ಫ್ರಿಡ್ಜ್ ನಲ್ಲಿಟ್ಟ ಮಾಂಸ ಏಕೆ ತಿನ್ನಬಾರದು?

Wellness

oi-Sumalatha

By Sumalatha

Published: Tuesday, December 6, 2011, 14:57 [IST]

ಆಹಾರವನ್ನು ದೀರ್ಘಕಾಲ ಫ್ರಿಡ್ಜ್ ನಲ್ಲಿಟ್ಟರೆ ಆರೋಗ್ಯದ ಮೇಲೂ ಪರಿಣಾಮ ಬೀರುತ್ತೆ. ಅದರಲ್ಲೂ ಮಾಂಸವನ್ನು ಫ್ರಿಡ್ಜ್ ನಲ್ಲಿ ಶೇಖರಿಸಿಟ್ಟರೆ ಅದರಲ್ಲಿನ ಪ್ರೊಟೀನ್ ನಶಿಸಿಹೋಗುವುದಲ್ಲದೆ ಶುದ್ಧತೆಯನ್ನೂ ಕಳೆದುಕೊಳ್ಳುತ್ತೆ. ಜೊತೆಗೆ ಇದರಿಂದ ಆಹಾರ ವಿಷಕಾರಿಯಾಗುವ ಸಾಧ್ಯತೆಯೂ ಹೆಚ್ಚು.

ಶೇಖರಿಸಿಟ್ಟ ಮಾಂಸದ ಸೇವನೆಯಿಂದ ಹೊಟ್ಟೆಯಲ್ಲಿ ಅನೇಕ ಸಮಸ್ಯೆಗಳು ಉದ್ಭವವಾಗುವುದಲ್ಲದೆ ಲಿವರ್, ಕಿಡ್ನಿ ಮತ್ತು ಮೆದುಳಿನ ಕಾರ್ಯವೈಖರಿಯನ್ನೂ ಕುಂಠಿತಗೊಳಿಸುತ್ತೆ ಎಂದು ವೈದ್ಯರು ಹೇಳುತ್ತಾರೆ.

ಆದಕಾರಣ, ತಾವು, ಯಾವಾಗಲೂ ತಾಜಾ ಮತ್ತು ಆರೋಗ್ಯಕರ ಮಾಂಸವನ್ನೇ ಬಳಸಬೇಕು. ಇಲ್ಲದಿದ್ದರೆ ಅದು ಗ್ಯಾಸ್ಟ್ರಿಕ್ ಉಂಟುಮಾಡಿ ಗಂಭೀರ ಆರೋಗ್ಯ ತೊಂದರೆಗಳಿಗೆ ಕಾರಣವಾಗುತ್ತದೆ ಎಂದು ಡಾಕ್ಟರ್ ಎಚ್ಚರಿಸಿದ್ದಾರೆ.

ಅನಾರೋಗ್ಯಕರ ಮತ್ತು ಹದವಾಗಿ ಬೇಯಿಸದ ಮಾಂಸದಲ್ಲಿ ಹೆಚ್ಚು ಬ್ಯಾಕ್ಟೀರಿಯಾ ಇರುವುದರಿಂದ ಹೊಟ್ಟೆಗೆ ನಾನಾ ರೀತಿಯ ತೊಂದರೆಯುಂಟಾಗುವ ಸಾಧ್ಯತೆಯಿದೆ. ಕೆಲವು ಮಾಂಸಗಳಲ್ಲಿ ಪ್ರೊಟೀನ್ ಗಿಂತ ಹೆಚ್ಚಾಗಿ ಬೊಜ್ಜು ತುಂಬಿರುತ್ತದೆ. ಅದರಲ್ಲೂ ಫ್ರಿಡ್ಜ್ ನಲ್ಲಿಟ್ಟು ತಿಂದರೆ ಪರಿಣಾಮ ಇನ್ನೂ ವ್ಯತಿರಿಕ್ತವಾಗಿರುತ್ತದೆ ಎಂದು ತಿಳಿದುಬಂದಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.