ಇವು ಅಂತಿಂಥ ಮನೆಮದ್ದುಗಳಲ್ಲ, ಆರೋಗ್ಯದ ಕೀಲಿ ಕೈ

ಬಾಯಿಯೊಳಗಣ ಹುಣ್ಣುಗಳಿಗೆ

ಬಾಯಿಯೊಳಗೆ, ಅದರಲ್ಲೂ ವಿಶೇಷವಾಗಿ ಕೆನ್ನೆ, ತುಟಿಗಳ ಒಳಭಾಗದಲ್ಲಿ ವೃತ್ತಾಕಾರದ ಹುಣ್ಣು ಆಗಿದ್ದರೆ ಚೆನ್ನಾಗಿ ಕಳಿತ ಬಾಳೆಹಣ್ಣನ್ನು ತಿನ್ನುವುದರಿಂದ ಕೂಡಲೇ ಗುಣವಾಗುತ್ತದೆ. ಉತ್ತಮ ಪರಿಣಾಮಕ್ಕಾಗಿ ಬಾಳೆಹಣ್ಣನ್ನು ಕಿವುಚಿ ಇದರ ಲೇಪನವನ್ನು ಹುಣ್ಣು ಇರುವ ಭಾಗಕ್ಕೆ ಹಚ್ಚುವುದು ಉತ್ತಮ. ರಾತ್ರಿ ಮಲಗುವ ಕೊಂಚ ಮೊದಲು ತೆಳುವಾಗಿ ಹಚ್ಚಿ ಮಲಗುವುದರಿಂದ ಉರಿ ಶೀಘ್ರವೇ ಕಡಿಮೆಯಾಗುತ್ತದೆ.

ಕೂದಲು ಬೇಗನೇ ನೆರೆಯತೊಡಗಿದಾಗ

ಮೂವತ್ತು ದಾಟುತ್ತಿದ್ದಂತೆಯೇ ಕೂದಲುಗಳು ಅಲ್ಲಲ್ಲಿ ನೆರೆಯಲು ತೊಡಗಿದ್ದರೆ ಆತಂಕ ಎದುರಾಗುತ್ತದೆ. ಇದನ್ನು ನಿವಾರಿಸಲು ಕೆಲವು ಒಣ ನೆಲ್ಲಿಕಾಯಿಗಳನ್ನು ಕೊಬ್ಬರಿ ಎಣ್ಣೆಯಲ್ಲಿ ಹಾಕಿ ಕುದಿಸಿ. ಚೆನ್ನಾಗಿ ಕುದಿದ ಬಳಿಕ ತಣಿಸಿ ಈ ಎಣ್ಣೆಯನ್ನು ತಲೆಗೆ ಹಚ್ಚಿಕೊಳ್ಳಿ.

ಅಧಿಕ ರಕ್ತದೊತ್ತಡಕ್ಕೆ

ಅಧಿಕ ರಕ್ತದೊತ್ತಡದಿಂದ ಬಳಲುತ್ತಿದ್ದರೆ ಹಾಲಿನೊಂದಿಗೆ ಒಂದು ನೆಲ್ಲಿಕಾಯಿಯನ್ನು ನಿತ್ಯವೂ ಸೇವಿಸಿ. ಇದರಿಂದ ರಕ್ತದೊತ್ತಡ ಶೀಘ್ರವೇ ಸಾಮಾನ್ಯಗತಿಗೆ ಬರುತ್ತದೆ. ಉತ್ತಮ ಪರಿಣಾಮಕ್ಕಾಗಿ ಬೆಳಗ್ಗಿನ ಹೊತ್ತಿನಲ್ಲಿ ಸೇವಿಸಿ.

ಗಂಟಲ ಬೇನೆಗಾಗಿ

ಗಂಟಲ ಒಳಗೆ ಕೆರೆತ, ಕೆಮ್ಮು, ಕಫ ಬಾಧಿಸುತ್ತಿದ್ದರೆ ಕೆಲವು ಪುದಿನಾ ಎಲೆಗಳನ್ನು ಹಸಿಯಾಗಿ ಅಗಿದು ನುಂಗುವುದು ಉತ್ತಮ ಪರಿಹಾರವಾಗಿದೆ. ಬದಲಿಗೆ ತುಳಸಿ ಎಲೆಗಳನ್ನು ನೀರಿನಲ್ಲಿ ಹಾಕಿ ಕೊಂಚಕಾಲ ಕುದಿಸಿ. ಬಳಿಕ ಸೋಸಿದ ಈ ನೀರು ಉಗುರುಬೆಚ್ಚಗಾಗಿರುವಾಲೇ ಮುಖ ಮೇಲೆತ್ತಿ ಗಂಟಲಿನೊಳಗೆ ಗಲಬರಿಸಿ. (ಗಳಗಳ ಮಾಡಿ)

ಮಹಿಳೆಯರ ಮಾಸಿಕ ದಿನಗಳ ನೋವಿಗಾಗಿ

ಮಹಿಳೆಯರು ಅನುಭವಿಸುವ ಕೆಳಹೊಟ್ಟೆ ನೋವು ಮತ್ತು ಸೆಡೆತವನ್ನು ಕಡಿಮೆಗೊಳಿಸಲು ಒಂದು ಲೋಟ ತಣ್ಣೀರಿನಲ್ಲಿ ಸುಮಾರು ಮೂರು ಲಿಂಬೆಹಣ್ಣುಗಳ ರಸವನ್ನು ಹಿಂಡಿ ಗಟಗಟನೇ ಕುಡಿಯಿರಿ.

ಕಣ್ಣುಗಳ ಕೆಳಭಾಗದ ಕಪ್ಪು ಕಲೆಗಳಿಗಾಗಿ

ಕಣ್ಣುಗಳ ಕೆಳಗಿನ ಚರ್ಮ ತೀರಾ ತೆಳುವಾಗಿದ್ದು ಹೊರಚರ್ಮ ಮತ್ತು ಒಳಚರ್ಮದ ಪದರಗಳು ತೀರಾ ಹತ್ತಿರವಿರುವುದರಿಂದ ಈ ಭಾಗ ಸುಲಭವಾಗಿ ಕಪ್ಪಗಾಗುತ್ತದೆ. ಇದಕ್ಕಾಗಿ ಒಂದು ಚಮಚ ಕಿತ್ತಳೆ ಹಣ್ಣಿನ ರಸದಲ್ಲಿ ಕೆಲವು ಹನಿ ಗ್ಲಿಸರಿನ್ ಹಾಕಿ ಮಿಶ್ರಣಮಾಡಿ ಕಣ್ಣುಗಳ ಕೆಳಭಾಗಕ್ಕೆ ಹಚ್ಚಿ. ಸುಮಾರು ಇಪ್ಪತ್ತು ನಿಮಿಷ ಅಥವಾ ಅರ್ಧಘಂಟೆಯ ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ. ಇಂತಹ ಉಪಯುಕ್ತ ಮಾಹಿತಿಗಳು ನಿಮ್ಮಲ್ಲಿದ್ದರೆ ದಯವಿಟ್ಟು ಕೆಳಗಿನ ಕಮೆಂಟ್ (ಅಭಿಪ್ರಾಯ) ಸೂಚಿಸುವ ಸ್ಥಳದಲ್ಲಿ ಬರೆದು ಕಳುಹಿಸಿ.