ಲವಲವಿಕೆಯ ಜೀವನ ಶೈಲಿಗೆ, 'ಆಕ್ಯುಪ್ರೆಷರ್ ಚಿಕಿತ್ಸೆ'

ನೆತ್ತಿನ ನಡುಭಾಗ

ಆಕ್ಯುಪ್ರೆಷರ್‌ನ ಮೂಲಕ ಒತ್ತಡ ನೀಡಬೇಕಾದ ಪ್ರಥಮ ಸ್ಥಾನವೆಂದರೆ ತಲೆಯ ಮೇಲೆ, ನೆತ್ತಿನ ನಟ್ಟ ನಡುವಣ ಭಾಗಕ್ಕೆ. ಇದನ್ನು ನೀವೇ ಸ್ವತಃ ನಿಮ್ಮ ತಲೆಗೆ ಮಾಡಿಕೊಳ್ಳಬಹುದು ಅಥವಾ ಇನ್ನೊಬ್ಬರಿಂದ ಮಾಡಿಸಿಕೊಳ್ಳಬಹುದು. ಬೇರೆಯವರಿಂದ ಮಾಡಿಸಿಕೊಳ್ಳುವುದು ಉತ್ತಮ. ಇದರಿಂದ ತಕ್ಷಣವೇ ಚೈತನ್ಯ ಸಿಗುವುದು ಮಾತ್ರವಲ್ಲ, ಮಾನಸಿಕವಾಗಿ ನಿರಾಳರಾಗಲೂ ನೆರವಾಗುತ್ತದೆ.

ಪಾದಗಳ ಅಡಿಯಲ್ಲಿ

ತಕ್ಷಣದ ಚೈತನ್ಯಕ್ಕಾಗಿ ಮುಂದಿನ ಸ್ಥಾನವೆಂದರೆ ಪಾದಗಳ ಅಡಿಯ ಭಾಗ. ಪಾದವನ್ನು ಒಂದು ಅಳತೆಯನ್ನಾಗಿ ಪರಿಗಣಿಸಿದರೆ ಬೆರಳುಗಳಿಂದ ಪ್ರಾರಂಭಿಸಿದರೆ ಕಾಲು ಅಳತೆಯಷ್ಟು ದೂರದ ಸ್ಥಾನದಲ್ಲಿ ಕೊಂಚ ಒತ್ತಡ ನೀಡುವ ಮೂಲಕ ತಕ್ಷಣದ ಶಕ್ತಿ ದೊರಕುತ್ತದೆ.

ಮೊಣಕಾಲಿನಿಂದ ಪ್ರಾರಂಭಿಸಿ...

ಮುಂದಿನ ಸ್ಥಾನವೆಂದರೆ ಮೊಣಕಾಲಿನಿಂದ ಪ್ರಾರಂಭಿಸಿ ಕೆಳಗೆ ಸಾಗುತ್ತಾ ಮೂರು ಇಂಚಿನಷ್ಟು ಕೆಳಗಿನ ಭಾಗದಲ್ಲಿ ಕಾಲಿನ ಮೂಳೆಯ ಪಕ್ಕದ ಮಾಂಸಲ ಭಾಗದ ನಡುಭಾಗ. ಇಲ್ಲಿ ಒತ್ತಡ ನೀಡುವ ಮೂಲಕವೂ ತಕ್ಷಣದ ಶಕ್ತಿ ದೊರಕುತ್ತದೆ.

ತೋರು ಮತ್ತು ಹೆಬ್ಬೆರಳಿನ ನಡುವಣ ಭಾಗ

ಮುಂದಿನ ಸ್ಥಾನವೆಂದರೆ ಹೆಬ್ಬರಗಳನ್ನು ಬಿಡಿಸಿದಾಗ ಹೆಬ್ಬೆರಳು ಮತ್ತು ತೋರುಬೆರಳಿನ ನಡುವೆ ತೆರೆದುಕೊಳ್ಳುವ ರೆಕ್ಕೆಯಂತಹ ಭಾಗದ ನಡುವಣ ಭಾಗ. ಸುಸ್ತು ಆವರಿಸಿದ್ದರೆ ಟೀವಿ ಮುಂದೆ ಕುಳಿತು ಈ ಭಾಗವನ್ನು ಕೆಲವು ನಿಮಿಷಗಳ ವರೆಗೆ ಬಲ ಮತ್ತು ಎಡಗೈಗಳಿಗೆ ಒತ್ತಡ ನೀಡುವ ಮೂಲಕ ತಕ್ಷಣವೇ ಶಕ್ತಿಯನ್ನು ಪಡೆಯಬಹುದು. ಅಚ್ಚರಿಗೆ ತಳ್ಳುವ ಕೈ ಬೆರಳಿನ ಮೂಲಕ ಮಾಡುವ ಚಿಕಿತ್ಸೆ!

ಬುರುಡೆಯ ಹಿಂಬದಿಯ ತಳಭಾಗ

ತಲೆಬುರುಡೆ ಮತ್ತು ಕುತ್ತಿಗೆ ಸೇರುವಲ್ಲಿ, ಬೆನ್ನುಹುರಿ ಪ್ರಾರಂಭವಾಗುವ ಸ್ಥಳದ ಒಂದು ಇಂಚಿನ ಆಚೀಚಿನ ಸ್ಥಾನದಲ್ಲಿ ಕೊಂಚ ಒತ್ತಡ ನೀಡುವ ಮೂಲಕವೂ ತಕ್ಷಣದ ಶಕ್ತಿಯನ್ನು ಪಡೆಯಬಹುದು.