ಯಮಯಾತನೆ ನೀಡುವ ಮೈ, ಕೈ ನೋವನ್ನು ಮಟ್ಟಹಾಕುವುದು ಹೇಗೆ?

ಪುದಿನಾ

ಪುದಿನಾವನ್ನು ಅಗಿಯುವುದರಿಂದ ಉಸಿರಿನ ದುರ್ವಾಸನೆಯನ್ನು ತಡೆಯಬಹುದು. ಇದರ ಜೊತೆಗೆ ಸ್ನಾಯುಗಳಲ್ಲಿನ ಸಮಸ್ಯೆಗಳಿಗೆ ಮತ್ತು ರೋಗಗಳಿಗು ಸಹ ಇದು ರಾಮಬಾಣ. ಪುದಿನಾ ಎಣ್ಣೆಯು ತಲೆನೋವಿಗೆ ಅತ್ಯುತ್ತಮ ಔಷಧಿ, ಹಾಗಾಗಿ ಇದನ್ನು ಗಿಡಮೂಲಿಕೆಯ ಅಸ್ಪಿರಿನ್ ಎಂದು ಕರೆಯುತ್ತಾರೆ. ಪುದೀನಾ ಎಲೆಗಳ ಸೇವನೆ ಆರೋಗ್ಯಕ್ಕೆ ಅತ್ಯುತ್ತಮ ಹೇಗೆ?

ಮೊಸರು

ಹೊಟ್ಟೆಗೆ ಸಂಬಂಧಿಸಿದ ನೋವಿರಲಿ ಅಥವಾ ಅಸಿಡಿಟಿಯಿರಲಿ ಮೊಸರು ಮೊಸರು ಅತ್ಯುತ್ತಮ ಪರಿಹಾರ. ಇದನ್ನು ನಿಮ್ಮ ಆಹಾರದ ಜೊತೆಗೆ ಸೇವಿಸಬಹುದು ಅಥವಾ ಪ್ರತ್ಯೇಕವಾಗಿ ಸೇವಿಸಬಹುದು. ಈ ವಿಚಾರ ನಿಮ್ಮ ವಿವೇಚನೆಗೆ ಬಿಟ್ಟಿದ್ದು. ಮೊಸರೆಂಬ ಅಮೃತದಲ್ಲಿದೆ ಆರೋಗ್ಯಕಾರಿ 11 ಅಂಶಗಳು

ಕಾಫಿ

ಕಾಫಿಯಲ್ಲಿ ಯಥೇಚ್ಛವಾಗಿ ಅಂಟಿ ಆಕ್ಸಿಡೆಂಟ್‍ಗಳು ಇವೆ. ಇದರ ಪ್ರಮಾಣವು ಒಂದು ಕಪ್ ಚೆರ್ರಿಗಳಿಗಿಂತ ಹೆಚ್ಚು. ಹಾಗಾಗಿ ಕಾಫಿಯು ಒಂದು ಅತ್ಯುತ್ತಮವಾದ ನೋವು ನಿವಾರಕವೆನ್ನಬಹುದು. ಕಾಫಿಯನ್ನು ತೀವ್ರತರವಾದ ತಲೆನೋವು ಅಥವಾ ಮೈಗ್ರೇನ್ ಸಮಸ್ಯೆಗಳಲ್ಲಿ ನೋವು ನಿವಾರಕವನ್ನಾಗಿ ಬಳಸುತ್ತಾರೆ. ತಲೆ ನೋವಿನಿಂದ ಪಾರಾಗಲು ಕಾಫಿ ಏಕೆ ಬೇಕಾಗುತ್ತದೆ ಎಂದು ತಿಳಿಯಿತಲ್ಲವೇ. ಒಂದು ಕಪ್ ಕಾಫಿಗೆ ಆರ್ಡರ್ ಮಾಡಿ ತಲೆನೋವೇಕೆ?

ಆಲೀವ್ ಎಣ್ಣೆ

ಆಲೀವ್ ಎಣ್ಣೆ ಅಡುಗೆ ಮಾಡಲು ಬಳಸಿದರೆ ಇದರಿಂದ ದೇಹ ಕೊಲೆಸ್ಟ್ರಾಲ್ ಕಡಿಮೆಯಾಗುವುದು, ಬೊಜ್ಜು ಕರಗುವುದು ಹಾಗೂ ಮೈಕೈ ನೋವನ್ನು ನಿವಾರಿಸುತ್ತದೆ. ದೇಹದ ತೂಕ ಹೆಚ್ಚಾದರೆ ಕಾಲು ನೋವು ಕಂಡು ಬರುತ್ತದೆ. ಆದ್ದರಿಂದ ಸಮತೂಕವಿರುವಂತೆ ನೋಡಿಕೊಳ್ಳುವುದು ಒಳ್ಳೆಯದು. ದೇಹಕ್ಕೆ ವರದಾನವಾಗಿರುವ ಆಲೀವ್ ಎಣ್ಣೆಯ ವಿಶೇಷತೆ ಏನು?

