ಹೆಚ್ಚು ಶಕ್ತಿ ಬೇಕೆಂದರೆ ಈ ಜ್ಯೂಸ್ ಕುಡಿಯಿರಿ

Wellness

oi-Sumalatha

By Sumalatha

Published: Monday, January 2, 2012, 15:48 [IST]

ಕೃತಕ ಶಕ್ತಿ ವರ್ಧಕ ಪಾನೀಯದ ಸೇವನೆ ಆರೋಗ್ಯಕ್ಕೆ ಮಾರಕವಾಗಬಹುದು. ಇವುಗಳಲ್ಲಿನ ಕೆಫೆನ್ ಮತ್ತು ಸಕ್ಕರೆ ಅಂಶವೇ ಆರೋಗ್ಯ ಕೆಡಲು ಕಾರಣ. ಆದ್ದರಿಂದ ಮನೆಯಲ್ಲೇ ಶಕ್ತಿವರ್ಧಕ ಪಾನೀಯಗಳನ್ನು ತಯಾರಿಸಿದರೆ ಖರ್ಚೂ ಕಡಿಮೆ. ಆರೋಗ್ಯವೂ ಜೋಪಾನವಾಗಿರುತ್ತೆ. ಮನೆಯಲ್ಲಿಯೇ ತಯಾರಿಸಬಹುದಾದ ಶಕ್ತಿವರ್ಧಕ ಪಾನೀಯಗಳಾವುವೆಂದು ಇಲ್ಲಿ ತಿಳಿದುಕೊಳ್ಳಿ.

ಮನೆಯಲ್ಲೇ ತಯಾರಿಸಬಹುದಾದ ಶಕ್ತಿ ವರ್ಧಕ ಪಾನೀಯ:
* ಬಾಳೆಹಣ್ಣಿನ ಜ್ಯೂಸ್: ಬಾಳೆಹಣ್ಣು ತಕ್ಷಣವೇ ಶಕ್ತಿ ಒದಗಿಸುವ ಹಣ್ಣು. ಇದು ಹಲವು ಗಂಟೆಗಳ ಕಾಲ ನಿಮ್ಮನ್ನು ಚುರುಕಾಗಿರುವಂತೆ ನೋಡಿಕೊಳ್ಳುತ್ತದೆ. ಬಾಳೆಹಣ್ಣಿನ ಜ್ಯೂಸನ್ನು ಸೇವಿಸಿದರೆ ಸುಸ್ತು ಕಡಿಮೆಯಾಗಿ ಶಕ್ತಿ ತುಂಬುತ್ತದೆ. ಬಾಳೆಹಣ್ಣಿನಲ್ಲಿ ವಿಟಮಿನ್, ಖನಿಜಾಂಶ, ಪೊಟಾಶಿಯಂ, ಫಾಸ್ಪರಸ್ ಮುಂತಾದ ಅಂಶ ದೈಹಿಕ ಶಕ್ತಿಯನ್ನು ದ್ವಿಗುಣಗೊಳಿಸುತ್ತದೆ.

* ಆಪಲ್ ಶೇಕ್: ಸೇಬು ಶಕ್ತಿಯುತ ಹಣ್ಣು. ಇದು ನಿಮ್ಮನ್ನು ಚಟುವಟಿಕೆಯಿಂದ ಕೂಡಿರುವಂತೆ ಮತ್ತು ಆರೋಗ್ಯಕರವಾಗಿರುವಂತೆ ನೋಡಿಕೊಳ್ಳುತ್ತದೆ. ಸೇಬನ್ನು ಹಾಲಿನೊಂದಿಗೆ ಬೆರೆಸಿ ಕುಡಿದರೆ ಇದಕ್ಕಿಂತ ಒಳ್ಳೆಯ ಶಕ್ತಿವರ್ಧಕ ಪಾನೀಯವಿಲ್ಲ. ತಣ್ಣಗಿನ ಆಪಲ್ ಶೇಕ್ ಮನಸ್ಸು ಮತ್ತು ದೇಹವನ್ನು ರಿಲ್ಯಾಕ್ಸ್ ಆಗಿಸಿ ಇಡೀ ದಿನ ಚೈತನ್ಯದಿಂದಿರುವಂತೆ ನೋಡಿಕೊಳ್ಳುತ್ತದೆ.

* ಬಾರ್ಲೆ ಪಾನೀಯ: ಬಾರ್ಲೆಯಲ್ಲಿರುವ ಅಮಿನೊ ಆಸಿಡ್ ದೈಹಿಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ಇದಕ್ಕೆ ಕೆಲವು ಹನಿ ಜೇನು ಮತ್ತು ನಿಂಬೆರಸ ಸೇವಿಸಿದರೆ ದೇಹದ ತೂಕ ಕಡಿಮೆಯಾಗುವುದಲ್ಲದೆ ಅಗತ್ಯ ನೀರಿನಂಶವನ್ನು ನೀಡುತ್ತದೆ. ಮೂಳೆ ನೋವು ಇದ್ದರೆ ಇದರೊಂದಿಗೆ ಶುಂಠಿ ಬೆರೆಸಿ ಕುಡಿದರೆ ನೋವು ನಿವಾರಣೆಯಾಗುತ್ತದೆ.

* ನೀರಿನೊಂದಿಗೆ ಜೇನು: ಸ್ವಲ್ಪ ಬಿಸಿ ನೀರಿನಲ್ಲಿ ಕೆಲವು ಹನಿ ಜೇನು ಬೆರೆಸಿ ಕುಡಿದರೆ ತಕ್ಷಣವೇ ಶಕ್ತಿ ಬರುವುದಲ್ಲದೆ ಬೊಜ್ಜನ್ನೂ ಕರಗಿಸುತ್ತದೆ. ಡಯಟ್ ಮಾಡುವವರಿಗೆ ಈ ಪಾನೀಯ ಹೆಚ್ಚು ಸೂಕ್ತ. ಸೋಯಾ ಹಾಲಿನೊಂದಿಗೆ ಜೇನನ್ನು ಬೆರೆಸಿ ಕುಡಿದರೂ ಶಕ್ತಿಯನ್ನು ಪಡೆಯಬಹುದು.

* ಕ್ಯಾರೆಟ್ ಜ್ಯೂಸ್: ಕ್ಯಾರೆಟ್ ನಲ್ಲಿ ವಿಟಮಿನ್ ಮತ್ತು ಖನಿಜಾಂಶ ಹೇರಳವಾಗಿದೆ. ಕ್ಯಾರೆಟ್ ಜ್ಯೂಸ್ ದೇಹದ ಜೀರ್ಣಕ್ರಿಯೆಯನ್ನು ಸರಾಗಗೊಳಿಸಿ ಸುಸ್ತನ್ನು ನಿವಾರಿಸುತ್ತದೆ. ಇದರೊಂದಿಗೆ ಮೊಟ್ಟೆ ಹಳದಿ ಭಾಗವನ್ನು ಸೇರಿಸಿ ಕುಡಿದರೆ ಸೋಮಾರಿತನ ನಿವಾರಣೆಯಾಗುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.