ಸ್ನಾಯು ನೋವಿಗೆ ಪರಿಹಾರಗಳು

ಕಾರಣ ಗುರುತಿಸಿ:

ಸ್ನಾಯು ನೋವಿಗೆ ಯಾವುದೇ ಮದ್ದು ಪ್ರಯತ್ನಿಸುವ ಮೊದಲು ಈ ನೋವಿಗೆ ಸರಿಯಾದ ಕಾರಣವೇನೆಂದು ತಿಳಿದುಕೊಳ್ಳಬೇಕು. ವೇಗವಾಗಿ ಚೇತರಿಸಿಕೊಳ್ಳಲು ಸ್ನಾಯು ನೋವಿನ ಮೂಲ ಕಾರಣದಿಂದ ದೂರ ಉಳಿಯವುದು ತುಂಬಾ ಮುಖ್ಯ.

ಸಾಕಷ್ಟು ವಿಶ್ರಾಂತಿ ಪಡೆಯಿರಿ:

ಸ್ನಾಯು ನೋವಿಗೆ ಮುಖ್ಯ ಮದ್ದು ಸಾಕಷ್ಟು ವಿಶ್ರಾಂತಿ ಪಡೆಯುವುದು. ಇದರಿಂದ ಸ್ನಾಯುಗಳಿಗೆ ವಿಶ್ರಾಂತಿ ಸಿಗುತ್ತದೆ ಮತ್ತು ಸ್ವಲ್ಪ ನೋವಿದ್ದರೆ ರಾತ್ರಿ ಮಲಗುವಾಗ ತೆಗೆದುಕೊಳ್ಳುವ ವಿಶ್ರಾಂತಿ ಸಾಕಾಗುತ್ತದೆ. ಸ್ನಾಯು ನೋವು ಉಂಟುಮಾಡುವಂತಹ ಯಾವುದೇ ಚಟುವಟಿಕೆಯಿಂದ ದೂರ ಉಳಿಯಿರಿ.

ಮಸಾಜ್:

ಸ್ನಾಯು ನೋವಿಗೆ ಮಸಾಜ್ ಅತ್ಯಂತ ಪರಿಣಾಮಕಾರಿ ಮದ್ದು. ಇದು ರಕ್ತಸಂಚಲನಕ್ಕೆ ನೆರವಾಗುತ್ತದೆ ಮತ್ತು ವೇಗವಾಗಿ ಉಪಶಮನ ನೀಡುತ್ತದೆ. ಹಿತವಾದ ಒತ್ತಡದೊಂದಿಗೆ ಒಂದೇ ನಿರ್ದೇಶನದಲ್ಲಿ ನೋವಿರುವ ಜಾಗಕ್ಕೆ ಮಸಾಜ್ ಮಾಡಿ.

ಐಸ್ ಪ್ಯಾಕ್:

ಸ್ನಾಯು ಬಿಗಿತವಿದ್ದರೆ ಅದರಿಂದ ಉಪಶಮನಕ್ಕಾಗಿ ಐಸ್ ಪ್ಯಾಕ್ ನ ನೆರವು ಪಡೆಯಬಹುದು. ಸ್ನಾಯು ನೋವಿನೊಂದಿಗೆ ಊದಿಕೊಂಡಿದ್ದರೆ 20 ನಿಮಿಷಗಳ ಕಾಲ ಆ ಜಾಗಕ್ಕೆ ಐಸ್ ಪ್ಯಾಕ್ ಇಡಿ. ಇದು ಸ್ನಾಯು ನೋವಿಗೆ ಅತ್ಯಂತ ಪರಿಣಾಮಕಾರಿ ಮದ್ದು.

ತೇವಭರಿತ ಶಾಖ:

ಸ್ನಾಯು ನೋವಿಗೆ ಉಪಶಮನ ನೀಡಲು ತೇವಭರಿತ ಶಾಖ ತುಂಬಾ ಪರಿಣಾಮಕಾರಿ. ಬಿಸಿನೀರಿನ ಸ್ನಾನ ಅಥವಾ ಎಪ್ಸಮ್ ಉಪ್ಪು ಜೊತೆಗೆ ಆವಿ ಸ್ನಾನ ಒಳ್ಳೆಯ ಆಯ್ಕೆ. ತೇವಭರಿತ ಶಾಖವು ನರಗಳು ಆರಾಮವಾಗಿರಲು ನೆರವಾಗುತ್ತದೆ.

