Just In
- 11 min ago ವಿಕಲಚೇತನರಿಗೆ ಸ್ಕೂಟಿ ಗಿಫ್ಟ್..! ಮನೆ ಕಟ್ಟಿಕೊಡುವ ಭರವಸೆ ನೀಡಿದ ನಟ ಲಾರೆನ್ಸ್..!
- 1 hr ago ಗರಿ ಗರಿಯಾದ ಕೋಡುಬಳೆ ಮನೆಯಲ್ಲೇ ಮಾಡಿ.! 4 ವಸ್ತು ಇದ್ದರೆ ಸಾಕು
- 4 hrs ago Zero Shadow Day: ಬೆಂಗಳೂರಲ್ಲಿ ಇಂದು ಶೂನ್ಯ ನೆರಳು ದಿನ.! ಯಾವ ಸಮಯದಲ್ಲಿ ಗೊತ್ತಾ?
- 6 hrs ago ಹೋಟೆಲ್ ರುಚಿಯ ಪನೀರ್ ಪೆಪ್ಪರ್ ಫ್ರೈ ಮನೆಯಲ್ಲೇ ಮಾಡಿ..! 10 ನಿಮಿಷದಲ್ಲಿ ರೆಡಿ..!
Don't Miss
- Movies "ಸದಾ ನನ್ನ ಹಿಂಭಾಗವನ್ನೇ ಸದಾ ಜೂಮ್ ಮಾಡ್ತಾರೆ"; ನೋರಾ ಫತೇಹಿ ಆಕ್ರೋಶ
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- News Mangalsutra Row: ಸಾಧನೆ ಹೇಳಿ ಮತ ಕೇಳಲು ಮುಖವಿಲ್ಲದ ಪ್ರಧಾನಿ: ಕಾಂಗ್ರೆಸ್
- Technology OnePlus: ಒನ್ಪ್ಲಸ್ 13 ಸ್ಮಾರ್ಟ್ಫೋನ್ ಡಿಸ್ಪ್ಲೇ, ವಿನ್ಯಾಸ ಲೀಕ್!..ಯಾವಾಗ ಲಾಂಚ್?
- Automobiles ಭೂಮಿಯ ಸ್ವರ್ಗ: 1.50 ಕೋಟಿಯ ಟೊಯೊಟಾ ವೆಲ್ಫೈರ್ಗೆ ಮನಸೋತ ಖ್ಯಾತ ನಟ.. ಈ ಕಾರಿನಲ್ಲಿ ಏನಿದೆ?
- Sports RCB: ಯುಜ್ವೇಂದ್ರ ಚಹಾಲ್ ಮರಳಿ ಬರುವಂತೆ ಬೇಡಿಕೊಳ್ಳಿ; ಆರ್ಸಿಬಿಗೆ ಸಲಹೆ ನೀಡಿದ ರಾಬಿನ್ ಉತ್ತಪ್ಪ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸೂಜಿ ಚಿಕಿತ್ಸೆ ಎಷ್ಟು ಪರಿಣಾಮಕಾರಿ?
ಸೂಜಿ ಚಿಕಿತ್ಸೆ (Acupuncture) ಎಂದರೆ ಚೀನಾದಲ್ಲಿ ಪ್ರಚಲಿತವಿರುವ ಒಂದು ರೀತಿಯ ಚಿಕಿತ್ಸೆ. ಇದರಲ್ಲಿ ದೇಹದ ವಿವಿಧ ಕಡೆಗಳಲ್ಲಿ(ಶಕ್ತಿಕೇಂದ್ರಗಳಲ್ಲಿ) ಸೂಜಿ ಚುಚ್ಚಿ ರೋಗವನ್ನು ಗುಣಪಡಿಸಲಾಗುತ್ತದೆ. ಚೀನೀ ತತ್ವಜ್ಞಾನದ ಪ್ರಕಾರ ನಮ್ಮ ದೇಹದಲ್ಲಿ ನೋವು ಹಾಗೂ ಖಾಯಿಲೆಗಳು "ಯಿನ್" ಮತ್ತು "ಯಂಗ್" ಎಂಬ ಪ್ರಧಾನ ಬಲಗಳ ಅಸಮತೋಲನದಿಂದ ಬರುತ್ತದೆ. ಸೂಜಿ ಚಿಕಿತ್ಸೆ ಇದನ್ನು ಸಮತೋಲನಗೊಳಿಸುತ್ತದೆ.ಹಲವು ಜೀನೀಯರ ಪ್ರಕಾರ ನಮ್ಮ ದೇಹದಲ್ಲಿ 12 ಜತೆಯಾದ ಹಾಗೂ 2 ಸ್ವತಂತ್ರ ರೇಖೆಗಳಲ್ಲಿ ಜೀವ ಸೆಲೆ ಹರಿಯುತ್ತಿದ್ದು ಈ ರೇಖೆಗಳ ನಿರ್ಧಿಷ್ಟ ಬಿಂದುಗಳಲ್ಲಿ ಸೂಜಿ ಚುಚ್ಚುವುದರಿಂದ ರೋಗ ನಿವಾರಣೆ ಸಾದ್ಯ.
