ಮುಟ್ಟಿನ ನೋವು ನಿವಾರಣೆಗೆ 13 ಮನೆಮದ್ದು

ಹಾಲು:

ಹಾಲಿನಲ್ಲಿರುವ ಕ್ಯಾಲ್ಸಿಯಂ ಅಂಶ ನೋವಿನ ವಿರುದ್ಧ ಹೋರಾಡಿ ನಿಮಗೆ ನೋವಿನಿಂದ ಶಮನ ನೀಡುವುದರಿಂದ ನಿಮ್ಮ ಉಪಹಾರದ ಜೊತೆಗೆ ಒಂದು ಲೋಟ ಹಾಲನ್ನು ಸೇವಿಸುವುದು ಉತ್ತಮ. ನಿಮಗೆ ಹಾಲು ಇಷ್ಟವಾಗದಿದ್ದಲ್ಲಿ ಕೆಲವು ಕ್ಯಾಲ್ಸಿಯಂ ಮಾತ್ರೆಗಳನ್ನು ಮುಟ್ಟಿನ ಸಂದರ್ಭದಲ್ಲಿ ನೋವು ನಿವಾರಕವಾಗಿ ಸೇವಿಸಬಹುದು.

ಪಪ್ಪಾಯಿ:

ವಿಶೇಷವಾಗಿ ಮುಟ್ಟಿಗಿಂತ ಮೊದಲು ಪಪ್ಪಾಯಿಯನ್ನು ಸೇವಿಸುವುದು ಒಳ್ಳೆಯದು. ಪಪ್ಪಾಯಿ ಮುಟ್ಟಿನ ನೋವಿನ ವಿರುದ್ಧ ಪರಿಣಾಮಕಾರಿಯಾಗಿ ಹೋರಾಡುವ ಕಿಣ್ವ, (ಪಪಿಯನ್) ಗಳನ್ನು ಒಳಗೊಂಡಿದೆ. ಇದು ಮುಟ್ಟಿನ ಸಂದರ್ಭದಲ್ಲಿ ರಕ್ತದ ಹರಿವನ್ನು ಸಹನೀಯ ಮತ್ತು ಸುಲಭವಾಗಿ ಆಗುವಂತೆ ಮಾಡುತ್ತದೆ.

ಕ್ಯಾರೆಟ್:

ಕ್ಯಾರೆಟ್ ಗಳು ಕೇವಲ ನಿಮ್ಮ ಕಣ್ಣುಗಳಿಗೆ ಆನಂದ ನೀಡುವುದು ಮಾತ್ರವಲ್ಲ, ಅವು ನಿಮ್ಮ ಮುಟ್ಟಿನ ಸಮಯದ ನೋವು ನೀವು ನಿವಾರಿಸಬಲ್ಲ ಶಕ್ತಿಯನ್ನೂ ಹೊಂದಿವೆ. ಋತುಚಕ್ರದ ಸಮಯದಲ್ಲಿ ರಕ್ತದ ಹರಿವು ಸುಲಭವಾಗಿ ಆಗಲು ವೈದ್ಯರು ಇಂದು ಲೋಟ ಕ್ಯಾರೆಟ್ ರಸವನ್ನು ಕುಡಿಯಲು ಸಲಹೆ ನೀಡುತ್ತಾರೆ.

ಅಲೋವೆರಾ:

ಅಲೋವೆರಾ ಎಲ್ಲಾ ದೇಹದ ಖಾಯಿಲೆಗಳಿಗೆ ಉಪಶಮನ ನೀಡುವಂತೆ ಮುಟ್ಟಿನ ನೋವನ್ನೂ ಸಹ ನಿಯಂತ್ರಿಸಬಲ್ಲದು! ಅಲೋ ವೆರಾ ರಸವನ್ನು ಒಂದು ಚಮಚ ಜೇನುತುಪ್ಪದೊಂದಿಗೆ ಮಿಶ್ರಣ ಮಾಡಿ ಸೇವಿಸುವುದರಿಂದ ಮುಟ್ಟಿನ ಸಮಯದಲ್ಲಿ ಸರಳವಾಗಿ ಮತ್ತು ನೋವುರಹಿತ ರಕ್ತದ ಹರಿವು ಉಂಟಾಗಲು ಸಹಾಯಕವಾಗುತ್ತದೆ.

