಿಗರೇಟಿನಲ್ಲಿಯೂ ಸುಮಾರು 0.8ಮಿಲಿಗ್ರಾಂ ನಷ್ಟು ಮಾರಕ ನಿಕೋಟಿನ್ ಇರುತ್ತದೆ.

ಅತಿ ಹೆಚ್ಚು ಸೇಬುಹಣ್ಣು ತಿನ್ನುವುದು

ದಿನಕ್ಕೊಂದು ಸೇಬು ವೈದ್ಯರನ್ನೇ ದೂರವಿಡುವುದೇನೋ ಸರಿ. ಆದರೆ ದಿನಕ್ಕೆ ಹದಿನೆಂಟು ದಾಟಿದರೆ ಮಾತ್ರ ಇದು ತಿಂದವನ್ನೇ ಲೋಕದಿಂದ ದೂರವಿಡುವುದು ಖಂಡಿತ. ಇದರಲ್ಲಿ ಅಲ್ಪ ಪ್ರಮಾಣದ ಸಯನೈಡ್ ಎಂಬ ವಿಷವಿದೆ. ಅಷ್ಟೂ ಸೇಬುಗಳ ಸಯನೈಡ್ ಒಟ್ಟುಗೂಡಿದರೆ ಸಾವು ಖಚಿತ.

ಬಾಳೆಹಣ್ಣಿಗೂ ಮಿತಿ ಇದೆ

ಬಾಳೆಹಣ್ಣಿನಲ್ಲಿ ಪೊಟ್ಯಾಶಿಯಂ ಇದೆ. ಇದು ಒಂದು ಪ್ರಬಲ ಉಪ್ಪು. ಬಾಳೆಹಣ್ಣನ್ನು ಹೆಚ್ಚು ತಿಂದರೆ ಹೆಚ್ಚು ಪೊಟ್ಯಾಶಿಯಂ ಸಂಗ್ರಹವಾಗುತ್ತದೆ. ಆದರೆ ಇದು ಮಾರಕವಾಗಲು ಎಷ್ಟು ತಿನ್ನಬೇಕು? ಒಂದಾದ ಮೇಲೊಂದರಂತೆ ನಾನ್ನೂರು ಹಣ್ಣುಗಳನ್ನು ತಿಂದರೆ ಮಾತ್ರ ಇದು ಮಾರಕ. ಅಷ್ಟು ತಿನ್ನಲು ಸಾಧ್ಯವೇ ಇಲ್ಲವಾದುದರಿಂದ ಬಾಳೆಹಣ್ಣಿಗೆ ಹೆದರುವ ಅಗತ್ಯವಿಲ್ಲ.

ಉಪ್ಪಿನ ಮಿತಿ

ಒಂದೇ ಹೊತ್ತಿನಲ್ಲಿ ಐವತ್ತು ಟೀಚಮಚದಷ್ಟು ಉಪ್ಪು ತಿಂದರೆ ಇದು ಪ್ರಾಣಾಪಾಯ ಒಡ್ಡಬಲ್ಲುದು. ಅಲ್ಲದೇ ಇದು ಅತಿ ಹೆಚ್ಚು ನೋವು ನೀಡುವ ವಿಷವೂ ಆಗಿದೆ.