ಕಹಿ ಬೇವಿನ ಜ್ಯೂಸ್‌ನಲ್ಲಿರುವ ಸಿಹಿ-ಸಿಹಿ ಗುಣಗಳು

ಚರ್ಮದ ಕಾಂತಿ ಹೆಚ್ಚಿಸಲು

ಬೇವಿನಲ್ಲಿರುವ ಉರಿಯೂತ ನಿವಾರಕ ಗುಣದ ಮೂಲಕ ಮುಖದಲ್ಲಿರುವ ಮೊಡವೆಗಳನ್ನು ಬುಡಸಹಿತ, ಕಲೆಯಿಲ್ಲದೇ ನಿವಾರಿಸಲು ನೆರವಾಗುತ್ತದೆ. ಅಷ್ಟೇ ಅಲ್ಲ, ಚರ್ಮದ ಕಾಂತಿ ಹೆಚ್ಚಿಸಲು ಮತ್ತು ವರ್ಣವನ್ನು ಸಹಜವರ್ಣದತ್ತ ತರಲೂ ನೆರವಾಗುತ್ತದೆ. ಬೇವು: ಕಹಿಯಾದರೂ ಸೌಂದರ್ಯದ ವಿಷಯದಲ್ಲಿ ಸಿಹಿ

ಬೇವಿನ ರಸ

ಬೇವಿನ ರಸವನ್ನು ಕುಡಿಯುವ ಮೂಲಕ ಹೊಟ್ಟೆಯಲ್ಲಿರುವ ವಿಷಕಾರಿ ವಸ್ತುಗಳು, ಕೀಟಗಳು ಮತ್ತು ಪರಾವಲಂಬಿ ಹುಳಗಳು ನಿವಾರಣೆಯಾಗುತ್ತದೆ. ಅಲ್ಲದೇ ಕೂದಲ ಬೆಳವಣಿಗೆ ಉತ್ತಮಗೊಳ್ಳುತ್ತದೆ, ಚರ್ಮದ ಕಾಂತಿ ಹೆಚ್ಚುತ್ತದೆ ಹಾಗೂ ಜೀರ್ಣಕ್ರಿಯೆ ಉತ್ತಮಗೊಳ್ಳುತ್ತದೆ.

ಮಧುಮೇಹಿಗಳಿಗೆ ರಾಮಬಾಣ

ಬೇವಿನ ರಸ ಮಧುಮೇಹಿಗಳಿಗೂ ಉತ್ತಮವಾಗಿದೆ. ಪ್ರತಿದಿನ ಕೊಂಚ ಬೇವಿನ ರಸವನ್ನು ಆಹಾರದ ಮೂಲಕ ಸೇವಿಸುತ್ತಾ ಬಂದರೆ ರಕ್ತದಲ್ಲಿನ ಸಕ್ಕರೆಯ ಅಂಶ ಸುಲಭವಾಗಿ ಸಮತೋಲನಕ್ಕೆ ಬರುತ್ತದೆ.

ಕಣ್ಣಿನ ಆರೋಗ್ಯಕ್ಕೆ

ಕೆಲವು ಹನಿ ಬೇವಿನ ರಸವನ್ನು ಕಣ್ಣಿಗೆ ಬಿಟ್ಟುಕೊಳ್ಳುತ್ತಾ ಬರುವ ಮೂಲಕ ಕಣ್ಣಿನ ದೃಷ್ಟಿ ಉತ್ತಮಗೊಳ್ಳುತ್ತದೆ. (ಯಾವುದಕ್ಕೂ ಮೊದಲು ವೈದ್ಯರ ಸಲಹೆ ಪಡೆಯಿರಿ) ಅಲ್ಲದೇ ಕಣ್ಣು ಕೆಂಪಗಾಗುವ ಮದ್ರಾಸ್ ಐ ಕಾಯಿಲೆಗೂ ಬೇವಿನ ರಸದ ಕೆಲವು ಹನಿಗಳನ್ನು ಬಿಟ್ಟುಕೊಂಡರೆ ಸಾಕು ಸುಲಭವಾಗಿ ಗುಣವಾಗುತ್ತದೆ.

ಚರ್ಮರೋಗದ ಸಮಸ್ಯೆಗೆ

ಬೇವಿನ ರಸದಿಂದ ಚರ್ಮವನ್ನು ನಯವಾಗಿ ಮಸಾಜ್ ಮಾಡುವ ಮೂಲಕ ಚಿಕನ್ ಪಾಕ್ಸ್ ಎಂಬ ಸಿಡುಬಿನ ಕಾಯಿಲೆಯಿಂದಾಗಿ ಮೂಡಿದ್ದ ಕಲೆಗಳು ನಿಧಾನವಾಗಿ ಮರೆಯಾಗುತ್ತವೆ. ಅಲ್ಲದೇ ಎಕ್ಸಿಮಾ ಎಂಬ ಚರ್ಮರೋಗದ ಕಲೆಗಳೂ ಮಾಯವಾಗುತ್ತವೆ. ಚಿಕನ್ ಪಾಕ್ಸ್ ಬಂದರೆ ಆರೈಕೆ ಹೀಗಿರಲಿ

ಬೇವಿನ ರಸವನ್ನು ಕುಡಿಯುವುದು ಹೇಗೆ?

ಬೇವಿನ ರಸ ಅತಿ ಕಹಿಯಾಗಿದ್ದು ಯಾರಿಗೂ ಕುಡಿಯಲು ಕಷ್ಟವೇ. ಆದರೆ ಬೇವಿನ ಸದ್ಗುಣಗಳನ್ನು ಪಡೆಯಲು ಕೆಲವು ಪರ್ಯಾಯ ವಿಧಾನಗಳಿವೆ:

ಬೇವಿನ ರಸವನ್ನು ಕುಡಿಯುವುದು ಹೇಗೆ?

1. ಬೇವಿನ ಎಲೆಗಳೊಂದಿಗೆ ನಿಮ್ಮ ಇಷ್ಟದ ಕೆಲವು ಸಾಂಬಾರವಸ್ತುಗಳನ್ನು ಸೇರಿಸಿ ಗೊಟಾಯಿಸಿ. ಉದಾಹರಣೆಗೆ ಏಲಕ್ಕಿ, ಉಪ್ಪು, ಕಲ್ಲುಪ್ಪು, ಕಾಳುಮೆಣಸು ಇತ್ಯಾದಿ. ಇದರಿಂದ ಕಹಿಯಾದ ರುಚಿ ಕೊಂಚ ಬದಲಾಗಿ ಕುಡಿಯಲು ಸಾಧ್ಯವಾಗುವಂತಿರುತ್ತದೆ. ಮಧುಮೇಹಿಗಳಲ್ಲದವರು ಬೆಲ್ಲವನ್ನೂ ಆಯ್ದುಕೊಳ್ಳಬಹುದು.

ಬೇವಿನ ರಸವನ್ನು ಕುಡಿಯುವುದು ಹೇಗೆ?

2. ಕೆಲವರಿಗೆ ಬೇವಿನ ರುಚಿಗಿಂತಲೂ ವಾಸನೆಯೇ ಇಷ್ಟವಾಗುವುದಿಲ್ಲ. ಇವರು ಬೇವಿನ ಎಲೆಗಳನ್ನು ಫ್ರಿಜ್ಜಿನಲ್ಲಿ ಸುಮಾರು ಇಪ್ಪತ್ತು ನಿಮಿಷ ಇಟ್ಟಬಳಿಕ ಅರೆದರೆ ವಾಸನೆ ಬರುವುದಿಲ್ಲ ಇಷ್ಟೂ ಸಮಯಾವಕಾಶ ಇಲ್ಲದಿದ್ದಲ್ಲಿ ಅರೆಯುವ ಸಮಯದಲ್ಲಿ ಕೆಲವು ಐಸ್ ತುಂಡುಗಳನ್ನೂ ಹಾಕಬಹುದು. ಉತ್ತಮ ಪ್ರಯೋಜನ ಪಡೆಯಲು ಗೊಟಾಯಿಸಿದ ತಕ್ಷಣವೇ ಕುಡಿಯಬೇಕು. ಅರೆದ ಮೂವತ್ತು ನಿಮಿಷಗಳ ಬಳಿಕ ಬೇವಿನ ಗುಣಗಳು ನಿಷ್ಪ್ರಯೋಜಕವಾಗುತ್ತವೆ.

ಬೇವಿನ ರಸವನ್ನು ಕುಡಿಯುವುದು ಹೇಗೆ?

3. ಬೇವು ಕಹಿಯಾದರೂ ಕುಡಿದ ಬಳಿಕ ನಾಲಿಗೆಯಲ್ಲಿ ಕಹಿ ಉಳಿಯುವುದಿಲ್ಲ. ಬದಲಿಗೆ ಕಹಿ ಕುಡಿದಾದ ಬಳಿಕ ನಾಲಿಗೆಯಲ್ಲಿ ಸಿಹಿಯಾದ ಭಾವ ಉಳಿದಿರುತ್ತದೆ.

ಬೇವಿನ ರಸವನ್ನು ಕುಡಿಯುವುದು ಹೇಗೆ?

4. ಕಹಿ ಕುಡಿಯುವಾಗ ಮೂಗಿನ ಎರಡೂ ಹೊಳ್ಳೆಗಳನ್ನು ಮುಚ್ಚಿಕೊಳ್ಳಿ. ಇದರಿಂದ ಕಹಿ ಗೊತ್ತಾಗುವುದಿಲ್ಲ. ಬೇವಿನ ಸಿಹಿ ಗುಣಗಳು ಪೂರ್ಣ ಪ್ರಮಾಣದಲ್ಲಿ ಸಿಗಬೇಕು ಎಂದಿದ್ದರೆ ಎಂದಿಗೂ ಸಕ್ಕರೆ ಬೆರೆಸಬೇಡಿ

ಬೇವಿನ ರಸವನ್ನು ಕುಡಿಯುವುದು ಹೇಗೆ?

5. ಬೇವಿನ ಕಹಿಯ ಅತ್ಯುತ್ತಮ ಪರಿಣಾಮ ಪಡೆಯಲು ಬೆಳಗ್ಗಿನ ಹೊತ್ತು ಖಾಲಿ ಹೊಟ್ಟೆಯಲ್ಲಿ ಸೇವಿಸಿ. ಕೊಂಚ ಉಪ್ಪು ಅಥವಾ ಕಾಳುಮೆಣಸಿನ ಪುಡಿಯನ್ನು ಸೇರಿಸಿದರೆ ಕಹಿ ಕೊಂಚ ಕಡಿಮೆಯೂ ಆಗುತ್ತದೆ ಮತ್ತು ಆರೋಗ್ಯವೂ ವೃದ್ದಿಸುತ್ತದೆ.