ಹರ್ನಿಯಾ ನೋವು ಕಮ್ಮಿ ಮಾಡುವ ಮನೆಮದ್ದು

ಲಿಕೋರೈಸ್(Licorice)

ಇದೊಂದು ಅತ್ಯುತ್ತಮವಾದ ಮನೆ ಮದ್ದಾಗಿದೆ. ಈ ಹರ್ಬ್ಸ್ ಹಾನಿಯಾದ ಸ್ಥಳವನ್ನು ಸರಿ ಪಡಿಸುತ್ತದೆ. ಒಂದು ಚಮಚ ಲಿಕೋರೈಸ್ ಪುಡಿಯನ್ನು ಅರ್ಧ ಕಪ್ ಹಾಲಿಗೆ ಹಾಕಿ ಮಿಕ್ಸ್ ಮಾಡಿ ವಾರಕ್ಕೊಮ್ಮೆ ಕುಡಿಯುವುದು ಒಳ್ಳೆಯದು.

ಶುಂಠಿಯ ಬೇರು

ಶುಂಠಿಯ ಬೇರು ಕೂಡ ಹರ್ನಿಯಾ ಸಮಸ್ಯೆಗೆ ಅತ್ಯುತ್ತಮವಾದ ಮನೆ ಮದ್ದಾಗಿದೆ. ಶುಂಠಿಯ ಬೇರು ಹಾಕಿ ಕುದಿಸಿದ ನೀರನ್ನು ಖಾಲಿ ಹೊಟ್ಟೆಯಲ್ಲಿ ಕುಡಿಯುವುದು ಒಳ್ಳೆಯದು.

ಅಡ್ಡ ಪರಿಣಾಮ: ಈ ಮನೆಮದ್ದು ಕುಡಿದರೆ ಕೆಲವರಿಗೆ ಬೇಧಿಯಾಗುವುದು.

ಮಜ್ಜಿಗೆ

ಹರ್ನಿಯಾ ಸಮಸ್ಯೆ ಇರುವವರು ದಿನಾ ಮಜ್ಜಿಗೆ ಕುಡಿದರೆ ನೋವು ಕಡಿಮೆಯಾಗಿ ಬೇಗನೆ ಚೇತರಿಸಿಕೊಳ್ಳಬಹುದು, ದಿನದಲ್ಲಿ 3 ಲೋಟ ಮಜ್ಜಿಗೆ ಕುಡಿಯುವುದು ಒಳ್ಳೆಯದು.

ನೀರು

ಹರ್ನಿಯಾ ಸಮಸ್ಯೆಯಿಂದ ಬಳಲುತ್ತಿರುವವರು ಅಧಿಕ ನೀರು ಕುಡಿಯಬೇಕು. ಹರ್ನಿಯಾದ ನೋವನ್ನು ಕಮ್ಮಿ ಮಾಡುವಲ್ಲಿ ನೀರು ತುಂಬಾ ಸಹಾಯಕಾರಿಯಾಗಿದೆ.

ಹಣ್ಣುಗಳು

ಬೆಣ್ಣೆ ಹಣ್ಣು, ಪೈನಾಪಲ್ ಈ ಹಣ್ಣುಗಳನ್ನು ತಿಂದರೆ ಒಳ್ಳೆಯದು. ಈ ಎರಡು ಹಣ್ಣುಗಳು ಉರಿಯನ್ನು ಕಮ್ಮಿ ಮಾಡಿ, ಆ ಭಾಗದಲ್ಲಿ ಊದಿಕೊಳ್ಳುವುದನ್ನು ಕಮ್ಮಿ ಮಾಡುತ್ತದೆ.

ಹಸಿರು ತರಕಾರಿಗಳು

ಬ್ರೊಕೋಲಿ, ಕ್ಯಾಬೇಜ್, ಹಾಗಾಲಕಾಯಿ ಈ ಮೂರು ತರಕಾರಿಗಳನ್ನು ತಪ್ಪದೇ ಡಯಟ್ ನಲ್ಲಿ ಸೇರಿಸಿದರೆ ಒಳ್ಳೆಯದು. ಇವುಗಳು ಸ್ನಾಯುಗಳನ್ನು ಬಲಪಡಿಸುತ್ತದೆ.

ಹಾಲು

ಹಾಲು ಉರಿಯನ್ನು ಕಮ್ಮಿ ಮಾಡುತ್ತದೆ. ಬೆಳಗ್ಗೆ ಅರಿಶಿಣ ಹಾಕಿದ ಹಾಲನ್ನು ಕುಡಿಯುವುದು ಒಳ್ಳೆಯದು.

ಗ್ರೀನ್ ಟೀ

ಟೀ ಕುಡಿಯುವ ಅಭ್ಯಾಸವಿದ್ದರೆ ಗ್ರೀನ್ ಟೀ ಕುಡಿಯುವುದು ಒಳ್ಳೆಯದು. ಹರ್ನಿಯಾ ಸಮಸ್ಯೆ ದಿನಾ ಎರಡು ಕಪ್ ಗ್ರೀನ್ ಟೀ ಕುಡಿಯಿರಿ.

ಗೋಧಿಯ ಪದಾರ್ಥಗಳು

ಗೋಧಿಯಿಂದ ತಯಾರಿಸಿದ ಆಹಾರಗಳನ್ನು ತಿನ್ನುವುದು ಒಳ್ಳೆಯದು. ಇದು ಜೀರ್ಣಕ್ರಿಯೆಗೆ ಸಹಾಯ ಮಾಡುವುದರ ಜೊತೆಗೆ ನೋವನ್ನು ಕಮ್ಮಿ ಮಾಡುತ್ತದೆ.