ರಾತ್ರಿ ಊಟದ ಬಳಿಕ ನೆನಪಿನಲ್ಲಿ ಒಂದೆರಡು ಬಾಳೆ ಹಣ್ಣು ತಿನ್ನಿ....

ನಿದ್ರೆ ಸುಗಮಗೊಳಿಸುವುದು

ರಾತ್ರಿ ಊಟದ ಬಳಿಕ ಬಾಳೆಹಣ್ಣನ್ನು ತಿನ್ನುವ ಅತೀ ದೊಡ್ಡ ಉಪಯೋಗವೆಂದರೆ ನಿದ್ರೆ ಸುಗಮವಾಗುವುದು. ಸುಗಮ ನಿದ್ರೆ ಬೇಕಾಗುವಂತಹ ಮೆಲಟೊನಿನ್ ಎನ್ನುವ ಹಾರ್ಮೋನು ಬಾಳೆಹಣ್ಣನ್ನು ತಿನ್ನುವುದರಿಂದ ಹೆಚ್ಚಾಗುತ್ತದೆ.

ನಿದ್ರೆ ಸುಗಮಗೊಳಿಸುವುದು

ಇದರಿಂದ ನಿದ್ರೆಯು ಸುಖಕರವಾಗಿರುತ್ತದೆ. ಬಾಳೆಹಣ್ಣಿನಲ್ಲಿರುವ ಟ್ರಿಪ್ಟೊಫಾನ್ ಎನ್ನುವಂತಹ ಅಮಿನೋ ಆಮ್ಲವು ಮೆಲಟೊನಿನ್ ಮಟ್ಟವನ್ನು ಹೆಚ್ಚಿಸಿ ನಿದ್ರಾಹೀನತೆಯನ್ನು ಕಡಿಮೆ ಮಾಡುತ್ತದೆ.

ಪೋಷಕಾಂಶ ಸಿಗುವುದು

ನಮ್ಮ ದೈನಂದಿನ ಚಟುವಟಿಕೆಗಳಿಗಾಗಿ ದೇಹಕ್ಕೆ ಪ್ರಮುಖವಾಗಿ ಬೇಕಾಗಿರುವ ಖನಿಜಾಂಶವೆಂದರೆ ಅದು ಪೊಟಾಶಿಯಂ. ಬಾಳೆಹಣ್ಣಿನಲ್ಲಿ ಪೊಟಾಶಿಯಂ ಹೇರಳವಾಗಿದೆ. ಇದು ಅತಿಯಾದ ರಕ್ತದೊತ್ತಡವನ್ನು ದೂರವಿಡುತ್ತದೆ. ವ್ಯಕ್ತಿಯೊಬ್ಬನಿಗೆ ದಿನಕ್ಕೆ 4700 ಮಿ.ಗ್ರಾಂ. ಪೊಟಾಶಿಯಂ ಬೇಕಾಗಿದೆ.

ಪೋಷಕಾಂಶ ಸಿಗುವುದು

ಆದರೆ ಇಷ್ಟು ಪ್ರಮಾಣದ ಪೊಟಾಶಿಯಂ ನಮ್ಮ ದೇಹವನ್ನು ಸೇರುವುದಿಲ್ಲ. ದಿನದ ಅಂತ್ಯದಲ್ಲಿ ಬಾಳೆಹಣ್ಣು ಸೇವನೆ ಮಾಡುವುದರಿಂದ ಪೊಟಾಶಿಯಂನ ಕೊರತೆಯನ್ನು ನೀಗಿಸಬಹುದು. ದೇಹಕ್ಕೆ ಬೇಕಾಗಿರುವ ಮತ್ತೊಂದು ಪ್ರಮುಖ ಖನಿಜಾಂಶ ಮೆಗ್ನಿಶಿಯಂ ಕೂಡ ಬಾಳೆಹಣ್ಣಿನಲ್ಲಿರುವುದರಿಂದ ರಾತ್ರಿ ಊಟದ ಬಳಿಕ ಬಾಳೆಹಣ್ಣು ತಿನ್ನುವುದು ತುಂಬಾ ಒಳ್ಳೆಯದು.

