ರೋಗರುಜಿನ ರಹಿತ ಬದುಕಿಗೆ ನಾಲ್ಕು ಸಲಹೆ

Wellness

oi-Reena

By Hema S

Published: Tuesday, January 31, 2012, 11:34 [IST]

ಕಾಯಿಲೆ ಬರದ ಮನುಷ್ಯನೇ ಇಲ್ಲ. ಏನೂ ಇಲ್ಲ ಅಂದರೆ ಒಂದು ಸಣ್ಣ ಶೀತವಾದರೂ ಬಂದೇ ಬರುತ್ತದೆ. ಪದೇ ಪದೇ ಕಾಯಿಲೆ ಬರುತ್ತಿದ್ದರೆ ಕಿರಿಕಿರಿ ಉಂಟಾಗುತ್ತದೆ. ಹವಮಾನ ಬದಲಾಗುತ್ತಿದ್ದ ಹಾಗೆ ಸೋರುವ ಮೂಗು, ತಲೆನೋವು ಈ ಸಣ್ಣಪುಟ್ಟ ಕಾಯಿಲೆಯ ಉಪದ್ರವವನ್ನು ಹೋಗಲಾಡಿಸಲು ಮೊದಲೇ ಮುನ್ನಚ್ಚರಿಕೆ ವಹಿಸುವುದು ಅಗತ್ಯ. ಆರೋಗ್ಯವಾಗಿರಬೇಕಾದರೆ ಈ ಜೀವನಶೈಲಿ ಪಾಲಿಸುವುದು ಸೂಕ್ತ.

1. ಸ್ವಚ್ಚತೆ: ಕಾಯಿಲೆ ಬರದಂತೆ ತಡೆಯಲು ಮೊದಲು ಇರುವ ಸ್ಥಳ ಮತ್ತು ಮನೆ ಸ್ವಚ್ಚವಾಗಿರ ಬೇಕು. ದೇಹವನ್ನು ಕೂಡ ಶುದ್ಧವಾಗಿ ಇಟ್ಟುಕೊಳ್ಳಬೇಕು. ಪ್ರತಿನಿತ್ಯ ಸ್ನಾನ, ಎರಡು ಬಾರಿ ಹಲ್ಲು ಉಜ್ಜುವುದು , ಶುದ್ಧವಾದ ಬಟ್ಟೆ ಧರಿಸುವುದು, ಪ್ರತ್ಯೇಕ ಬಾಚಣಿಕೆ, ಸೋಪು, ಟವಲ್ ಬಳಸುವುದು ಇವೆಲ್ಲವೂ ಇತರರಿಂದ ಕಾಯಿಲೆ ಹರಡದಂತೆ ಹರಡುತ್ತದೆ.

2. ಕಾಯಿಲೆ ಬಂದವರ ಆರೈಕೆ: ಮನೆಯಲ್ಲಿ ಯಾರಿಗಾದರೂ ಜ್ವರ ಬಂದರೆ ಆರೈಕೆ ಮಾಡಬೇಕಾಗುತ್ತದೆ. ಈ ರೀತಿ ಆರೈಕೆ ಮಾಡುವಾಗ ಜ್ವರ ಬಂದವರು ಉಪಯೋಗಿಸಿದ ವಸ್ತುಗಳನ್ನು ಉಪಯೋಗಿಸಬಾರದು. ಅವರು ಕಾಯಿಲೆಯಿಂದ ಸಂಪೂರ್ಣ ಗುಣಮುಖವಾದ ಮೇಲೆ ಅವರ ಬಟ್ಟೆಗಳನ್ನು, ಹೊದಿಕೆಗಳನ್ನು ಸ್ವಚ್ಚವಾಗಿ ತೊಳೆಯಬೇಕು.

3. ಬೀದಿ ಬದಿಯ ಆಹಾರ: ಬೀದಿ ಬದಿಯ ಆಹಾರದಲ್ಲಿ ಹೆಚ್ಚು ದೂಳು ತುಂಬಿರುತ್ತದೆ. ಬಾಯಿ ರುಚಿಗೆ ಪುಟ್ ಪಾತ್ ನಲ್ಲಿ ಮಾರುವ ಆಹಾರ ತಿಂದರೆ ಕಾಯಿಲೆ ಬರುವುದು ತಪ್ಪಿದ್ದಲ್ಲ. ಪಾನಿಪುರಿ, ಗೋಬಿ ಹೀಗೆ ಬಾಯಿ ರುಚಿಯ ಆಹಾರದ ಬದಲು ಜ್ಯೂಸ್ ಮತ್ತು ಮನೆ ಆಹಾರ ಸೇವನೆ ಆರೋಗ್ಯಕ್ಕೆ ಒಳ್ಳೆಯದು.

4. ವಿಶ್ರಾಂತಿ: ಒಂದು ವೇಳೆ ಕಾಯಿಲೆ ಬಿದ್ದರೆ ಅದು ಹೆಚ್ಚಾಗದ್ದಂತೆ ತಡೆಯಲು ಕೂಡಲೇ ವೈದ್ಯರನ್ನು ಸಂಪರ್ಕಿಸಬೇಕು. ಅಲ್ಲದೆ ಕಾಯಿಲೆ ಸಂಪರ್ಣ ಗುಣಮುಖವಾಗುವವರಿಗೆ ವಿಶ್ರಾತಿ ತೆಗೆಯಬೇಕು. ವಿಶ್ರಾಂತಿ ವೇಳೆಯಲ್ಲಿ ಇಷ್ಟವಾದ ಸಂಗೀತ ಕೇಳಿ.

ಕೆಲವೊಂದು ರೋಗಗಳು ಶೀಘ್ರವೇ ಒಬ್ಬರಿಂದ -ಒಬ್ಬರಿಗೆ ಹರಡುವುದು. ಅಂತಹ ರೋಗಗಳು ನೆರೆಹೊರೆಯವರಲ್ಲಿ ಕಾಣಿಸಿಕೊಂಡರೆ ವೈದ್ಯರನ್ನು ಸಂಪರ್ಕಿಸಿ ಮುನ್ನಚ್ಚರಿಕೆ ಕ್ರಮ ಕೈಗೊಳ್ಳಬೇಕು. ಕಾಯಿಲೆ ಬರುವವರೆಗೆ ಕಾಯಬಾರದು. ಇದರಿಂದ ನಿಮಗೇ ಹಾನಿ.

ಕೆಲವೊಂದು ಕಾಯಿಲೆಗಳು ನಿರ್ಧಿಷ್ಟ ಸಮಯದಲ್ಲಿ ಕಾಣಿಸಿಕೊಳ್ಳುವುದು. ಉದಾಹರಣೆಗೆ ಚಳಿಗಾಲದಲ್ಲಿ ಶೀತ, ನೆಗಡಿ, ಕೆಮ್ಮು, ಬೇಸಿಗೆಯಲ್ಲಿ ಸಿಡುಬು ಹೀಗೆ ಕಾಲಕ್ಕೆ ಅನುಗುಣವಾಗಿ ದೇಹದ ಆರೈಕೆ ಮಾಡಬೇಕು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.