ಲ್ಯಾವೆಂಡರ್:

ಲ್ಯಾವೆಂಡರ್, ಅದರ ಶಾಂತಗೊಳಿಸುವ ಮತ್ತು ಆಪ್ಯಾಯಮಾನವಾದ ಗುಣಗಳಿಂದ ಹೆಸರುವಾಸಿಯಾಗಿದೆ. ಮುಟ್ಟಿನ ಸಮಯದಲ್ಲಿ ನೋವು ಉಂಟಾದಲ್ಲಿ, ಹೊಟ್ಟೆಗೆ ಲ್ಯಾವೆಂಡರ್ ತೈಲ ಲೇಪಿಸುವುದರಿಂದ ಕೇವಲ 10-15 ನಿಮಿಷಗಳಲ್ಲಿ ನೋವು ಕಡಿಮೆಯಾಗುತ್ತದೆ.

ತುಳಸಿ:

ತುಳಸಿ ಪ್ರಬಲ ನೋವುನಿವಾರಕ ಕೆಫಿಕ್ ಆಮ್ಲ ಒಳಗೊಂಡಿರುವುದರಿಂದ ನೀವು ಮುಟ್ಟಿನ ನೋವು ಕಾಣಿಸಿಕೊಂಡ ಸಮಯದಲ್ಲಿ ತುಳಸಿಯನ್ನು ಹೆಚ್ಚಾಗಿ ಸೇವಿಸುವುದು ಒಳ್ಳೆಯದು. ಮಸಾಲೆಗಳಲ್ಲಿ ಅದನ್ನು ಬಳಸಿ ಅಥವಾ ನಿಮ್ಮ ಹರ್ಬಲ್ ಚಹಾದೊಂದಿಗೆ ತುಳಸಿಯನ್ನು ಸೇರಿಸಿ , ಮತ್ತು ಇದು ಹೇಗೆ ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತದೆ ಎಂಬುದನ್ನು ನೀವೇ ನೋಡಿ!

ಬಿಸಿ ನೀರಿನ ಸ್ನಾನ:

ಹೊಟ್ಟೆ ಮತ್ತು ಕಿಬ್ಬೊಟ್ಟೆಯ ಪ್ರದೇಶದಲ್ಲಿ ಬಿಸಿ ನೀರಿನ ಸ್ನಾನವನ್ನು ಮಾಡಿ. ಇದು ಮುಟ್ಟಿನ ರಕ್ತದ ಹರಿವನ್ನು ನಿಯಂತ್ರಿಸಿ ಮುಟ್ಟಿನ ಪ್ರಕ್ರಿಯೆಯನ್ನು ಸುಲಭಗೊಳಿಸುತ್ತದೆ.

ಶುಂಠಿ:

ಶುಂಠಿ ಋತುಚಕ್ರದ ಸಮಯದಲ್ಲಿ ಒಂದು ನೋವು ನಿವಾರಕ ಏಜೆಂಟ್ ರೀತಿಯಲ್ಲಿ ಕೆಲಸ ಮಾಡುತ್ತದೆ. ಜೊತೆಗೆ, ಇದು ನಿಮ್ಮ ಅನಿಯಮಿತ ಋತುಚಕ್ರವನ್ನು ನಿಯಮಿತವಾಗಿ ನಡೆಯಲು ಸಹಾಯಮಾಡುತ್ತದೆ. ಪರಿಣಾಮಕಾರಿ ಪ್ರಯೋಜನಗಳನ್ನು ಕಾಣಲು ಚಹಾ ಶುಂಠಿ ಸೇವಿಸುವುದು ಉತ್ತಮ.

ಸಿಟ್ರಸ್ ಹಣ್ಣುಗಳು:

ಸಿಟ್ರಸ್ ಹಣ್ಣುಗಳನ್ನು ಸೇವಿಸುವುದರಿಂದ ನಿಮ್ಮ ದೇಹದಲ್ಲಿ ಕಬ್ಬಿಣದ ಮಟ್ಟ ಹೆಚ್ಚುತ್ತದೆ. ಇದರಿಂದಾಗಿ ನಿಮ್ಮ ಮುಟ್ಟನ್ನು ನೋವು ರಹಿತವನ್ನಾಗಿ ಮಾಡುವಲ್ಲಿ ಪರಿಣಾಮಕಾರಿಯಾಗಿ ಸಹಾಯಮಾಡುತ್ತದೆ. ಆದ್ದರಿಂದ, ಸಿಟ್ರಸ್ ಹಣ್ಣುಗಳು ತಿನ್ನುವುದು ಅಥವಾ ಅವುಗಳ ರಸವನ್ನು ಸೇವಿಸುವುದು ಒಳ್ಳೆಯದು.

