ಬಿಸಿಲಿನ ಧಗೆ ಹೆಚ್ಚಿರುವಾಗ ಇವುಗಳನ್ನು ತಿನ್ನಬೇಡಿ

ಅಧಿಕ ಖಾರ

ಅಧಿಕ ಖಾರದ ಆಹಾರವೇನೋ ಬಾಯಿಗೆ ರುಚಿ, ಆದರೆ ಬಾಯಿರುಚಿಗೆ ಸ್ವಲ್ಪ ಕಾಲ ತಡೆ ಹಾಕುವುದು ಒಳ್ಳೆಯದು. ಅಧಿಕ ಖಾರ ಹೊಟ್ಟೆಯನ್ನು ಸೇರಿದರೆ ಹೊಟ್ಟೆ ನೋವು, ಹೊಟ್ಟೆ ಉರಿ, ಬೇಧಿ ಮುಂತಾದ ಸಮಸ್ಯೆಗಳು ಉಂಟಾಗಬಹುದು. ಆದ್ದರಿಂದ ಖಾರ ಇಷ್ಟ ಪಡುವವರಾದರು ಈ ಸಮಯದಲ್ಲಿ ಖಾರವನ್ನು ಕಮ್ಮಿ ಬಳಸುವುದು ಒಳ್ಳೆಯದು.

ಚಪಾತಿ

ಗೋಧಿ ಕೂಡ ದೇಹದ ಉಷ್ಣತೆಯನ್ನು ಹೆಚ್ಚಿಸುತ್ತದೆ. ಆದ್ದರಿಂದ ಚಪಾತಿ ಮುಂತಾದ ಗೋಧಿ ಪದಾರ್ಥಗಳನ್ನು ತಿನ್ನುವ ಬದಲು ರಾಗಿಯಿಂದ ಮಾಡಿದ ಪದಾರ್ಥಗಳನ್ನು, ಗಂಜಿ ಇವುಗಳನ್ನು ತಿನ್ನುವುದು ಒಳ್ಳೆಯದು.

ಮಾವಿನ ಹಣ್ಣು

ಬಾಡಿ ಹೀಟ್ ಸಮಸ್ಯೆ ಇರುವವರು ಮಾವಿನ ಹಣ್ಣು ತಿನ್ನದಿರುವುದು ಒಳ್ಳೆಯದು. ಅದರಲ್ಲೂ ಮಕ್ಕಳಲ್ಲಿ ದೇಹದ ಉಷ್ಣತೆಯನ್ನು ಹೆಚ್ಚು ಮಾಡುತ್ತದೆ. ಮೊಡವೆ ಸಮಸ್ಯೆ ಇರುವವರಿಗೆ ಮೊಡವೆ ಹೆಚ್ಚು ಮಾಡುತ್ತದೆ.

ಹಾಲಿನ ಉತ್ಪನ್ನಗಳು

ಹಾಲಿನ ಉತ್ಪನ್ನಗಳಲ್ಲಿ ಕೆಲವು ಬಾಡಿ ಹೀಟ್ ಹೆಚ್ಚು ಮಾಡುತ್ತದೆ. ಈ ಸಮಯದಲ್ಲಿ ಹಾಲು, ಮಜ್ಜಿಗೆ ಕುಡಿದರೆ ಹೊಟ್ಟೆಗೆ ತಂಪು.

ಎಣ್ಣೆಯಲ್ಲಿ ಕರಿದ ಪದಾರ್ಥಗಳು ಮತ್ತು ಜಂಕ್ ಫುಡ್

ಬರ್ಗರ್, ಪಿಜ್ಜಾ, ಫ್ರೆಂಜ್ ಫ್ರೈಸ್, ಎಣ್ಣೆಯಲ್ಲಿ ಕರಿದ ಬಾಯಿ ರುಚಿಯ ಪದಾರ್ಥಗಳನ್ನು ತಿನ್ನದಿರುವುದು ಒಳ್ಳೆಯದು. ಇವುಗಳು ಜೀರ್ಣಕ್ರಿಯೆಗೆ ತೊಂದರೆ ಉಂಟಾಗಿ ಫುಡ್ ಪಾಯಿಸನ್ ಉಂಟಾಗಬಹುದು.

ಐಸ್ ಕ್ರೀಮ್ ಮತ್ತು ತಂಪು ಪಾನೀಯಾಗಳು

ಬಿಸಿಲಿನಲ್ಲಿ ತಂಪು ಪಾನೀಯಾಗಳನ್ನು ಕುಡಿಯಲು, ಐಸ್ ಕ್ರೀಮ್ ತಿನ್ನಲು ಹಿತ ಆನಿಸಿದರೂ ಇವು ಬಾಡಿ ಹೀಟ್ ಹೆಚ್ಚು ಮಾಡುವ ಆಹಾರ ಪದಾರ್ಥಗಳಾಗಿವೆ.

ಕಾಫಿ

ಕಾಫಿ ಕೂಡದ ದೇಹದ ಉಷ್ಣತೆಯನ್ನು ಹೆಚ್ಚು ಮಾಡುತ್ತದೆ. ಆದ್ದರಿಂದ ಬಾಡಿ ಹೀಟ್ ಸಮಸ್ಯೆ ಇರುವವರು ಕಾಫಿಯನ್ನು ಮುಟ್ಟಲೇಬಾರದು.

ಒಣ ಹಣ್ಣುಗಳು

ಒಣ ಹಣ್ಣುಗಳು ತುಂಬಾ ಆರೋಗ್ಯಕರವಾದ ಆಹಾರವಾಗಿದ್ದತೂ ಇವು ದೇಹದ ಉಷ್ಣತೆಯನ್ನು ಹೆಚ್ಚಿಸುತ್ತದೆ. ಆದ್ದರಿಂದ ಇವುಗಳನ್ನು ಮಿತಿಯಲ್ಲಿ ತಿನ್ನಿ. ಗೋಡಂಬಿ ಬೇಗನೆ ದೇಹದ ಉಷ್ಣತೆ ಹೆಚ್ಚಿಸುತ್ತದೆ.

ಚಿಕನ್, ಪ್ರಾನ್, ಏಡಿ

ಚಿಕನ್, ಪ್ರಾನ್, ಏಡಿ ಇವುಗಳು ದೇಹದ ಉಷ್ಣತೆಯನ್ನು ಹೆಚ್ಚಿಸುವ ಆಹಾರಗಳಾದ ಕಾರಣ ಇವುಗಳನ್ನು ತಿನ್ನದಿರುವುದು ಒಳ್ಳೆಯದು. ಪ್ರಾನ್ ತಿಂದರೆ ಕೆಲವರಿಗೆ ತಕ್ಷಣವೇ ಅಲರ್ಜಿ ಉಂಟಾಗುವುದು.

ರೋಸ್ಟ್ ಮಾಡಿದ ಪದಾರ್ಥಗಳು

ತಂದೂರಿಯಂತಹ ರೋಸ್ಟ್ ಮಾಡಿದ ಪದಾರ್ಥಗಳನ್ನು ಬೇಸಿಗೆಯಲ್ಲಿ ತಿನ್ನದಿರುವುದು ಒಳ್ಳೆಯದು. ಇದನ್ನು ತಿಂದರೆ ದೇಹದ ಉಷ್ಣತೆ ಹೆಚ್ಚಾಗುವುದರ ಜೊತೆಗೆ ಗ್ಯಾಸ್ಟ್ರಿಕ್ ಸಮಸ್ಯೆಯನ್ನು ಉಂಟು ಮಾಡುತ್ತದೆ.