ನಿಮ್ಮ ಬಾಯಿಯ ದುರ್ವಾಸನೆಯನ್ನು ಹೋಗಲಾಡಿಸಬೇಕೇ?

ನಿಮ್ಮ ಬಾಯಿ ಒಣಗಿರುವ ಸಂದರ್ಭದಲ್ಲಿ:

ನಿಮ್ಮ ಬಾಯಿ ಒಣಗಿರುವ ಸಂದರ್ಭದಲ್ಲಿ ಬಾಯಿ ದುರ್ಗಂಧ ಹೆಚ್ಚಾಗಿರುತ್ತದೆ. ನಿಮ್ಮ ಬಾಯಿಯ ಮೂಲಕ ನೀವು ಉಸಿರಾಡುವುದು, ಬಾಯಿ ತೆರೆದು ನಿದ್ದೆ ಮಾಡುವುದು, ಮತ್ತು ನೀವು ಹೆಚ್ಚು ಗೊರಕೆ ಹೊಡೆಯುವರಾಗಿದ್ದಲ್ಲಿ ಈ ಸಮಸ್ಯೆ ಉಂಟಾಗುತ್ತದೆ. ಆದ್ದರಿಂದ ನಿಮ್ಮ ಮೂಗಿನ ಹೊಳ್ಳೆಗಳನ್ನು ಉಸಿರಾಡಲು ಬಳಸಿ.

ಸರಿಯಾದ ಬಾಯಿ ಮುಕ್ಕಳಿಸುವಿಕೆ:

ನಿಮ್ಮ ಬಾಯಿ ಮುಕ್ಕಳಿಸುವುದು ಸರಿಯಾಗದಿದ್ದರೆ ಈ ಸಮಸ್ಯೆ ನಿಮ್ಮನ್ನು ಕಾಡುತ್ತದೆ. ಉತ್ತಮ ಗುಣಮಟ್ಟದ ಮೌತ್‌ವಾಶ್ ಅನ್ನು ಬಳಸಿ. ಹೆಚ್ಚು ಆಲ್ಕೋಹಾಲ್ ಇರುವ ಮೌತ್‌ವಾಶ್‌ಗಳು ನಿಮ್ಮ ಬಾಯಿಯನ್ನು ಒಣಗಿಸಿ ದುರ್ಗಂಧ ಉಂಟಾಗಲು ಕಾರಣವಾಗುತ್ತವೆ.

ನೆಗಡಿ:

ನಿಮಗೆ ನೆಗಡಿಯಾಗಿದ್ದರೆ ನೀವು ಬಾಯಿಯಿಂದ ಉಸಿರಾಡುವ ಅಭ್ಯಾಸವನ್ನು ಬೆಳೆಸಿಕೊಳ್ಳುತ್ತೀರಿ. ನಿಮಗೆ ಜ್ವರವಿದ್ದಾಗ ಕೂಡ ನಿಮ್ಮ ಬಾಯಿ ದುರ್ಗಂಧ ಬೀರುತ್ತದೆ.

ನಿಮ್ಮ ಉಪಹಾರ:

ನಿಮ್ಮ ಬೆಳಗ್ಗಿನ ಉಪಹಾರವನ್ನು ನೀವು ಸರಿಯಾದ ಪ್ರಮಾಣದಲ್ಲಿ ಆರೋಗ್ಯಯುತವಾಗಿ ಸೇವಿಸುತ್ತಿರುವಿರಾ ಎಂಬುದನ್ನು ನೋಡಿ. ನಿಮ್ಮ ಬೆಳಗ್ಗಿನ ಬ್ರೇಕ್‌ಫಾಸ್ಟ್ ಸರಿಯಾಗಿರದಿದ್ದರೂ ಈ ಸಮಸ್ಯೆ ಉಂಟಾಗುತ್ತದೆ. ಆದ್ದರಿಂದ ಬ್ರೇಕ್‌ಫಾಸ್ಟ್ ಕಡೆಗೆ ನಿಮ್ಮ ಗಮನವಿರಲಿ.

ಕಡಿಮೆ ಕಾರ್ಬೋ ಡೈಯೆಟ್:

ನಾವು ಈ ದಿನಗಳಲ್ಲಿ ತೂಕ ಇಳಿಸುವ ಆತುರದಲ್ಲಿರುವುದರಿಂದ ಸರಿಯಾದ ಪ್ರಮಾಣದಲ್ಲಿ ಕಾರ್ಬೋಹೈಡ್ರೇಟ್ ಅನ್ನು ತೆಗೆದುಕೊಳ್ಳುತ್ತಿಲ್ಲ. ಇದು ಕೂಡ ಬಾಯಿ ವಾಸನೆಗೆ ಕಾರಣವಾಗಿದೆ.

ಆಲ್ಕೋಹಾಲ್:

ನಿಮಗೆ ಆಲ್ಕೋಹಾಲ್ ಕುಡಿಯುವ ಅಭ್ಯಾಸವಿದ್ದಲ್ಲಿ ಕೂಡ ಬಾಯಿಯ ಕೆಟ್ಟ ವಾಸನೆ ನಿಮ್ಮನ್ನು ಕಾಡುತ್ತದೆ. ಆಲ್ಕೋಹಾಲ್ ಬಾಯಿಯನ್ನು ಒಣಗಿಸಿ ಬ್ಯಾಕ್ಟೀರಿಯಾಕ್ಕೆ ದಾರಿ ಮಾಡಿಕೊಡುತ್ತದೆ.

ನೀವು ಏನನ್ನು ಸೇವಿಸುತ್ತೀರಿ:

ನೀವು ಯಾವ ರೀತಿಯ ಆಹಾರವನ್ನು ಸೇವಿಸುತ್ತೀರಿ ಎಂಬುದು ಮುಖ್ಯವಾಗಿರುತ್ತದೆ. ಶುಂಠಿ ಮತ್ತು ಬೆಳ್ಳುಳ್ಳಿ ಬೆರೆತ ಆಹಾರ ತಿನ್ನಲು ರುಚಿಯಾಗಿರುತ್ತದೆ ಆದರೆ ಇವುಗಳನ್ನೇ ಹೆಚ್ಚು ತಿನ್ನುವುದು ಬಾಯಿಯ ವಾಸನೆಗೆ ಕಾರಣವಾಗುತ್ತದೆ.

ನೀರು ಕುಡಿಯುವುದು ತಪ್ಪಿಸದಿರಿ:

ನೀರು ಸೇವನೆಯನ್ನು ಅತ್ಯಧಿಕವಾಗಿ ನೀವು ಮಾಡಿದಷ್ಟೂ ನಿಮ್ಮ ಬಾಯಿಯ ಕೆಟ್ಟ ವಾಸನೆ ಸಮಸ್ಯೆ ನಿಮ್ಮಿಂದ ದೂರಾಗುತ್ತದೆ. ಬಾಯಿಯನ್ನು ನೀರು ಆಗಾಗ್ಗೆ ಸ್ವಚ್ಛಗೊಳಿಸುತ್ತಿರುತ್ತದೆ ಮತ್ತು ಇದರಿಂದ ನಿಮ್ಮ ಬಾಯಿ ದುರ್ವಾಸನೆಯ ಸಮಸ್ಯೆ ಖಂಡಿತ ದೂರಾಗುತ್ತದೆ.