ರಣಬಿಸಿಲಿನ ದಾಹವನ್ನು ತಣಿಸುವ ಸೌತೆಕಾಯಿ ಜ್ಯೂಸ್

ದೇಹದಲ್ಲಿ ನೀರಿನ ಅಂಶದ ಕೊರತೆಯಾಗದಂತೆ ನೋಡಿಕೊಳ್ಳುತ್ತದೆ

ಸೌತೆ ನೆನೆಸಿದ ನೀರನ್ನು ದಿನವಿಡೀ ಕುಡಿಯುವ ಮೂಲಕ ದೇಹದಲ್ಲಿ ನೀರಿನ ಕೊರತೆಯಾಗದಂತೆ ನೋಡಿಕೊಳ್ಳಬಹುದು. ದೇಹದ ತಾಪಮಾನ, ಹೃದಯ ಬಡಿತ, ರಕ್ತಪರಿಲನೆ, ವಿಷಕಾರಿ ವಸ್ತುಗಳನ್ನು ಹೊರಹಾಕಲು ಮೊದಲಾದ ಹಲವು ಕಾರ್ಯಗಳಿಗೆ ನೀರು ಅಗತ್ಯ. ಬೇಸಿಗೆಯಲ್ಲಿ ಹೆಚ್ಚು ಬೆವರುವ ಮೂಲಕ ಕಳೆದುಕೊಳ್ಳುವ ನೀರಿನ ಮೂಲಕ ಎದುರಾಗಬಹುದಾಗಿದ್ದ ಈ ತೊಂದರೆಗಳನ್ನು ಸೌತೆ ಸಮರ್ಥವಾಗಿ ನಿಭಾಯಿಸುತ್ತದೆ.

ಅಗತ್ಯಕ್ಕೂ ಕೊಂಚ ಹೆಚ್ಚಿನ ವಿಟಮಿನ್ನುಗಳ ಪೂರೈಕೆ

ಬರೆಯ ನೀರು ಕುಡಿದರೆ ಬೇಸಿಗೆಯಲ್ಲಿ ನೀರಿನ ಕೊರತೆಯನ್ನು ಪೂರೈಸಿಕೊಳ್ಳಬಹುದು. ಆದರೆ ನೀರಿನಲಲ್ಲಿ ವಿಟಮಿನ್ನು ಅಥವಾ ಖನಿಜಗಳಿಲ್ಲದ ಕಾರಣ ದೇಹ ಸೊರಗುತ್ತದೆ. ನೀರಿನ ಬದಲಿಗೆ ಸೌತೆ ನೆನೆಸಿದ ನೀರನ್ನು ದಿನವಿಡೀ ಕುಡಿಯುವ ಮೂಲಕ ಉತ್ತಮ ಪ್ರಮಾಣದ ವಿಟಮಿನ್ ಎ ಮತ್ತು ಸಿ ಹಾಗೂ ಇತರ ಉಪಯುಕ್ತ ಖನಿಜಗಳು ದೇಹಕ್ಕೆ ಲಭ್ಯವಾಗುತ್ತದೆ. ಇದರ ಮೂಲಕ ಬೇಸಿಗೆಯ ಬಿರುಬಿಸಿಲಿನಲ್ಲಿಯೂ ಚಟುವಟಿಕೆಯಿಂದ ಇರಲು ಸಾಧ್ಯವಾಗುತ್ತದೆ.

ಹೃದಯದ ಒತ್ತಡವನ್ನು ಸಮರ್ಪಕವಾಗಿಸುತ್ತದೆ

ಅಧಿಕ ರಕ್ತದೊತ್ತಡ ಯಾವತ್ತಿಗೂ ಅಪಾಯಕರವೇ! ಈ ತೊಂದರೆ ಇದ್ದವರಿಗೆ ಬೇಸಿಗೆಯಲ್ಲಿ ಇತರ ತೊಂದರೆಗಳೂ ಹೆಚ್ಚು ಕಾಡಬಹುದು. ಹೃದಯಾಘಾತ ಮತ್ತು ಹೃದಯ ಸಂಬಂಧಿ ತೊಂದರೆಗಳ ಸಾಧ್ಯತೆ ಬೇಸಿಗೆಯ ಬಿಸಿಯಲ್ಲಿ ಇನ್ನಷ್ಟು ಹೆಚ್ಚುತ್ತವೆ. ಆದರೆ ಸೌತೆ ನೆನೆಸಿದ ನೀರನ್ನು ದಿನವಿಡೀ ಕುಡಿಯುವ ಮೂಲಕ ರಕ್ತದ ಒತ್ತಡವನ್ನು ಸಮರ್ಪಕವಾಗಿರಿಸಲು ಸಾಧ್ಯವಾಗುತ್ತದೆ. ಸೌತೆಯಲ್ಲಿರುವ ಪೊಟ್ಯಾಶಿಯಂ 4% DV (4% daily value) ಅಂದರೆ ಒಂದು ದಿನದ ಸಾಮಾನ್ಯ ಚಟುವಟಿಕೆಗೆ ಅಗತ್ಯವಾದ ಪ್ರಮಾಣಕ್ಕೆ ಅನುಗುಣವಾಗಿ ಸೌತೆಯಲ್ಲಿ ಪೊಟ್ಯಾಶಿಯಂ ಇದೆ. ಇದು ಹೃದಯದ ಒತ್ತಡವನ್ನು ಕಡಿಮೆಗೊಳಿಸಿ ಹೃದಯ ಸಂಬಂಧಿ ತೊಂದರೆಗಳ ಸಾಧ್ಯತೆಯನ್ನು ತಗ್ಗಿಸುತ್ತದೆ.