ಜೀರಿಗೆ:

ಮೊದಲೇ ಹೇಳಿದಂತೆ ಗರ್ಭಕೋಶದಲ್ಲಿ ರಕ್ತದ ಪ್ರಮಾಣ ಕಡಿಮೆಯಾಗಿದ್ದಾಗ, ಜೀರಿಗೆ ಗರ್ಭಕೋಶದಲ್ಲಿ ರಕ್ತ ಚಲಾವಣೆಯನ್ನು ಸುಧಾರಿಸುತ್ತದೆ. ನೀರಿಗೆ ಜೀರಿಗೆಯನ್ನು ಹಾಕಿ ಕುದಿಸಿ ಕುಡಿಯುವುದರಿಂದ ಮುಟ್ಟಿನ ನೋವು ಸಹಜವಾಗಿ ಕಡಿಮೆಯಾಗುತ್ತದೆ.

ವ್ಯಾಯಾಮ:

ನಿಯಮಿತವಾಗಿ ವ್ಯಾಯಾಮ ಮಾಡುವುದು ನಿಜವಾಗಿಯೂ ಮುಖ್ಯವಾದ ಅಂಶ. ಅನೇಕ ಮಹಿಳೆಯರು ಅವರು ಉತ್ಸಾಹವನ್ನು ಕಳೆದುಕೊಂಡಾಗ (ವಿಶೇಷವಾಗಿ ಋತುಚಕ್ರದ ಸಮಯದಲ್ಲಿ) ವ್ಯಾಯಾಮ ಮಾಡುವುದನ್ನು ಬಿಟ್ಟುಬಿಡುತ್ತಾರೆ. ಆದರೆ ಇದು ಸಂಪೂರ್ಣವಾಗಿ ತಪ್ಪು ವಿಧಾನವಾಗಿದೆ. ವ್ಯಾಯಾಮ. ನಿಮ್ಮ ದೇಹದಲ್ಲಿ ಸುಲಭವಾಗಿ ರಕ್ತದ ಹರಿವು ಉಂಟಾಗುವಂತೆ ಮಾಡಿ ನೋವಿನಿಂದ ನಿವಾರಣೆ ನೀಡುತ್ತದೆ.

ಪೋಷಕಾಂಶಗಳು:

ನೀವು ಸಮತೋಲನ ಆಹಾರದ ಸೇವನೆ ಸೇವಿಸದೇ ನಿಮ್ಮ ದೇಹದಲ್ಲಿ ಅಪೌಷ್ಟಿಕತೆ ಉಂಟಾಗಿ ಕೆಲವೊಮ್ಮೆ ಮುಟ್ಟಿನ ಸಮಯದ ನೋವು ಉಂಟಾಗಲು ಕಾರಣವಾಗಬಹುದು. ನೀವು ಜೀವಸತ್ವ ಬಿ6 ಸಮೃದ್ಧವಾಗಿರುವ ನೋವನ್ನು ಕಡಿಮೆಗೊಳಿಸುವಲ್ಲಿ ಸಹಾಯ ಮಾಡುವ ಕಂದು ಅಕ್ಕಿಯನ್ನು ಸೇವನೆ ಮಾಡಬಹುದು. ಅಲ್ಲದೆ ಮ್ಯಾಂಗನೀಸ್ ಹೇರಳವಾಗಿರುವ ವಾಲ್ನಟ್ಸ್ (ಅಕ್ರೋಡ) ಮತ್ತು ಕುಂಬಳಕಾಯಿ ಬೀಜಗಳನ್ನು ಸೇವಿಸಿ ಮುಟ್ಟಿನ ನೋವನ್ನು ಕಡಿಮೆಗೊಳಿಸಬಹುದು.

ಜಿಡ್ಡಿನ ಆಹಾರ ಸೇವಿಸದಿರಿ (junk Food):

ಮುಟ್ಟಿನ ಸಂದರ್ಭದಲ್ಲಿ, ನಿಮ್ಮ ಆಹಾರ ಮೇಲೆ ನಿಗಾ ಇಡುವುದು ಅತ್ಯಂತ ಅಗತ್ಯ. ಬರ್ಗರ್, ಪಾಸ್ತಾದಂತಹ ಕೊಬ್ಬಿನ ಮತ್ತು ಜಿಡ್ಡಿನ ಆಹಾರಗಳ ಸೇವನೆಯನ್ನು ಮಾಡದಂತೆ ನಿಮ್ಮನ್ನು ನೀವು ನಿರ್ಬಂಧಿಸಿಕೊಳ್ಳಬೇಕು. ಜೊತೆಗೆ, ನೀವು ತಂಪಾದ ಪಾನೀಯಗಳಂತಹ ಕಾರ್ಬೊನೇಟೆಡ್ ಪಾನೀಯಗಳು, ಮದ್ಯಪಾನಗಳಿಂದಲೂ ಸಹ ದೂರವುಳಿಯಬೇಕು.