ಸಾರಭೂತ ತೈಲ:

ಸ್ನಾಯು ನೋವಿಗೆ ಪರಿಣಾಮಕಾರಿಯಾಗಬಲ್ಲ ಹಲವಾರು ರೀತಿಯ ಸಾರಭೂತ ತೈಲಗಳಿವೆ. ಒಂದು ಅಥವಾ ಎರಡು ಚಮಚದಷ್ಟು ಸಾರಭೂತ ತೈಲವನ್ನು ಒಂದು ಚಮಚ ತೆಂಗಿನ ಎಣ್ಣೆಯೊಂದಿಗೆ ಮಿಶ್ರ ಮಾಡಿ ಪೀಡಿತ ಜಾಗಕ್ಕೆ ಹಚ್ಚಿ

ಬಿಸಿ ಸ್ನಾನ:

ನರಗಳು ನೋವಿನ ಸೂಚನೆ ನೀಡುವುದನ್ನು ದುರ್ಬಲಗೊಳಿಸುವಂತಹ ಶ್ರೇಷ್ಠ ಗುಣವನ್ನು ಬಿಸಿ ಹೊಂದಿದೆ. ಸ್ನಾಯುಗಳು ಹಿಡಿದುಕೊಂಡಿದ್ದರೆ ಬಿಸಿ ನೀರಿನ ಸ್ನಾನ ಮಾಡಿ. ಸ್ನಾಯು ನೋವಿಗೆ ತುಂಬಾ ಸುಲಭ ಮತ್ತು ಪರಿಣಾಮಕಾರಿ ಮದ್ದು ಇದಾಗಿದೆ. ಸ್ನಾಯುವಿನ ನೋವನ್ನು ಬೇಗ ನಿವಾರಿಸುತ್ತದೆ.

ಚಲನೆ:

ಬಿಗಿಯಾದ ಸ್ನಾಯುಗಳಿಂದಾಗಿ ನಿಮಗೆ ಸಮಸ್ಯೆಯಾಗುತ್ತಿದ್ದರೆ ಕೆಲವೊಂದು ಸೌಮ್ಯವಾದ ಚಲನೆಗಳಿಂದ ನೀವು ಸ್ನಾಯು ನೋವಿನಿಂದ ಆರಾಮ ಪಡೆಯಬಹುದು. ಲಘುವಾದ ವ್ಯಾಯಾಮ ಮಾಡುವುದರಿಂದ ಸಮಸ್ಯೆ ಬಗೆಹರಿಸಬಹುದು. ಸ್ನಾಯು ನೋವಿಗೆ ಹಲವಾರು ರೀತಿಯ ವ್ಯಾಯಾಮಗಳಿವೆ.

ಕಂಪ್ರೆಸ್:

ನಿಮ್ಮ ಸ್ನಾಯು ತುಂಬಾ ನೋಯುತ್ತಿದ್ದರೆ ಇದು ಒಳ್ಳೆಯ ಆಯ್ಕೆ. ತಂಪು ಅಥವಾ ಬಿಸಿಯಾದ ಕಂಪ್ರೆಸ್ ನಿಂದ ಸ್ನಾಯು ನೋವಿನಿಂದ ಉಪಶಮನ ಪಡೆಯಬಹುದು. ನಿಮ್ಮ ಸ್ನಾಯು ನೋವಿಗೆ ಕಾರಣ ತಿಳಿದುಕೊಂಡು ಬಿಸಿ ಅಥವಾ ತಂಪಾದ ಕಂಪ್ರೆಸ್ ಬಳಸಿ.

ಸ್ಟ್ರೆಚಿಂಗ್:

ಸ್ನಾಯು ನೋವನ್ನು ತುಂಬಾ ವೇಗವಾಗಿ ನಿವಾರಿಸಲು ಸ್ಟ್ರೆಚಿಂಗ್ ತುಂಬಾ ಪರಿಣಾಮಕಾರಿ ಮದ್ದು. ನೋವಿರುವ ಸ್ನಾಯುವನ್ನು ಸ್ಟ್ರೆಚ್ ಮಾಡಿ. ಸ್ಟ್ರೆಚಿಂಗ್ ವ್ಯಾಯಾಮ ಮಾಡುವ ಮೊದಲು ಯಾವುದೇ ಸಮಸ್ಯೆಗೆ ಸಿಲುಕುವ ಮೊದಲು ವೈದ್ಯರ ನೆರವು ಪಡೆಯಿರಿ.