ಏರ್ ಫ್ರೆಶ್‌ನರ್ ಬಳಸಬಾರದು ಅನ್ನುವುದಕ್ಕೆ ಇಲ್ಲಿದೆ ಕಾರಣ!

Wellness

oi-Reena

By Hema S

Updated: Saturday, September 22, 2012, 16:30 [IST]

ಮನೆ ನೋಡಲು ಆಕರ್ಷಕವಾಗಿದ್ದರೆ ಮಾತ್ರ ಸಾಲದು, ಸುವಾಸನೆಯಿಂದ ಕೂಡಿರಬೇಕೆಂದು ಏರ್ ಫ್ರೆಶ್‌ನರ್ ಬಳಸುತ್ತೇವೆ. ಆದರೆ ಈ ಏರ್ ಫ್ರೆಶ್‌ನರ್ ನಲ್ಲಿ ರಾಸಾಯನಿಕಗಳು ಅಧಿಕವಿರುವುದರಿಂದ ಇದನ್ನು ಬಳಸುವುದು ಅಷ್ಟು ಒಳ್ಳೆಯದಲ್ಲ. ಇದನ್ನು ಏಕೆ ಬಳಸಬಾರದು ಅನ್ನುವುದಕ್ಕೆ ಕಾರಣಗಳು ನೋಡಿ ಇಲ್ಲಿವೆ:
ಏರ್ ಫ್ರೆಶ್‌ನರ್ ಬಳಸಿದರೆ ಈ ಕೆಳಗಿನ ಕಾಯಿಲೆಗಲು ಬರುವ ಸಾಧ್ಯತೆ ಹೆಚ್ಚು.

ಕ್ಯಾನ್ಸರ್: ಈ ಏರ್ ಫ್ರೆಶ್‌ನರ್ ಓಜೋನ್ ಪದರದ ಜೊತೆ ವರ್ತಿಸಿ ಫಾರ್ಮಲ್ ಡೀಹೈಡ್ ಅನ್ನು ಉತ್ಪತ್ತಿ ಮಾಡುತ್ತದೆ. ಈ ಫಾರ್ಮಲ್ ಡೀಹೈಡ್ ಕ್ಯಾನ್ಸರ್ ಬರಲು ಪ್ರಮುಖ ಕಾರಣವಾಗಿದೆ.

ಸಂತಾನ್ಪತ್ತಿಗೆ ತೊಂದರೆ ತರಬಹುದು: ಏರ್ ಫ್ರೆಶ್‌ನರ್ ನಲ್ಲಿ ಕೆಲವು ರಾಸಾಯನಿಕಗಳಿದ್ದು ಆ ಗಾಳಿಯನ್ನು ನಾವು ಸೇವಿಸುತ್ತೇವೆ. ಆಗ ರಾಸಾಯನಿಕಗಳು ದೇಹವನ್ನು ಸೇರಿ ಬಂಜೆತನ ಉಂಟಾಗಲು ಕಾರಣವಾಗುತ್ತದೆ.

ಅಸ್ತಮಾ: ಮನೆಯಲ್ಲಿ ಅಸ್ತಮಾ ಕಾಯಿಲೆ ಇದ್ದವರು ಇದ್ದರೆ ಈ ರೂಮ್ ಫ್ರೆಶ್‌ನರ್ ಬಳಸಲು ಹೋಗಲೇಬಾರದು. ಇದು ಉಸಿರಾಟದ ತೊಂದರೆಯನ್ನು ಹೆಚ್ಚು ಮಾಡುತ್ತದೆ.

ವಾಂತಿ: ಪ್ರತದಿನ ಏರ್ ಫ್ರೆಶ್‌ನರ್ ಬಳಸುತ್ತಿದ್ದರೆ ತಲೆನೋವು, ವಾಂತಿ ಬರುವಂತೆ ಆಗುವುದು ಈ ರೀತಿಯ ತೊಂದರೆಗಳು ಕಾಣಿಸಿಕೊಳ್ಳುವುದು.

ರೋಗ ನಿರೋಧಕ ಶಕ್ತಿಯನ್ನು ಕಡಿಮೆ ಮಾಡುತ್ತದೆ: ಕಾರಿನಲ್ಲಿ, ಮನೆಯಲ್ಲಿ ಏರ್ ಫ್ರೆಶ್‌ನರ್ ಬಳಸುತ್ತಿದ್ದರೆ ಸ್ವಲ್ಪ ವರ್ಷಗಳ ಬಳಿಕ ದೇಹದಲ್ಲಿ ರೋಗ ನಿರೋಧಕ ಸಾಮರ್ಥ್ಯವನ್ನು ಕಡಿಮೆ ಮಾಡುತ್ತದೆ.

ಈ ಹಾನಿಕಾರಕ ಏರ್ ಫ್ರೆಶ್‌ನರ್ ಬಳಸುವ ಬದಲು ಮನೆಯನ್ನು ಚೆನ್ನಾಗಿ ಗುಡಿಸಿ, ಒರೆಸಿ ಕಿಟಕಿಗಳನ್ನು ಸ್ವಲ್ಪ ತೆರೆದಿಟ್ಟರೆ ಸ್ವಚ್ಛ ಗಾಳಿ ಮನೆಯೊಳಗೆ ಬರುತ್ತದೆ ಮತ್ತು ರೂಂ ಕೂಡ ವಾಸನೆ ಬರುವುದಿಲ್ಲ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.