ಹಸಿವನ್ನು ನೀಗಿಸುತ್ತದೆ

ಸೌತೆಯಲ್ಲಿ ಕ್ಯಾಲೋರಿಗಳು ಇಲ್ಲದೇ ಇರುವ ಕಾರಣ ಹಸಿವಾದಾಗಲೆಲ್ಲಾ ತಿನ್ನಲು ಅತ್ಯಂತ ಸಮರ್ಪಕ ಆಹಾರವಾಗಿದೆ. ಇದು ತೂಕವನ್ನು ಏರಿಸಲು ನೆರವಾಗದ ಕಾರಣ ಸ್ಥೂಲದೇಹಿಗಳೂ ತಿನ್ನಬಹುದು. ಸಾಮಾನ್ಯವಾಗಿ ದಿನವಿಡೀ ಮನಸ್ಸು ತಾಳಲಾರದೇ ಅದೂ ಇದೂ ತಿನ್ನುವ ಮೂಲಕವೇ ಸ್ಥೂಲಕಾಯ ಆವರಿಸಿದೆ. ಸ್ಥೂಲದೇಹಿಗಳು ಯಾವಾಗ ತಮಗೆ ತಿನ್ನುವ ಮನಸ್ಸಾಯಿತೋ ಆಗೆಲ್ಲಾ ಸೌತೆಯ ಕೆಲವು ತುಂಡುಗಳನ್ನು ತಿನ್ನುವುದರ ಮೂಲಕ ತೂಕ ಹೆಚ್ಚದೇ ಅನಾರೋಗ್ಯಕರ ಆಹಾರ ತಿನ್ನದೇ ಇರಲು ಪ್ರೋತ್ಸಾಹಿಸುತ್ತದೆ.

ಚರ್ಮದ ಆರೈಕೆ ಮಾಡುತ್ತದೆ

ದಿನವಿಡೀ ಸೌತೆ ನೆನೆಸಿದ ನೀರನ್ನು ಕುಡಿಯುವ ಮೂಲಕ ಚರ್ಮಕ್ಕೆ ಅಗತ್ಯವಾದ ಆರ್ದ್ರತೆ ದೊರಕುತ್ತದೆ ಹಾಗೂ ಕಾಂತಿ ಹೆಚ್ಚಲು ಸಾಧ್ಯವಾಗುತ್ತದೆ. ಕೇವಲ ನೀರು ಕುಡಿಯುವುದಕ್ಕಿಂತಲೂ ಹೆಚ್ಚಿನ ಲಾಭಗಳನ್ನು ಈ ಸೌತೆ ನೀರು ನೀಡುತ್ತದೆ. ಇದರಲ್ಲಿ ಚರ್ಮದ ಕಾಂತಿ ಹೆಚ್ಚುವುದು, ಮತ್ತು ಕಲೆಯಿಲ್ಲದ ಚರ್ಮ ಬೆಳೆಯಲೂ ನೆರವಾಗುತ್ತದೆ. ಸೌತೆಯಲ್ಲಿರುವ ಸಿಲಿಕಾ ಹೆಚ್ಚಿನ ಪ್ರಯೋಜನಗಳನ್ನು ಚರ್ಮಕ್ಕೆ ನೀಡುತ್ತದೆ.

ಸ್ನಾಯುಗಳು ಸುಸ್ಥಿತಿಯಲ್ಲಿರುವಂತೆ ಮಾಡುತ್ತದೆ

ಸೌತೆಕಾಯಿಯಲ್ಲಿರುವ ಸಿಲಿಕಾ ಚರ್ಮದ ಜೊತೆಗೇ ಸ್ನಾಯುಗಳಿಗೂ ಅಗತ್ಯವಾದ ಪೋಷಕಾಂಶವಾಗಿದೆ. ಇದು ಸ್ನಾಯುಗಳ ಬೆಳವಣಿಗೆಗೆ ಮತ್ತು ಹೆಚ್ಚಿನ ದೃಢತೆಗೆ ಸಹಕರಿಸುತ್ತದೆ. ಸೌತೆ ನೆನೆಸಿದ ನೀರನ್ನು ದಿನವಿಡೀ ಕುಡಿಯುವ ಮೂಲಕ ಸ್ನಾಯುಗಳಿಗೆ ಯಾವುದೇ ಪೋಷಕಾಂಶದ ಕೊರತೆಯಾಗದೇ ಇಡಿಯ ದಿನದ ಚಟುವಟಿಕೆಗಳನ್ನು ದಣಿವಿಲ್ಲದೇ ನಿರ್ವಹಿಸಲು ಸಾಧ್ಯವಾಗುತ್ತದೆ.

ವಿಷಕಾರಿ ವಸ್ತುಗಳನ್ನು ಹೊರಹಾಕಲು ನೆರವಾಗುತ್ತದೆ

ಸೌತೆಕಾಯಿಯಲ್ಲಿರುವ ಆಂಟಿ ಆಕ್ಸಿಡೆಂಟುಗಳು ಫ್ರೀ ರ್‍ಯಾಡಿಕಲ್ ಎಂಬ ವಿಷಕಾರಿ ವಸ್ತುಗಳ ಪ್ರಭಾವವನ್ನು ತಡೆಯಲು ಸಮರ್ಥವಾಗಿವೆ. ಇವು ಕ್ಯಾನ್ಸರ್ ಬರುವುದನ್ನು ತಡೆಯುವುದರ ಜೊತೆಗೇ ದೇಹದಲ್ಲಿ ಸಂಗ್ರಹವಾಗಿದ್ದ ವಿಷಕಾರಿ ವಸ್ತುಗಳನ್ನು ನಿವಾರಿಸಲೂ ನೆರವಾಗುತ್ತವೆ.