ಸಕ್ಕರೆಗೆ ಪರ್ಯಾಯ

ರಾತ್ರಿ ಊಟದ ಬಳಿಕ ಏನಾದರೂ ಸಿಹಿ ತಿನ್ನಬೇಕು ಎನ್ನುವ ಆಸೆ ಕಾಡುತ್ತಾ ಇರುತ್ತದೆ. ಆದರೆ ರಾತ್ರಿ ವೇಳೆ ಸಿಹಿ ತಿನ್ನುವುದರಿಂದ ನಮ್ಮ ದೇಹಕ್ಕೆ ತುಂಬಾ ಹಾನಿಯನ್ನು ಉಂಟು ಮಾಡಬಹುದು.

ಸಕ್ಕರೆಗೆ ಪರ್ಯಾಯ

ಇದರಿಂದ ಸಿಹಿ ತಿನ್ನುವ ಬದಲು ಬಾಳೆಹಣ್ಣು ತಿಂದರೆ ಅದು ದೇಹಕ್ಕೆ ತುಂಬಾ ಒಳ್ಳೆಯದು. ಸಿಹಿ ತಿನ್ನುವ ಬಯಕೆಯನ್ನು ಇದು ನಿಗ್ರಹಿಸುವುದು ಮಾತ್ರವಲ್ಲದೆ ದೇಹಕ್ಕೆ ಬೇಕಾಗುವ ಪ್ರಮುಖ ಪೋಷಕಾಂಶಗಳನ್ನು ಒದಗಿಸುವುದು.

ಸ್ನಾಯು ಸೆಳೆತೆ ತಡೆಯುವುದು

ರಾತ್ರಿ ವೇಳೆ ಮಲಗಿದ್ದಾಗ ಕೆಲವೊಮ್ಮೆ ಸ್ನಾಯು ಸೆಳೆತ ಉಂಟಾಗುತ್ತದೆ. ಇದಕ್ಕೆ ಅತ್ಯುತ್ತಮ ಮನೆಮದ್ದು ಎಂದರೆ ರಾತ್ರಿ ಊಟ ಬಳಿಕ ಬಾಳೆಹಣ್ಣು ತಿನ್ನುವುದು. ಬಾಳೆಹಣ್ಣಿನಲ್ಲಿ ಪೊಟಾಶಿಯಂ ಮತ್ತು ಮೆಗ್ನಿಶಿಯಂ ಎನ್ನುವ ಎಲೆಕ್ಟ್ರೋಲೈಟ್‌ಗಳಿವೆ.

ಸ್ನಾಯು ಸೆಳೆತೆ ತಡೆಯುವುದು

ಇದು ದೇಹದಲ್ಲಿ ಎಲೆಕ್ಟ್ರೋಲೈಟ್ ಅನ್ನು ಪ್ರಮಾಣವನ್ನು ಹೆಚ್ಚಿಸಿ ಸ್ನಾಯು ಸೆಳೆತವನ್ನು ಕಡಿಮೆ ಮಾಡುವಲ್ಲಿ ಪ್ರಮುಖ ಪಾತ್ರ ನಿರ್ವಹಿಸುತ್ತದೆ. ದೇಹದಲ್ಲಿ ಎಲೆಕ್ಟ್ರೋಲೈಟ್ ಕಡಿಮೆಯಾಗುವುದೇ ಸ್ನಾಯು ಸೆಳೆತಕ್ಕೆ ಕಾರಣವಾಗಿದೆ.

ನಾರಿನಾಂಶ ವೃದ್ಧಿಸುವುದು

ಒಳ್ಳೆಯ ಜೀರ್ಣಕ್ರಿಯೆಗೆ ಪ್ರಮುಖವಾಗಿ ನಾರಿನಾಂಶ ಬೇಕೇಬೇಕು. ನಾರಿನಾಂಶವು ಆರೋಗ್ಯಕರ ಹೃದಯಕ್ಕೆ ಒಳ್ಳೆಯದು ಮತ್ತು ಮಧುಮೇಹದ ಸಾಧ್ಯತೆಯನ್ನು ಕಡಿಮೆ ಮಾಡುತ್ತದೆ. ರಾತ್ರಿ ಊಟದ ಬಳಿಕ ಬಾಳೆಹಣ್ಣು ತಿನ್ನುವುದರಿಂದ ದೇಹಕ್ಕೆ ಬೇಕಾಗುವಂತಹ ಅತೀ ಅಗತ್ಯವಾದ ನಾರಿನಾಂಶವು ಸಿಗುವುದು.