ಇದರ ಬಗ್ಗೆ ವೈಜ್ಞಾನಿಕ ವಿವರಣೆ
ವೈಜ್ಞಾನಿಕ ವಿಶ್ಲೇಷಣೆಗಳ ಪ್ರಕಾರ ಹಲವು ಸಂದರ್ಭಗಳಲ್ಲಿ ಸೂಜಿ ಚಿಕಿತ್ಸೆಯು ಪರಿಣಾಮಕಾರಿ ಎಂದು ಕಂಡುಬಂದಿದೆ. ಇದರ ಪರಿಣಾಮಕಾರಿತ್ವ ಬಗ್ಗೆ ವಿಜ್ಞಾನಿಗಳು ಕೆಲವು ಸಿದ್ಧಾಂತಗಳನ್ನು ಮುಂದಿಡುತ್ತಾರೆ.ಒಂದು ಸಿದ್ದಾಂತದ ಪ್ರಕಾರ ಜೀವಸೆಲೆ ಹಾಗೂ ರೇಖೆಗಳು ನಿಜವಾಗಿಯೂ ಇದ್ದು,ಸೂಜಿ ಚಿಕಿತ್ಸೆಯು ಈ ರೇಖೆಗಳಲ್ಲಿ ಚಟುವಟಿಕೆಗಳನ್ನು ಹೆಚ್ಚಿಸುತ್ತದೆ.ಇನ್ನೊಂದು ಸಿದ್ಧಾಂತವು ಸೂಜಿ ಚಿಕಿತ್ಸೆಯು ಮೆದುಳಿನಲ್ಲಿ 'ಎಂಡಾರ್ಫಿನ್' ಎಂಬ ನೋವು ನಿವಾರಕದ ಉತ್ಪತ್ತಿಯನ್ನು ಹೆಚ್ಚಿಸುತ್ತದೆ. ಕೊನೆಯದಾಗಿ ಇನ್ನೂ ಕೆಲವು ವಿಜ್ಞಾನಿಗಳು ಸೂಜಿಚಿಕಿತ್ಸೆಯು ನರವ್ಯೂಹದ ಮೂಲಕ ಸಾಗುವ ನೋವಿನ ಅನುಭವದ ಸಂಕೇತಗಳನ್ನು ತಡೆಯುವುದರ ಮೂಲಕ ಕೆಲಸ ಮಾಡುತ್ತದೆ ಎಂದು ವಾದಿಸುತ್ತಾರೆ.
ಸೂಜಿ ಚಿಕಿತ್ಸೆಯ ಬಗ್ಗೆ ಹೆಚ್ಚಿನ ವಿವರವನ್ನು ಈ ಕೆಳಗೆ ನೀಡಲಾಗಿದೆ ನೋಡಿ:
ಸೂಜಿ ಚಿಕಿತ್ಸೆ
ಸೂಜಿ ಚಿಕಿತ್ಸೆಯನ್ನು ಗಂಟಲುನೋವು, ಅಸ್ತಮಾ, ಮೈಗ್ರೇನ್, ಕೆಲವು ಕಣ್ಣಿನ ತೊಂದರೆ, ಮನೋವ್ಯಾಧಿ ಮುಂತಾದವುಗಳ ಉಪಶಮನಕ್ಕೆ ಬಳಸುತ್ತಾರೆ. ಇತ್ತೀಚೆಗೆ ಚೀನೀ ವೈದ್ಯರುಗಳು ಇದನ್ನು ಪ್ರಮುಖ ಶಸ್ತ್ರಚಿಕಿತ್ಸೆಗಳ ಸಂದರ್ಭದಲ್ಲೂ ಬಳಸುತ್ತಾರೆ.
