ತೂಕ ಇಳಿಸಿಕೊಳ್ಳಬೇಕೇ?, ಹಸಿಶುಂಠಿಯ ನೆರವು ಪಡೆದುಕೊಳ್ಳಿ!

ಸಲಹೆ #1

ಒಂದು ಚಿಕ್ಕ ತುಂಡು ಹಸಿಶುಂಠಿಯನ್ನು ತುರಿದು ಇದಕ್ಕೆ ಕೊಂಚವೇ ಲಿಂಬೆ ಮತ್ತು ಉಪ್ಪು ಸೇರಿಸಿ ಅರ್ಧ ಕಪ್ ಉಗುರುಬೆಚ್ಚನೆಯ ನೀರಿನಲ್ಲಿ ಬೆರೆಸಿ ಕುಡಿಯಿರಿ. ಈ ವಿಧಾನವನ್ನು ನಿಮ್ಮ ಮಧ್ಯಾಹ್ನದ ಮತ್ತು ರಾತ್ರಿಯ ಊಟಕ್ಕೂ ಒಂದು ಗಂಟೆ ಮುನ್ನ ಅನುಸರಿಸಿ.

ಸಲಹೆ #2

ಹೊಟ್ಟೆ ತುಂಬಾ ಊಟವಾದ ಬಳಿಕ ಒಂದು ಲೋಟ ಮಜ್ಜಿಗೆಯಲ್ಲಿ ಒಂದು ಚಿಕ್ಕ ತುಂಡು ಹಸಿಶುಂಠಿಯನ್ನು ತುರಿದು ಬೆರೆಸಿ ಕುಡಿಯಿರಿ.

ಸಲಹೆ #3

ನಿಮ್ಮ ಅಡುಗೆಯ ತರಕಾರಿಗಳನ್ನು ಹುರಿಯುವ ಮುನ್ನ ಒಂದು ಚಿಕ್ಕ ತುಂಡು ಹಸಿಶುಂಠಿಯನ್ನು ತುರಿದು ಒಂದು ಚಿಕ್ಕ ಚಮಚ ಎಣ್ಣೆಯಲ್ಲಿ ಹುರಿದ ಬಳಿಕ ತರಕಾರಿಗಳನ್ನು ಹಾಕಿ ಹುರಿಯಿರಿ ಬಳಿಕ ಮುಂದುವರೆಯಿರಿ.

ಸಲಹೆ #3

ಇದರಿಂದ ಅಡುಗೆ ಇನ್ನಷ್ಟು ರುಚಿಕರವಾಗುವುದು ಮಾತ್ರವಲ್ಲ, ಆರೋಗ್ಯವೂ ವೃದ್ಧಿಸುತ್ತದೆ ಹಾಗೂ ಸ್ಥೂಲಕಾಯವೂ ಕಡಿಮೆಯಾಗುತ್ತದೆ.

ಸಲಹೆ #4

ಮಧ್ಯಾಹ್ನದ ಬಳಿಕ ಒಂದು ವೇಳೆ ನಿಮಗೆ ಏನಾದರೂ ತಿನ್ನಬೇಕೆಂದು ಮನಸ್ಸಾದರೆ ಒಂದು ಚಿಕ್ಕ ತುಂಡು ಹಸಿಶುಂಠಿಯನ್ನು ಜಗಿದು ಬಾಯಿಯಲ್ಲಿಯೇ ಕೆಲವು ನಿಮಿಷ ಹಾಗೇ ಚಾಕಲೇಟಿನಂತೆ ಚೀಪುತ್ತಾ ಇರಿ.

ಸಲಹೆ #4

ಇದರಿಂದ ಏನಾದರೂ ತಿನ್ನಬೇಕೆಂಬ ಬಯಕೆ ಉಡುಗಿ ಹೋಗುತ್ತದೆ ಹಾಗೂ ಇದರ ಮೂಲಕ ಅನಗತ್ಯವಾಗಿ ತಿನ್ನಬಹುದಾಗಿದ್ದ ಸಿದ್ಧ ಆಹಾರಗಳು ಹೊಟ್ಟೆ ಸೇರದೇ ಹೆಚ್ಚುವರಿ ತೂಕ ಏರದಂತೆ ನೆರವಾಗುತ್ತದೆ. ಅಲ್ಲದೇ ಶುಂಠಿಯ ರಸ ಹೊಟ್ಟೆಗೆ ಹೋದ ಬಳಿಕ ತನ್ನ ಎಂದಿನ ಪ್ರಯೋಜನಗಳನ್ನು ನೀಡುತ್ತದೆ.

ಸಲಹೆ #5

ನಿಮ್ಮ ದಿನದ ಮೂರು ಹೊತ್ತಿನ ಹಾಲು ಬೆರೆಸಿದ ಟೀ ಬದಲಿಗೆ ಹಸಿಶುಂಠಿಯನ್ನು ಬಳಸಿದ ಹಾಲಿಲ್ಲದ ಟೀ ತಯಾರಿಸಿ ಕುಡಿಯಿರಿ.

ಸಲಹೆ #5

ಇದಕ್ಕಾಗಿ ಒಂದು ಚಿಕ್ಕ ತುಂಡು ಹಸಿಶುಂಠಿಯನ್ನು ಕೊಂಚವೇ ಜಜ್ಜಿ ಒಂದು ಕಪ್ ನೀರಿನಲ್ಲಿ ಸುಮಾರು ಹದಿನೈದು ನಿಮಿಷ ಮಧ್ಯಮ ಉರಿಯಲ್ಲಿ ಕುದಿಸಿ. ಈ ನೀರಿಗೆ ಕೊಂಚ ಜೇನು ಬೆರೆಸಿ ಶೋಧಿಸಿ ಟೀ ಬದಲಿಗೆ ದಿನಕ್ಕೆ ಮೂರು ಬಾರಿ ಕುಡಿಯಿರಿ.