ಹರ್ನಿಯಾ ನೋವು ಕಮ್ಮಿ ಮಾಡುವ ಮನೆಮದ್ದು

Updated: Tuesday, October 29, 2013, 12:32 [IST]

ಹರ್ನಿಯಾ ಎನ್ನುವ ಕಾಯಿಲೆ ದೇಹದಲ್ಲಿ ರಕ್ತ ಸಂಚಾರಕ್ಕೆ ಅಡಚಣೆ ತರುವಂತಹ ಕಾಯಿಲೆ. ಇದು ದೇಹದ ಉದರ ಭಾಗದಲ್ಲಿ ಕಂಡು ಬರುವಂತಹ ಕಾಯಿಲೆ. ಸಾಕಷ್ಟು ಜನರಿಗೆ ಈ ಕಾಯಿಲೆ ಬಗ್ಗೆ ಹೆಚ್ಚಿನ ತಿಳುವಳಿಕೆ ಇರುವುದಿಲ್ಲ, ಕಿಬ್ಬೊಟ್ಟೆಯಲ್ಲಿ ನೋವು ಕಂಡು ಬಂದಾಗ ಸಾಧಾರಣ ನೋವೆಂದು ನಿರ್ಲಕ್ಷ್ಯ ಮಾಡಿ, ನಂತರ ಸಹಿಸಲು ಅಸಾಧ್ಯವಾದ ಕಾಯಿಲೆ ನೋವು ಬಂದಾಗ ವೈದ್ಯರ ಬಳಿ ಹೋಗುತ್ತಾರೆ. ಈ ಹರ್ನಿಯಾ ಕಾಯಿಲೆಯನ್ನು ಆರಂಭದಲ್ಲಿಯೇ ಗುಣ ಪಡಿಸದಿದ್ದರೆ ಅಪಾಯ.

ಇಂಗ್ಯೂನಲ್(inguinal)ಹರ್ನಿಯಾ ಅನ್ನುವುದು ನಾವು ಹುಟ್ಟುವಾಗಲೇ ಇರುವ ಸಾಧ್ಯತೆ ಇದೆ. ಮತ್ತೆ ಕೆಲವು ಹರ್ನಿಯಾ ನಂತರ ದಿನಗಳಲ್ಲಿ ಕಂಡು ಬರಬಹುದು. ಹರ್ನಿಯಾ ಸಮಸ್ಯೆ ಹಲವಾರು ಕಾರಣಗಳಿಂದ ಬರಬಹುದು. ಅದರಲ್ಲೂ ಅಧಿಕ ತೂಕ, ಶ್ವಾಸಕೋಶದ ತೊಂದರೆ, ಕೆಮ್ಮು ಮತ್ತು ವಂಶಪಾರಂಪರ್ಯ ಹರ್ನಿಯಾ ಸಮಸ್ಯೆಗೆ ಪ್ರಮುಖ ಕಾರಣಗಳಾಗಿವೆ.

ಹರ್ನಿಯಾವನ್ನು ಗುಣ ಪಡಿಸುವಲ್ಲಿ ಈ ಕೆಳಗಿನ ಮನೆಮದ್ದುಗಳು ಪರಿಣಾಮಕಾರಿಯಾಗಿವೆ.

ಲಿಕೋರೈಸ್(Licorice)

ಇದೊಂದು ಅತ್ಯುತ್ತಮವಾದ ಮನೆ ಮದ್ದಾಗಿದೆ. ಈ ಹರ್ಬ್ಸ್ ಹಾನಿಯಾದ ಸ್ಥಳವನ್ನು ಸರಿ ಪಡಿಸುತ್ತದೆ. ಒಂದು ಚಮಚ ಲಿಕೋರೈಸ್ ಪುಡಿಯನ್ನು ಅರ್ಧ ಕಪ್ ಹಾಲಿಗೆ ಹಾಕಿ ಮಿಕ್ಸ್ ಮಾಡಿ ವಾರಕ್ಕೊಮ್ಮೆ ಕುಡಿಯುವುದು ಒಳ್ಳೆಯದು.