ಸುಡು ಬಿಸಿಲಿಗೆ ಕಾಡುವ ಒಣ ಕೆಮ್ಮಿಗೆ ಕಾರಣ ತಿಳಿದುಕೊಳ್ಳಿ

ಅಲರ್ಜಿ

ಅಲರ್ಜಿಯು ಕೆಮ್ಮು, ಸೀನು ಮತ್ತು ಮೂಗು ಕಟ್ಟುವಿಕೆಯನ್ನು ಉಂಟು ಮಾಡುತ್ತದೆ. ಬೇಸಿಗೆಯಲ್ಲಿ ಒಣ ಹವೆಯಿಂದಾಗಿ ಕೆಮ್ಮು ಕಾಣಿಸಿಕೊಳ್ಳುತ್ತದೆ. ವಿಶೇಷವಾಗಿ ಪರಾಗ ರೇಣುಗಳ ಅಲರ್ಜಿ ಇರುವವರಲ್ಲಿ ಈ ಸಮಸ್ಯೆ ಮತ್ತಷ್ಟು ಹೆಚ್ಚಿರುತ್ತದೆ.

ಆಸಿಡ್ ರಿಫ್ಲಕ್ಸ್

ಬೇಸಿಗೆ ಕಾಲದಲ್ಲಿ ಆಲ್ಕೋಹಾಲ್‍ನಿಂದ ದೂರವಿರುವುದು ಒಳ್ಳೆಯದು. ಇದು ಈ ಅವಧಿಯಲ್ಲಿ ನಮ್ಮ ದೇಹದಲ್ಲಿ ಆಸಿಡ್ ರಿಫ್ಲಕ್ಸ್ ಉಂಟು ಮಾಡುತ್ತದೆ. ನಿಮ್ಮ ಬಾಯಾರಿಕೆಯನ್ನು ತಣಿಸಿಕೊಳ್ಳಲು ನೀರನ್ನು ಕುಡಿಯಿರಿ.

ಮಾಲಿನ್ಯ

ಮಾಲಿನ್ಯದಿಂದ ನಮಗೆ ಒಣ ಕೆಮ್ಮು ಬರುತ್ತದೆ ಎಂದು ಬಹುತೇಕರು ಅರ್ಥ ಮಾಡಿಕೊಳ್ಳುವುದಿಲ್ಲ. ನೀವು ದ್ವಿಚಕ್ರ ವಾಹನದಲ್ಲಿ ಸಾಗುವಾಗ, ಮಾಲಿನ್ಯಕ್ಕೆ ಸಿಕ್ಕಿ ಹಾಕಿಕೊಳ್ಳುತ್ತೀರಿ. ಟ್ರಾಫಿಕ್‌ನಲ್ಲಿ ನಿಂತಾಗ, ಬಸ್ಸಿನಲ್ಲಿ ಬರುವಾಗ ಹೀಗೆ ಮಾಲಿನ್ಯವು ಸರ್ವಂತರ್ಯಾಮಿಯಾಗಿ ನಿಮ್ಮನ್ನು ಕಾಡುತ್ತದೆ. ಇಂತಹ ಮಾಲಿನ್ಯಯುತವಾದ ಗಾಳಿಯನ್ನು ಸೇವಿಸದೆ ಇರಲು ಮಾಸ್ಕ್ ಧರಿಸಲು ಮರೆಯಬೇಡಿ.

ಶೀತ

ನಿಮ್ಮ ಕೈಗಳನ್ನು ಹೊರಗಿನಿಂದ ಮನೆಗೆ ಬಂದ ಕೂಡಲೆ ತೊಳೆಯಿರಿ. ಶೀತಕ್ಕೆ ಬೇಸಿಗೆಯಲ್ಲಿ ಸಿಕ್ಕಿಹಾಕಿಕೊಳ್ಳಬೇಡಿ. ಈ ಅವಧಿಯಲ್ಲಿ ನೆಗಡಿ ಬಂದರೆ, ಅದರ ಹಿಂದೆ ಒಣ ಕೆಮ್ಮು ಬರುತ್ತದೆ. ಇದಕ್ಕಾಗಿ ನೀವು ಇನ್‍ಫೆಕ್ಷನ್‍ನಿಂದ ದೂರ ಇರುವ ಪ್ರಯತ್ನ ಮಾಡಿ.

ಸೈನಸೈಟಿಸ್

ಒಂದು ವೇಳೆ ನೀವು ಸೈನಸೈಟಿಸ್‌ನಿಂದ ಬಳಲುತ್ತಿದ್ದಲ್ಲಿ, ಬೇಸಿಗೆಯಲ್ಲಿ ನಿಮಗೆ ತಲೆನೋವು ಕಾಡಬಹುದು. ಅದಕ್ಕಾಗಿ ಅಗತ್ಯ ಕ್ರಮಗಳನ್ನು ತೆಗೆದುಕೊಳ್ಳಿ. ಅಗತ್ಯಬಿದ್ದಲ್ಲಿ ವೈದ್ಯರನ್ನು ಸಂಪರ್ಕಿಸಿ.