ಹೃದಯ ಸಮಸ್ಯೆ ಬಾರದಂತೆ ತಡೆಗಟ್ಟಲು ಪಾಲಿಸಬೇಕಾದ 6 ಟಿಪ್ಸ್

1. ನೀವು ತಿನ್ನುವ ಆಹಾರದ ಪ್ರಮಾಣದ ಮೇಲೆ ಗಮನವಿರಲಿ

ನೀವು ಎಷ್ಟು ತಿನ್ನುತ್ತೀರ ಎನ್ನುವುದು ಕೂಡ ಮುಖ್ಯವಾದ ಅಂಶವಾಗಿದೆ. ನೀವು ಮಿತಿಯಲ್ಲಿ ತಿನ್ನುವುದರಿಂದ ದೇಹಕ್ಕೆ ಬೇಕಾದ ಪೋಷಕಾಂಶ ದೊರೆಯುವುದು ಹಾಗೂ ಯಾವುದೇ ಕೊಲೆಸ್ಟ್ರಾಲ್ ಮುಂತಾದ ಸಮಸ್ಯೆ ಕಾಡುವುದಿಲ್ಲ. ಪ್ಲೇಟ್‌ ತುಂಬಾ ಹಾಕಿ ತಿನ್ನುವ ಅಭ್ಯಾಸ ನಿಮಗಿದ್ದರೆ ನೀವು ಚಿಕ್ಕ ಪ್ಲೇಟ್ ಬಳಸಿ ಆಹಾರ ತೆಗೆದುಕೊಳ್ಳುವ ಪ್ರಮಾಣವನ್ನು ಕಡಿಮೆ ಮಾಡಿ.

ಈ ಟೆಕ್ನಿಕ್ ಬಳಸಿದರೆ ನಿಮ್ಮ ಸೊಂಟದ ಗಾತ್ರದ ಹೆಚ್ಚಾಗುವುದನ್ನು ತಡೆಯಬಹುದು ಹಾಗೂ ಹೃದಯದ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು.

2. ನಿಮ್ಮ ಪ್ಲೇಟ್‌ನಲ್ಲಿ ತರಕಾರಿ ಹಾಗೂ ಹಣ್ಣುಗಳು ಅಧಿಕವಿರಲಿ

ಫಾಸ್ಟ್‌ಫುಡ್ಸ್ ನಾಲಗೆಗೆ ಮಾತ್ರ ರುಚಿ, ಆರೋಗ್ಯಕ್ಕೆ ಒಳ್ಳೆಯದಲ್ಲ, ನಿಮ್ಮ ಪ್ಲೇಟ್‌ನಲ್ಲಿ ಹಣ್ಣು ಹಾಗೂ ತರಕಾರಿಗಳು ಅಧಿಕವಿರಲಿ. ನೀವು ತಿನ್ನುವ ಆಹಾರದಲ್ಲಿ ಕಾರ್ಬ್ಸ್ ಮಿತಿಯಲ್ಲಿ ಇರಲಿ, ಆರೋಗ್ಯಕರ ಕೊಬ್ಬಿನಂಶವಿರಲಿ, ಹಣ್ಣು ಹಾಗೂ ತರಕಾರಿಗಳನ್ನು ಹೆಚ್ಚಾಗಿ ತಿನ್ನಿ.

ಸಕ್ಕರೆ ಹಾಕಿ ಒಣಗಿಸಿರುವ ಹಣ್ಣುಗಳನ್ನು ತಿನ್ನಲು ಹೋಗಬೇಡಿ.

3. ಅನಾರೋಗ್ಯಕರ ಕೊಬ್ಬಿನಂಶ ಕಡಿಮೆ ಮಾಡಿ

ನೀವು ತಿನ್ನುವ ಆಹಾರದಲ್ಲಿ 5-6% ಸ್ಯಾಚುರೇಟಡ್ ಕೊಬ್ಬಿನಂಶವಿದ್ದರೆ ತೊಂದರೆಯಿಲ್ಲ, ಆದರೆ 11ರಿಂದ 13ಗ್ರಾಂನಷ್ಟು ಸ್ಯಾಚುರೇಟಡ್ ಕೊಬ್ಬಿನಂಶವಿರುವ ಆಹಾರ ಬಳಕೆ ಕಡಿಮೆ ಮಾಡಿ. ನೀವು ದಿನದಲ್ಲಿ 2000ಕ್ಕಿಂತ ಅಧಿಕ ಕ್ಯಾಲೋರಿ ಇರುವ ಆಹಾರ ಸೇವಿಸಲು ಹೀಗಬೇಡಿ. ಇನ್ನು ಟ್ರಾನ್ಸ್‌ಫ್ಯಾಟ್‌ ಆಹಾರ ಬಳಕೆ ಮಾಡದಿರುವುದು ಒಳ್ಳೆಯದು.

