ಗ್ರಿಲ್ಡ್ ಮಾಡಿ ತಿನ್ನಲು ಸೂಕ್ತವಾದ 10 ಆಹಾರಗಳು

1. ಪನ್ನೀರ್

ಪನ್ನೀರ್ ಅನ್ನು ಹೆಚ್ಚಾಗಿ ಫ್ರೈ ಮಾಡಿ ಅಡುಗೆಯಲ್ಲಿ ಬಳಸುತ್ತೇವೆ. ಆದರೆ ಇದಕ್ಕೆ ಮಸಾಲೆಯನ್ನು ಸವರಿ ಗ್ರಿಲ್ಡ್ ಮಾಡಿ ತಿಂದರೆ ರುಚಿಯ ಜೊತೆಗೆ ಹೆಚ್ಚು ಆರೋಗ್ಯಕರ.

2. ಅಣಬೆ

ಅಣಬೆಯನ್ನು ಕೂಡ ಗ್ರಿಲ್ಡ್ ಮಾಡಬಹುದಾಗಿದ್ದು ಡಯಟ್ ನಲ್ಲಿರುವವರು ಈ ರೀತಿಯ ಗ್ರಿಲ್ಡ್ ಪದಾರ್ಥ ತಿಂದರೆ ಬಾಯಿಗೂ ಮೋಸವಿಲ್ಲ, ದೇಹದ ತೂಕ ಕೂಡ ಹೆಚ್ಚಾಗುವುದಿಲ್ಲ.

3. ದುಂಡು ಮೆಣಸು

ದುಂಡು ಮೆಣಸಿನಲ್ಲಿ ಕಡಿಮೆ ಉರಿಯಲ್ಲಿ ಗ್ರಿಲ್ಡ್ ಮಾಡಬೇಕು. ದುಂಡು ಮೆಣಸಿನ ಒಳಗೆ ಬೇಯಿಸಿದ ತರಕಾರಿಗಳನ್ನು ತುಂಬಿ ನಂತರ ಅದನ್ನು ಗ್ರಿಲ್ಡ್ ಮಾಡಿ ತಿಂದರೆ ತುಂಬಾ ರುಚಿಯಾಗಿರುತ್ತದೆ.

4. ಸೀಗಡಿ

ಸೀಗಡಿಯನ್ನು ಮಸಾಲೆಯಲ್ಲಿ ಮಿಶ್ರಣ ಮಾಡಿ ಅರ್ಧ ಗಂಟೆ ಇಟ್ಟು ನಂತರ ಅತೀ ಕಡಿಮೆ ಉರಿಯಲ್ಲಿ ಗ್ರಿಲ್ಡ್ ಮಾಡಿದರೆ ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ.

6. ಈರುಳ್ಳಿ

ಈರುಳ್ಳಿಯನ್ನು ವಿನಿಗರ್ ನಲ್ಲಿ ಅದ್ದಿ ನಂತರ ತುಂಬಾ ಕಡಿಮೆ ಉರಿಯಲ್ಲಿ ಗ್ರಿಲ್ಡ್ ಮಾಡಿದರೆ ತಿನ್ನಲು ರುಚಿಯಾಗಿರುತ್ತದೆ. ಹಸಿ ತಿನ್ನುವುದಕ್ಕಿಂತ ಹೀಗೆ ಮಾಡಿ ತಿಂದು ನೋಡಿ.

7. ಆಲೂಗೆಡ್ಡೆ

ಆಲೂಗೆಡ್ಡೆಯನ್ನು ಮಸಾಲೆಯಲ್ಲಿ ಸ್ವಲ್ಪ ಹೊತ್ತು ಇಟ್ಟು ನಂತರ ಗ್ರಿಲ್ಡ್ ಮಾಡಿ ತಿಂದು ನೋಡಿ, ಇದರ ರುಚಿ ನಿಮಗೆ ತುಂಬಾ ಇಷ್ಟವಾಗುವುದು.

6. ಚಿಕನ್

ಡಯಟ್ ನಲ್ಲಿರುವವರು, ದೇಹದ ತೂಕ ಹೆಚ್ಚಾಗಬಾರದೆಂದು ಬಯಸುವವರು ಫ್ರೈ ಮಾಡಿದ ಚಿಕನ್ ಬದಲು ಗ್ರಿಲ್ಡ್ ಚಿಕನ್ ತಿನ್ನುವುದು ಒಳ್ಳೆಯದು. ಚಿಕನ್ ಗ್ರಿಲ್ಡ್ ಆಗಲು 25-30 ತೆಗೆದುಕೊಳ್ಳುತ್ತದೆ.

8. ಟೊಮೆಟೊ

ಪನ್ನೀರ್ ಅಥಚಾ ಚಿಕನ್ ತುಂಡುಗಳ ನಡುವೆ ಟೊಮೆಟೊವನ್ನು ಇಟ್ಟು ಕೂಡ ಗ್ರಿಲ್ಡ್ ಮಾಡಬಹುದು. ಅಲ್ಲದೆ ಈ ರೀತಿ ಗ್ರಿಲ್ಡ್ ಮಾಡಿದ ಟೊಮೆಟೊದ ರುಚಿಯೇ ಭಿನ್ನವಾಗಿರುತ್ತದೆ.

9. ಮೀನು

ಹೆಚ್ಚಿನವರು ಮೀನನ್ನು ಸಾರು ಮಾಡಿ ತಿನ್ನಲು ಇಷ್ಟಪಡುವುದಿಲ್ಲ, ಅದರ ಬದಲು ಫ್ರೈ ಮಾಡಿ ತಿನ್ನಲು ಇಷ್ಟಪಡುತ್ತಾರೆ. ಆದರೆ ಫ್ರೈ ಮೀನು ತಿಂದರೆ ದೇಹದ ತೂಕ ಹೆಚ್ಚಾಗುವುದು, ಆದ್ದರಿಂದ ಮೀನನ್ನು ಗ್ರಿಲ್ಡ್ ಮಾಡಿ ತಿನ್ನುವುದು ಆರೋಗ್ಯದ ದೃಷ್ಟಿಯಿಂದ ತುಂಬಾ ಒಳ್ಳೆಯದು.

10. ಬದನೆಕಾಯಿ

ಬದನೆಕಾಯಿಗೆ ಉಪ್ಪು, ಖಾರ ಎಲ್ಲಾ ಹಾಕಿ ಸ್ವಲ್ಪ ಹೊತ್ತು ಇಡಬೇಕು. ನಂತರ ಕಡಿಮೆ ಉರಿಯಲ್ಲಿ ಗ್ರಿಲ್ಡ್ ಮಾಡಬೇಕು. ಈ ರೀತಿ ಗ್ರಿಲ್ಡ್ ಮಾಡಿದ ಬದನೆಕಾಯಿ ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ.