ಬ್ರಹ್ಮಗಂಟಿನ ಗುಂಡಮ್ಮ ಖ್ಯಾತಿಯ ಗೀತಾ ಭಟ್ 17 ಕೆಜಿ ಮೈ ತೂಕ ಇಳಿಸಿಕೊಂಡಿದ್ದಾರೆ!

ಸ್ಥೂಲಕಾಯದಿಂದ ನೋವು ಅನುಭವಿಸಿದ್ದರು

ಬಿಗ್‌ಬಾಸ್‌ನಲ್ಲೂ ಅವರ ಮೈ ತೂಕ ಹೆಚ್ಚಿರುವುದರಿಂದ ಟಾಸ್ಕ್‌ಗಳನ್ನು ಸಮರ್ಥವಾಗಿ ನಿಭಾಯಿಸಲು ಸಾಧ್ಯವಿಲ್ಲ ಎಂದು ಇತರ ಕೆಲ ಸ್ಪರ್ಧಿಗಳು ಹೇಳಿ ನೋವುಂಟು ಮಾಡಿದ್ದನ್ನೂ ವೀಕ್ಷಕರು ನೋಡಿದ್ದಾರೆ. ಅವರು ಕೂಡ ತಮ್ಮ ಸ್ಥೂಲ ಕಾಯದ ಬಗ್ಗೆ ತುಂಬಾ ಚಿಂತೆ ಮಾಡದೆ ನಗು-ನಗುತ್ತಾಲೇ ಇರುತ್ತಿದ್ದರು.

ತೂಕ ಕಡಿಮೆ ಮಾಡಲು ಜಿಮ್ ಸೇರಿದ ಗೀತಾ ಭಟ್

ಆದರೆ ಬಿಗ್‌ಬಾಸ್‌ನಿಂದ ಬಂದ ಮೇಲೆ ಅವರು ತೂಕ ಕಡಿಮೆ ಮಾಡಲು ನಿರ್ಧಾರ ತೆಗೆದುಕೊಂಡರು. ತೂಕ ಇಳಿಕೆಗಾಗಿ ಟ್ರೈನರ್‌ನಿಂದ ಟ್ರೈನಿಂಗ್‌ ತೆಗೆದುಕೊಳ್ಳುತ್ತಿದ್ದು ಅದನ್ನು ತಮ್ಮ ಸಾಮಾಜಿಕ ತಾಣದಲ್ಲಿ ಹಾಕುತ್ತಿರುತ್ತಾರೆ. ಈಗ ಅವರ ಪ್ರಯತ್ನಕ್ಕೆ ಫಲ ಸಿಕ್ಕಿದೆ.

ಫಿಟ್ನೆಸ್‌ ಕಡೆ ಗೀತಾ ಭಟ್ ಜರ್ನಿ

ಇದೀಗ ಬರೋಬರಿ 17 ಕೆಜಿ ತೂಕ ಇಳಿಸಿಕೊಂಡಿದ್ದಾರೆ. ಅವರು ಇನ್ನೂ ತೂಕ ಇಳಿಸಿಕೊಳ್ಳಬೇಕು, ಅದಕ್ಕೆ ನಿರಂತರ ಪ್ರಯತ್ನ ಮಾಡುತ್ತಿದ್ದಾರೆ.

ಅವರ ಜಿಮ್‌ ಟ್ರೈನರ್‌ ಹೇಳುವಂತೆ ಅವರಿಗೆ ಫುಲ್‌ ಬಾಡಿ ವರ್ಕೌಟ್‌ ಹೆಚ್ಚಾಗಿ ಮಾಡಿಸುತ್ತಿದ್ದಾರಂತೆ. ಗೀತಾ ಭಾರತಿ ಭಟ್‌ ಕೂಡ ತುಂಬಾ ಖುಷಿ-ಖುಷಿಯಾಗಿ ವೇಯ್ಟ್ ಲಾಸ್‌ ಜರ್ನಿ ಮುಂದುವರೆಸಿದ್ದಾರೆ.

ಫಿಟ್ನೆಸ್ ಮೈಕಟ್ಟು ಹೆಚ್ಚಿಸುತ್ತೆ ಆತ್ಮವಿಶ್ವಾಸ

ಮೈ ತೂಕ ಹೆಚ್ಚಾದರೆ ಒಂದು ರೀತಿ ಆತ್ಮವಿಶ್ವಾಸ ಕುಗ್ಗುವುದು, ಆದರೆ ಸರಿಯಾದ ಮೈಕಟ್ಟು ನಮ್ಮಲ್ಲಿ ಆತ್ಮವಿಶ್ವಾಸ ಹೆಚ್ಚಿಸುತ್ತೆ. ಗೀತಾ ಅವರಿಗೆ ಕಡಿಮೆಯಾಗುತ್ತಿರುವ ಮೈ ತೂಕ ಖುಷಿ ತಂದಿದೆ. ಪ್ರಯತ್ನಪಟ್ಟರೆ ಮೈ ತೂಕ ಕರಗಿಸಲು ಸಾಧ್ಯ ಎಂದು ಇತರರಿಗೆ ಸ್ಪೂರ್ತಿಯಾಗಿದ್ದಾರೆ ಗೀತಾ ಭಾರತಿ ಭಟ್.