ಸೂಚಿ ಚುಚ್ಚಿದಾಗ ನೋವಾಗುತ್ತದಾ?
ಈ ಸೂಜಿ ತುಂಬಾ ಚಿಕ್ಕದಾಗಿದ್ದು, ಇದನ್ನು ಚುಚ್ಚಿದಾಗ ನೋವು ಉಂಟಾಗುವುದಿಲ್ಲ. ಈ ಚಿಕಿತ್ಸೆ ಮಾಡಿಸಿದ ನಂತರ ದೇಹದಲ್ಲಿ ಶಕ್ತಿ ಹೆಚ್ಚಾಗುವುದು, ಮಾನಸಿಕ ಒತ್ತಡ ಕಡಿಮೆಯಾಗಿ, ಮನಸ್ಸಿಗೆ ವಿಶ್ರಾಂತಿಯ ಅನುಭವ ಉಂಟಾಗುವುದು.
ತಲೆ ನೋವಿಗೆ ಸೂಜಿ ಚಿಕಿತ್ಸೆ
ಮೈಗ್ರೇನ್ ಸಮಸ್ಯೆ ಇರುವವರು ಈ ಚಿಕಿತ್ಸೆ ಮಾಡಿಸಿದರೆ ತಲೆನೋವಿನಿಂದ ಸಂಪೂರ್ಣ ಗುಣಮುಕ್ತರಾಗಬಹುದು ಎಂದು ಸಂಶೋಧನೆಯಿಂದ ದೃಢ ಪಟ್ಟಿದೆ. ಆಗಾಗ ಜ್ವರ, ತಲೆನೋವು ಬರುತ್ತಿದ್ದರೆ ಈ ಚಿಕಿತ್ಸೆ ಮಾಡಿಸಿದರೆ ಗುಣಮುಖವಾಗುವುದು.
ಹಲ್ಲು ನೋವಿಗೆ ಸೂಜಿ ಚಿಕಿತ್ಸೆ
ಹಲ್ಲಿಗೆ ಸಂಬಂಧಿಸಿದ ಸಮಸ್ಯೆಯನ್ನು ಸರ್ಜರಿಯಿಂದ ಸರಿಪಡಿಸುವ ಬದಲು ಈ ಸೂಜಿ ಚಿಕಿತ್ಸೆ ಮಾಡಿಸಿದರೆ ಗುಣಮುಖವಾಗುವುದು.
ಸಂತೋನೋತ್ಪತ್ತಿ ಚಿಕಿತ್ಸೆಗೆ
ಮಕ್ಕಳಾಗದವರಿಗೆ ಈ ಚಿಕಿತ್ಸೆಯಿಂದ ಮಕ್ಕಳಾಗುವಂತೆ ಮಾಡಬಹುದು. ಇದು ಮಾನಸಿಕ ಒತ್ತಡವನ್ನು ಕಡಿಮೆ ಮಾಡಿ, ಗರ್ಭಕೋಶಕ್ಕೆ ರಕ್ತ ಸರಿಯಾಗಿ ಹರಿಯುವಂತೆ ಮಾಡುತ್ತದೆ.
ಧೂಮಪಾನ ಚಟವನ್ನು ಬಿಡಲು ಈ ಚಿಕಿತ್ಸೆ
ಧೂಮಪಾನ ಚಟವನ್ನು ಬಿಡಲು ಮನಸ್ಸು ಮಾಡಿ ಸಾಧ್ಯವಾಗದಿದ್ದರೆ, ಈ ಚಿಕಿತ್ಸೆ ತೆಗೆದುಕೊಂಡರೆ ಸಾಕು ಧೂಮಪಾನವನ್ನು ಬಿಡಬಹುದು.