ಜೀರ್ಣಕ್ರಿಯೆ ಸಮಸ್ಯೆಗೆ ಈ ಚೂರ್ಣ ಸೇವಿಸಿ

ಚೂರ್ಣಕ್ಕೆ ಏನೇನು ಬೇಕು?
* 1 ಚಮಚ ಓಂ ಕಾಳು ಅಥವಾ ಅಜ್ವಾನ
* 1 ಚಮಚ ಜೀರಿಗೆ
* 1 ಚಮಚ ಸೋಂಪು
* 2 ಚಮಚ ಸಬಸಿಗೆ ಸೊಪ್ಪಿನ ಬೀಜ
* 1-2 ಚಮಚ ಮೆಂತ್ಯೆ ಕಾಳು
* 1 ಚಮಚ ಕಲ್ಲುಪ್ಪು
* 1 ಚಮಚ ಇಂಗು
* ಸ್ವಲ್ಪ ಹುಣಸೆಹಣ್ಣು
* ಸ್ವಲ್ಪ ಬೆಲ್ಲ

ಚೂರ್ಣ ತಯಾರಿಸುವ ವಿಧಾನ: ಬಾಣಲೆಯಲ್ಲಿ ಮೇಲೆ ತಿಳಿಸಿದ ಎಲ್ಲ ಪದಾರ್ಥಗಳನ್ನು ಬೆಚ್ಚಗೆ ಹುರಿದುಕೊಳ್ಳಬೇಕು. ನಂತರ ಅದಕ್ಕೆ ಹುಣಸೆಹಣ್ಣು, ಬೆಲ್ಲ ಮತ್ತು ಉಪ್ಪನ್ನು ಸೇರಿಸಿ ಮಿಕ್ಸಿಯಲ್ಲಿ ನೀರು ಹಾಕದಂತೆ ಪುಡಿಮಾಡಿಕೊಳ್ಳಬೇಕು. ಇದನ್ನು ಸಣ್ಣ ಸಣ್ಣ ಉಂಡೆಗಳಂತೆ ಮಾಡಿ ಊಟವಾದ ನಂತರ ಸೇವಿಸಬಹುದು. ಅಥವಾ ಮಜ್ಜಿಗೆ, ನೀರಿನೊಂದಿಗೂ ಬೆರೆಸಿ ಕುಡಿಯಬಹುದು. ಈ ಚೂರ್ಣ ನಿಮ್ಮ ಬಳಿ ಉದರ ಸಂಬಂಧಿ ತೊಂದರೆಗಳು ಸುಳಿಯದಂತೆ ತಡೆಯುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.