ಅರಿಶಿಣ

ಅರಿಶಿಣವು ದೇಹದಲ್ಲಿ ಉಂಟಾಗುವ ಟಿಶ್ಯೂ ಏರು ಪೇರು, ಕೀಲು ಬಾವುಗಳನ್ನು ತಡೆಯುತ್ತದೆ ಮತ್ತು ನರ ಕೋಶಗಳ ಕಾರ್ಯ ವೈಖರಿಯನ್ನು ಸುಧಾರಿಸುತ್ತದೆ. ಸ್ನಾಯುಗಳಲ್ಲಿ ಉಳುಕು ಅಥವಾ ಗಾಯವಾದಾಗ ಅರಿಶಿಣವನ್ನು ಹೊರಭಾಗದಲ್ಲಿ ಹಚ್ಚಿದಾಗ ನೋವು ಮತ್ತು ಬಾವು ಉಂಟಾಗುವುದು ತಪ್ಪುತ್ತದೆ. ಮಧುಮೇಹಿಗಳಿಗೆ ಬೆಸ್ಟ್ ಮನೆಮದ್ದು ಅರಿಶಿಣ

ಸಮುದ್ರ ಜನ್ಯ ಆಹಾರಗಳು

ಮೀನುಗಳಲ್ಲಿ ಒಮೆಗಾ-3 ಯಥೇಚ್ಛವಾಗಿರುತ್ತದೆ. ಇವುಗಳು ಅತ್ಯುತ್ತಮವಾದ ನೋವು ನಿವಾರಕಗಳು ಮತ್ತು ಬಾವು ನಿವಾರಕಗಳು. ಒಮೆಗಾ 3 ನಮ್ಮ ದೇಹದಲ್ಲಿ ರಕ್ತ ಪರಿಚಲನೆಯನ್ನು ಹೆಚ್ಚಿಸಿ ನೋವನ್ನು ಕಡಿಮೆ ಮಾಡುತ್ತವೆ. ಮೀನಿನ ಎಣ್ಣೆಯು ಹೃದಯ ಸಂಬಂಧಿ ಕಾಯಿಲೆಗಳಿಗೆ ಅತ್ಯುತ್ತಮವಾದ ನಿವಾರಕ ಗುಣಗಳನ್ನು ತನ್ನಲ್ಲಿ ಅಡಗಿಸಿಕೊಂಡಿದೆ. ಹಾಗಾಗಿ ಮುಂದೆ ಬರುವ ಯಾವುದೇ ತೀವ್ರತರವಾದ ನೋವುಗಳನ್ನು ನಿವಾರಿಸಿಕೊಳ್ಳಲು ಮೀನನ್ನು ನಿಮ್ಮ ಆಹಾರದಲ್ಲಿ ಸೇರಿಸಿಕೊಳ್ಳುವುದು ಉತ್ತಮ.

ಶುಂಠಿ

ಶುಂಠಿಯು ಅಸ್ಪಿರಿನ್ ಮಾತ್ರೆಗೆ ಉತ್ತಮ ಬದಲಿಯಾಗಿದೆ. ಇದು ಅಸ್ಪಿರಿನ್ ಮಾಡುವ ಕೆಲಸವನ್ನು ಸ್ವಾಭಾವಿಕವಾಗಿ ಮಾಡಿ ತೋರಿಸುತ್ತದೆ. ತಲೆ ನೋವು ಮತ್ತು ಮೈಗ್ರೇನ್ ನೋವುಗಳಿಗೆ ಇದು ಅಸ್ಪಿರಿನ್‍ಗಿಂತ ಒಳ್ಳೆಯ ಮುಲಾಮಾಗಿದೆ. ಇದನ್ನು ಸುಲಭವಾಗಿ ನಿಮ್ಮ ಆಹಾರದ ಜೊತೆಗೆ ಸೇವಿಸಬಹುದು. ಹಾಗಾಗಿ ನಿಮ್ಮ ದೈನಂದಿನ ಆಹಾರದಲ್ಲಿ ಶುಂಠಿಯನ್ನು ಮಿತವಾಗಿ ಬಳಸಿ ಸಾಕು. ಶುಂಠಿ ಚಹಾದ 8 ಆರೋಗ್ಯ ಪ್ರಯೋಜನಗಳು

ಚೆರ್ರಿಗಳು

ಕೆಂಪು ಬಣ್ಣದ ಈ ಸಣ್ಣ ಹಣ್ಣುಗಳು ಸಮೃದ್ಧವಾದ ಅಂಟಿ ಆಕ್ಸಿಡೆಂಟ್‍ಗಳನ್ನು ಮತ್ತು ಅಂಟಿ ಇನ್‍ಫ್ಲೆಮ್ಮಟೊರಿ ಎನ್‍ಜೈಮ್‍ಗಳನ್ನು ತನ್ನಲ್ಲಿ ಒಳಗೊಂಡಿದೆ. ಇವುಗಳು ಕೀಲು ನೋವು ಮತ್ತು ಅರ್ತಿರಿಟಿಸ್‍ನಿಂದ ಉಂಟಾಗುವ ನೋವುಗಳನ್ನು ಕಡಿಮೆ ಮಾಡುತ್ತದೆ. ಇದಕ್ಕಾಗಿ ನೀವು ಪ್ರತಿದಿನ 45 ಚೆರ್ರಿಗಳನ್ನು ಸೇವಿಸಬೇಕಾಗುತ್ತದೆ.