ಪ್ಲೇಟ್ಲೆಟ್ ಸಂಖ್ಯೆ'ಯನ್ನು ಹೆಚ್ಚಿಸಲು ಬಲ ನೀಡುವ ಆಹಾರಗಳಿವು...

ಕಿವಿ ಹಣ್ಣು

ಮೂಲತಃ ಆಸ್ಟ್ರೇಲಿಯಾದ ಈ ಹುಳಿಮಿಶ್ರಿತ ಹುಳಿ ಹಣ್ಣು ಈಗ ಭಾರತದಲ್ಲಿಯೂ ಸುಲಭವಾಗಿ ಲಭ್ಯವಾಗುತ್ತಿದ್ದು ಕಿರುಬಿಲ್ಲೆಗಳ ಸಂಖ್ಯೆ ಹೆಚ್ಚಿಸಲು ಅತ್ಯಂತ ಸಮರ್ಥವಾದ ಆಹಾರವಾಗಿದೆ. ಕಿರುಬಿಲ್ಲೆ ಸಂಖ್ಯೆ ಕಡಿಮೆ ಇದ್ದವರು ದಿನಕ್ಕೆ ಕನಿಷ್ಟ ಎರಡು ಹಣ್ಣುಗಳನ್ನಾದರೂ ತಿನ್ನಬೇಕು. ಇದರೊಂದಿಗೆ ವೈದ್ಯರು ತಿಳಿಸಿರುವ ಇತರ ಔಷಧಿಗಳನ್ನೂ ಸೇವಿಸುತ್ತಾ ಇರಬೇಕು. ರಕ್ತಹೀನತೆ, ವಿಟಮಿನ್ ಬಿ ಕೊರತೆ ಇರುವ ರೋಗಿಗಳೂ ಈ ಹಣ್ಣನ್ನು ಸೇವಿಸಬಹುದು. ಅಲ್ಲದೆ ಇದರಲ್ಲಿರುವ ಆಂಟಿ ಆಕ್ಸಿಡೆಂಟುಗಳು ವೈರಸ್ ಸೋಂಕುಗಳಿಂದಲೂ ರಕ್ಷಿಸುತ್ತದೆ.

ಡ್ರ್ಯಾಗನ್ ಫ್ರೂಟ್

ಭಾರತದ ಮಾರುಕಟ್ಟೆಗೆ ಬರಲು ಇನ್ನೂ ಪ್ರಾರಂಭದ ಹಂತದಲ್ಲಿರುವ ಈ ಹಣ್ಣು ಕಿರುಬಿಲ್ಲೆ ಸಂಖ್ಯೆ ಹೆಚ್ಚಿಸಲು ಉತ್ತಮವಾಗಿದೆ. ಕಿರುಬಿಲ್ಲೆಯ ಕೊರತೆ ಇರುವ ರೋಗಿಯಲ್ಲೊಬ್ಬರಾದ ಶ್ರೀಮತಿ ಅಸುರ್ಲೇಕರ್ ರವರು ತಮಗೆ ಡೆಂಗಿ ಕಾಯಿಲೆ ಬಂದು ಕಿರುಬಿಲ್ಲೆಯ ಪ್ರಮಾಣ ಅತಿ ಕಡಿಮೆಯಾಗಿತ್ತು. ಆದರೆ ಈ ಹಣ್ಣಿನ ಸೇವನೆಯಿಂದ ಅದ್ಭುತವಾದ ಚೇತರಿಕೆ ಕಂಡುಬಂದಿದೆ ಎಂದು ತಿಳಿಸುತ್ತಾರೆ. ಡ್ರ್ಯಾಗನ್ ಹಣ್ಣಿನ ಹತ್ತು ಹಲವು ಲಾಭಗಳು

ಮೊಟ್ಟೆಯ ಬಿಳಿಭಾಗ

ಮೊಟ್ಟೆಯ ಬಿಳಿಭಾಗದಲ್ಲಿ ಆಲ್ಬುಮಿನ್ ಎಂಬ ಕಣವಿದ್ದು ಇದು ಕಿರುಬಿಲ್ಲೆಗಳ ಸಂಖ್ಯೆ ಹೆಚ್ಚಿಸಲು ನೆರವಾಗುತ್ತದೆ. ಅಲ್ಲದೇ ರಕ್ತದ ಪ್ರಮುಖ ದ್ರವವಾದ ಪ್ಲಾಸ್ಮಾ ಪ್ರಮಾಣ ಹೆಚ್ಚಿಸಲೂ ನೆರವಾಗುತ್ತದೆ.

ಹಾಲು ಮತ್ತು ಹಾಲಿನ ಉತ್ಪನ್ನಗಳು

ಹಾಲಿನಲ್ಲಿರುವ ಕ್ಯಾಲ್ಸಿಯಂ ಕಿರುಬಿಲ್ಲೆಗಳ ಸಂಖ್ಯೆಯನ್ನು ಹೆಚ್ಚಿಸಲೂ ನೆರವಾಗುತ್ತವೆ. ರೋಗಿಯ ದೇಹದಲ್ಲಿ ಕ್ಯಾಲ್ಸಿಯಂ ಕೊರತೆ ಇದ್ದರೆ ಕಿರುಬಿಲ್ಲೆಗಳು ಸಾಮಾನ್ಯ ಮಟ್ಟ ತಲುಪಲು ಹೆಚ್ಚಿನ ಸಮಯ ತೆಗೆದುಕೊಳ್ಳುತ್ತದೆ. ಆದರೆ ಹಾಲಿನ ಮತ್ತು ಇತರ ಉತ್ಪನ್ನಗಳನ್ನು ಸೇವಿಸುವ ಮೂಲಕ ಶೀಘ್ರವಾಗಿ ಚೇತರಿಸಿಕೊಳ್ಳಬಹುದು.

ಪಪ್ಪಾಯಿ ಎಲೆಗಳು

ಈ ಎಲೆಗಳಲ್ಲಿ ಖೈಮೋಪಾಪಿನ್ ಮತ್ತು ಪಪಾಯಿನ್ (chymopapin, papain) ಎಂಬ ಪೋಷಕಾಂಶಗಳಿದ್ದು ಕಿರುಬಿಲ್ಲೆಯ ಸಂಖ್ಯೆ ವೃದ್ಧಿಸಲು ನೆರವಾಗುತ್ತವೆ. ಶ್ರೀಮತಿ ಅಸುರ್ಲೇಕರ್ ರವರು ಬಳಸಿ ಪ್ರಮಾಣಿಸಿರುವ ವಿಧಾನದಲ್ಲಿ ಕೊಂಚ ಪೊಪ್ಪಾಯಿ ಎಲೆಗಳನ್ನು ಚಿಕ್ಕದಾಗಿ ಕೊಚ್ಚಿ ಸುಮಾರು ಹದಿನೈದು ನಿಮಿಷ ನೀರಿನಲ್ಲಿ ಕುದಿಸಿ ಬಳಿಕ ತಣಿಸಿ ದಿನಕ್ಕೆ ಎರಡು ಲೋಟ ಕುಡಿಯುವ ಮೂಲಕವೂ ಕಿರುಬಿಲ್ಲೆಗಳ ಸಂಖ್ಯೆ ಶೀಘ್ರವಾಗಿ ಏರಿದೆ. ಡೆಂಗ್ಯೂ ಜ್ವರದ ಹತೋಟಿಗೆ ಪಪ್ಪಾಯಿ ಗಿಡದ ಎಲೆಗಳೇ ಸಾಕು