ಯಾವ ಕೊಬ್ಬಿನಂಶ ಒಳ್ಳೆಯದು: ಆಲೀವ್ ಎಣ್ಣೆ, ನಟ್ಸ್, ಬೀಜಗಳು, ಬೆಣ್ನೆ ಹಣ್ಣು

ಯಾವ ಕೊಬ್ಬಿನಂಶ ಮಿತಿಯಲ್ಲಿ ತಿನ್ನಿ: ಬೆಣ್ಣೆ, ತುಪ್ಪ, ಕೋಕಾ ಬಟರ್, ತೆಂಗಿನೆಣ್ಣೆ

4. ಕಡಿಮೆ ಕೊಬ್ಬು ಅಧಿಕ ಪ್ರೊಟೀನ್ ಇರುವ ಆಹಾರ ಸೇವಿಸಿ

ಕೊಬ್ಬಿನಂಶ ಕಡಿಮೆ ಇರುವ ಮಾಂಸ, ಮೀನು, ಕಡಿಮೆ ಕೊಬ್ಬಿನಂಶವಿರುವ ಹಾಲಿನ ಪದಾರ್ಥಗಳು, ಮೊಟ್ಟೆ ಇವುಗಳಲ್ಲಿ ಪ್ರೊಟೀನ್ ಅಧಿವಿರುತ್ತದೆ. ಇದನ್ನು ಆಹಾರದಲ್ಲಿ ಬಳಸಿ. ಅಲ್ಲದೆ ಮೀನಿನಲ್ಲಿ ಒಮೆಗಾ 3 ಕೊಬ್ಬಿನಂಶ ಇರುವುದರಿಂದ ಹೃದಯ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು. ಬೂತಾಯಿ, ಬಂಗುಡೆ, ಅಗಸೆ ಬೀಜ, ವಾಲ್‌ನಟ್, ಸೋಯಾ ಬೀನ್ ಇವುಗಳನ್ನು ಬಳಸಿ.

5.ಸೋಡಿಯಂ ಕಡಿಮೆ ಬಳಸಿ

ಅಧಿಕ ಉಪ್ಪಿನಂಶವಿರುವ ಆಹಾರ ಸೇವಿಸಿದರೆ ರಕ್ತದೊತ್ತಡ ಅಧಿಕವಾಗುವುದು. ಆದ್ದರಿಂದ ಉಪ್ಪಿನಂಶ ಸ್ವಲ್ಪ ಕಡಿಮೆ ಪ್ರಮಾಣದಲ್ಲಿ ಸೇವಿಸುವುದು ಆರೋಗ್ಯಕ್ಕೆ ಒಳ್ಳೆಯದು. ದಿನದಲ್ಲಿ ಒಬ್ಬ ವ್ಯಕ್ತಿ 2300 ಮಿಗ್ರಾಂನಷ್ಟು ಸೋಡಿಯಂ ತೆಗೆದುಕೊಳ್ಳಬಹುದು.

6.ನಿಮ್ಮ ಮೆನು ಹೇಗಿರಬೇಕೆಂಬ ಡಯಟ್ ಚಾರ್ಟ್ ಮಾಡಿ

ನೀವು ದಿನದಲ್ಲಿ ಯಾವ ಆಹಾರ ತಿನ್ನಬೇಕು, ಎಷ್ಟು ಪ್ರಮಾಣದಲ್ಲಿ ತಿನ್ನಬೇಕು, ಯಾವ ಆಹಾರ ಸೇವಿಸಬಾರದು ಅಥವಾ ಸೇವಿಸುವುದನ್ನು ಕಡಿಮೆ ಮಾಡಬೇಕೆಂಬ ಡಯಟ್‌ ಚಾರ್ಟ್ ಮಾಡಿ. ನಂತರ ತಪ್ಪದೆ ಪಾಲಿಸಿ. ಕೆಲವೊಂದು ದಿನ ನಿಮಗೆ ಇಷ್ಟದ ಆಹಾರ ಸೇವಿಸಿದರೆ ತೊಂದರೆಯಿಲ್ಲ, ಆದರೆ ಹೆಚ್ಚಿನ ದಿನಗಳಲ್ಲಿ ನಿಮ್ಮ ಡಯಟ್ ಚಾರ್ಟ್ ಫಾಲೋ ,ಆಡಿ.

ಹೀಗೆ ಮಾಡಿದ್ದೇ ಆದರೆ ಕೊಲೆಸ್ಟ್ರಾಲ್ ಹೆಚ್ಚಾಗುವುದಿಲ್ಲ, ಮೈ ತೂಕ ಹೆಚ್ಚಾಗುತ್ತದೆ ಎಂಬ ಚಿಂತೆ ಇರುವುದಿಲ್ಲ, ಹೃದಯದ ಬಡಿತ ಕೂಡ ಆರೋಗ್ಯಕರವಾಗಿರುತ್ತದೆ.